As obras de mantemento do viaduto da autoestrada Dozón-Ourense (AG-53) sobre a A-52 farán necesario un corte de calzada a partir deste luns, 23 de febreiro
Para acometer os traballos, que inclúen o izado do taboleiro, será preciso o corte completo da calzada, con desvío do tráfico entre o Enlace de Maside (AG-54) e a A-52, a través da estrada N-541
O corte previsto comezará este luns ás 8 horas e manterase ata as 13 horas do venres
As tarefas enmárcanse no programa da Xunta de inspección das vías e das obras de paso, para preservar a seguridade viaria e alongar a vida útil das infraestruturas
Santiago de Compostela, 21 de febreiro de 2026
As obras de mantemento do viaduto da autoestrada Dozón-Ourense (AG-53) sobre a A-52 farán necesarias novas afeccións ao tráfico a partir deste luns, 23 de febreiro.
Para acometer estes traballos, que incluirán o izado do taboleiro, será preciso un corte completo da calzada, con desvío do tráfico entre o Enlace de Maside (AG-54) e a A-52, a través da estrada N-541. O corte comezará o luns ás 8 horas e manterase ata as 13 horas do venres.
Durante a execución das obras, dispoñerase da sinalización oportuna para orientar aos usuarios da vía a través do itinerario alternativo indicado.
Este novo contrato da Xunta enmárcase no programa pioneiro da Xunta de inspección das vías e das obras de paso, para preservar a seguridade dos usuarios das infraestruturas viarias e alongar a vida útil con accións de conservación preventiva.
Tramo cortado: https://maps.app.goo.gl/iC2LoMrVU9EXUyAL7
Percorridos alternativos:
- Desde Santiago (AG-53): https://maps.app.goo.gl/VgW97jrwn7BVchy79
- Desde O Carballiño (AG-54): https://maps.app.goo.gl/sRLgSyR293GwNe8x6
