O seguimento na quenda de tarde deste mércores da folga médica acada o 2,99 % en atención hospitalaria e o 4,07 % en atención primaria
No conxunto dos dous niveis asistenciais, a folga tivo un seguimento do 3 %
Nos sete grandes hospitais a porcentaxe de participación foi do 3,61 % e non tivo seguimento nos comarcais
O maior seguimento nos grandes hospitais deuse no complexo de Pontevedra, cun 11,27 %, mentres que nos da Coruña, Santiago, Ferrol e Vigo non se rexistrou incidencia
Santiago de Compostela, 18 de marzo de 2026
O seguimento da folga de médicos na quenda de tarde desde mércores acadou o 2,99 % en atención hospitalaria e o 4,07 % en atención primaria. No conxunto dos dous niveis asistenciais, a folga tivo un seguimento do 3 %.
Na xornada deste mércores conflúen a folga médica convocada a nivel nacional contra o Estatuto Marco promovido polo Goberno central e a folga de atención primaria.
A porcentaxe de participación nos sete grandes hospitais do Servizo Galego de Saúde, na quenda de tarde, acadou o 3,61 %. En canto aos hospitais comarcais o paro non tivo seguimento esta tarde.
Por centros hospitalarios, o paro acadou un seguimento do 6,94 % no caso do Hospital Universitario Lucus Augusti; do 6,67 % no caso do Complexo Hospitalario Universitario de Ourense; e do 11,27 % no caso do Complexo Hospitalario Universitario de Pontevedra. Non foi seguido no Complexo Hospitalario Universitario da Coruña; no Complexo Hospitalario Universitario de Santiago de Compostela; no Complexo Hospitalario Universitario de Ferrol; e no Complexo Hospitalario Universitario de Vigo.
No caso dos hospitais comarcais, o paro non rexistrou seguimento na xornada de tarde deste mércores.
En canto ao seguimento en atención primaria na quenda de tarde, por áreas sanitarias, foi o seguinte: área sanitaria da Coruña e Cee, 3,66 %; área sanitaria de Santiago de Compostela e Barbanza, 2,63 %; na área sanitaria de Ourense, Verín e O Barco de Valdeorras, 6,15 %; e na área sanitaria de Vigo, do 8,89 %. Non tivo seguimento na área sanitaria de Ferrol; de Lugo, A Mariña e Monforte de Lemos; nin na área sanitaria de Pontevedra e O Salnés.
Pola súa banda, en entidades sanitarias como son a Axencia Galega de Doazón de Sangue, Órganos e Tecidos (ADOS), a empresa pública de servizos sanitarios Galaria e a Fundación Pública Urxencias Sanitarias de Galicia-061, non rexistraron seguimento do paro na quenda de tarde.
En termos globais, a folga médica acada na tarde deste mércores o 3,37 %.
O Servizo Galego de Saúde conta na xornada de hoxe coa cobertura do 100 % dos servizos mínimos, garantindo a actividade asistencial urxente e de emerxencias.
