Reguera destaca a excelente preparación do alumnado da escola FP Marítimo-Pesqueira tras asistir a un dos seus simulacros
O delegado territorial tamén comprobou o funcionamento do simulador de radio do sistema mundial de socorro e salvamento marítimo co que o alumnado realiza as súas prácticas
A práctica contou coa asistencia de 52 alumnos do IES A Basella de Vilanova de Arousa
Bueu (Pontevedra), 6 de maio de 2026
O delegado territorial da Xunta en Pontevedra, Agustín Reguera, visitou esta mañá a Escola FP Marítimo-Pesqueira de Bueu, onde asistiu a unha demostración do funcionamento do simulador de radio do sistema de mundial de socorro e salvamento marítimo.
Reguera coñeceu de primeira man as actividades e formacións que se levan a cabo no centro e confirmou que goza de equipamento tecnolóxico de primeiro nivel que permite unha preparacón completa e adaptada á realidade a todos os alumnos e alumnas.
Neste sentido, o delegado asegurou sentirse gratamente sorprendido polo entusiasmo e a preparación dun alumnado que no futuro poderá facer fronte a calquera emerxencia que ocorra no seu traballo no mar.
A continuación, Reguera asistiu a unha das prácticas de extinción de incendios na que o alumnado, guiado polos seus profesores, fixeron fronte a lume real. Á práctica asisitiron 52 alumnos de 4º da Eso do IES A Basella de Vilanova de Arousa como parte dunha iniciativa do GALP para fomentar o relevo xeracional dos oficios relacionados co mar.
Imaxes relacionadas
