Santiago de Compostela, 17 de novembro de 2025

A Axencia para a Modernización tecnolóxica de Galicia (Amtega) inicia o vindeiro 21 de novembro un  novo ciclo de sesións formativas en materia de ciberseguridade baixo o lema Prepárate para un Nadal ciberseguro.

Os obxectivos destas sesións son concienciar sobre os principais riscos de ciberseguridade durante o Nadal, ofrecer pautas sinxelas para realizar compras en liña seguras, axudar a identificar fraudes, estafas e trampas típicas destas datas e dar as claves para protexer xoguetes e dispositivos conectados que chegan como agasallo.

Celebraranse un total de 22 xornadas formativas en diferentes aulas da Rede CeMIT en horarios de mañá e de tarde. Todas as xornadas terán un compoñente eminentemente práctico e unha duración de 1,5 horas.

A Rede CeMIT

A Rede CeMIT (Rede de Centros para a Modernización e a Inclusión Tecnolóxica), é unha iniciativa posta en marcha pola Axencia autonómica, que conta coa colaboración de 90 concellos e está integrada por 93 centros. Entre os seus obxectivos está o de promover o uso das novas tecnoloxías entre a poboación, con especial atención aos colectivos máis afectados pola fenda dixital, fomentar a formación dixital entre os profesionais galegos e mostrar á pemes e micropemes as vantaxes da sociedade da información.

Calendario de charlas