Cambre (A Coruña), 8 de agosto de 2025

O conselleiro de Presidencia, Xustiza e Deportes, Diego Calvo, realizou hoxe unha visita institucional ao concello de Cambre, na que abordou coa alcaldesa Diana Piñeiro posibles vías de colaboración para impulsar proxectos  municipais, especialmente nos ámbitos deportivo e das emerxencias.

Segundo sinalou o conselleiro, o obxectivo é, xunto co Concello, mellorar a prestación destes servizos en beneficio da veciñanza. Nesta liña, cómpre salientar que a Xunta convoca cada ano distintas liñas de colaboración para o apoio ás administracións locais, ademais de contribuír ao funcionamento dos servizos de emerxencias locais, de competencia municipal.