Lugo, 14 de maio de 2026

O delegado territorial da Xunta, Javier Arias, apoiou hoxe á Asociación Española Contra o Cancro (AECC) lucense na xornada adicada a recadar fondos para continuar desenvolvendo o seu labor. Arias visitou a mesa instalada pola entidade diante da Delegación Territorial  xunto co presidente da AECC de Lugo, José Manuel Rozas.

O delegado gabou o traballo que realiza a asociación en favor dos pacientes oncolóxicos da provincia. Salientou que o Goberno galego mantén unha estreita colaboración coa AECC, coa que coopera no impulso de diferentes plans de prevención, detección temperá e apoio ás persoas afectadas.

Así mesmo, destacou que a sanidade pública galega está a desenvolver medidas pioneiras na abordaxe desta enfermidade, como a extensión dos programas de cribado e os investimentos en tecnoloxía de vangarda para a diagnose e tratamento do cancro.