Santiago de Compostela, 4 de agosto de 2025

A Xunta manterá a glorieta de Ledoño, en Culleredo, ata que estea executada a actuación do paso inferior para o cruce seguro dos peóns neste punto da estrada AC-523, actualmente en fase de redacción do proxecto por parte da Administración autonómica.

A actuación busca mellorar a mobilidade dos peóns e reforzar a súa seguridade no cruce desta estrada na intersección do punto quilométrico 1+360. O investimento estimado das actuacións de seguridade viaria prevista neste ámbito ascende a 700.000 euros. A previsión é que este proxecto poida estar redactado a finais deste ano co fin de licitar e executar as obras en 2026.