Santiago de Compostela, 3 de febreiro de 2026

A directora xeral de Planificación e Ordenación Forestal da Consellería do Medio Rural, Luisa Piñeiro, reuniuse hoxe con responsables das asociacións galega e nacional de empresas de servizos forestais, Serfoga e Asemfo, respectivamente.

A xuntanza forma parte da rolda de encontros que está a manter a directora xeral con representantes do sector forestal, co fin de manter un diálogo permanente e fluído para coñecer as súas inquedanzas e demandas e de avanzar na colaboración público-privada a prol deste eido produtivo e do monte galego en xeral.

En concreto, nas reunións de hoxe abordáronse asuntos como a situación e perspectivas de futuro do sector ou as posibilidades que ofrecen a empresas e particulares as diferentes liñas de axudas da Xunta para fomentar a actividade silvícola, a xestión forestal conxunta, a boa gobernanza dos montes, a reforestación ou a plantación de especies autóctonas, entre outras.