Ferrol, 29 de maio de 2026

A Xunta apoiou no último ano a contratación de persoas mozas desempregadas en 10 Concellos das comarcas de Ferrolterra, Eume e Ortegal con cargo ás axudas do Programa de Garantía Xuvenil da Consellería de Emprego, Comercio e Emigración. A delegada territorial de Ferrol, Martina Aneiros, visitou esta mañá a un destes traballadores contratados polo Concello de Ferrol na Biblioteca Municipal. 

Aneiros incidiu en que a través destas axudas, o Goberno galego pretende incentivar a contratación de persoas mozas, de entre 18 e 29 anos, desempregadas -é requisito que sexan beneficiarias do Sistema Nacional de Garantía Xuvenil e estean inscritas no Servizo Público de Emprego de Galicia- tanto en entidades locais como en organismos intermedios sen ánimo de lucro.

A convocatoria, dotada o ano pasado cun orzamento de 6,5 M€ cofinanciados pola Unión Europea a través do Programa FSE de Galicia 2021-2027, ten o obxecto de   subvencionar a contratación a xornada completa dos mozos e mozas por un período de nove meses. “O obxectivo fundamental é mellorar a empregabilidade e a inserción profesional dos mozos”, explicou Aneiros durante a visita.

Xunto ao Concello de Ferrol, que recibiu unha cantidade superior ar 65.000 euros no eido desta orde para a contratación de catro persoas en distintas dependencias municipais, tamén beneficiáronse destas axudas o de Pontedeume, Ortigueira, Moeche, Fene, Cerdido, Cedeira, As Somozas e Ares, cun contrato por concello. En total, recibiron máis de 199.000 euros en achegas para realizas as contratacións.