Santiago de Compostela, 23 de marzo de 2026

O seguimento da folga de facultativos de atención primaria convocada pola organización sindical O’Mega na quenda de tarde deste luns foi do 2,82 % nos centros sanitarios da comunidade galega. En toda a comunidade foron 17 os profesionais que secundaron o paro.

Por áreas sanitarias, o seguimento na área sanitaria da Coruña e Cee foi do 1,81 %; na de Ourense, Verín e O Barco de Valdeorras  do 1,59 %; na de Pontevedra e O Salnés do 2,38 %; e na de Vigo, 9,16 %. Non houbo seguimento na quenda de tarde na área sanitaria de Ferrol; na de Santiago de Compostela e Barbanza; nin na de Lugo, A Mariña e Monforte de Lemos.

En canto ao número de profesionais que secundaron o paro por áreas sanitarias foi o seguinte: 3 na área sanitaria da Coruña e Cee; 0 na área sanitaria de Ferrol; 0 na área sanitaria de Santiago de Compostela e Barbanza; 0 na área sanitaria de Lugo, A Mariña e Monforte de Lemos; 1 na área sanitaria de Ourense, Verín e O Barco de Valdeorras; 1 na área sanitaria de Pontevedra e O Salnés; e 12 na área sanitaria de Vigo.

O Servizo Galego de Saúde conta na xornada de hoxe coa cobertura do 100 % dos servizos mínimos, garantindo a actividade asistencial urxente e de emerxencias.

Como consecuencia da folga indefinida de facultativos de atención primaria convocada o pasado dous de marzo pola organización sindical O’Mega, en 14 xornadas suspendéronse en total 65.722 consultas.