Ferrol, 19 de xuño de 2026

A delegada da Xunta en Ferrol, Martina Aneiros, xunto ao director territorial de Emprego, Comercio e Consumo, Joan José Couce, participou esta mañá na apertura do obradoiro formativo Emprendemento coma alternativa laboral, organizado polo Polo de emprendemento e apoio ao emprego de Ferrol.

A xornada, impartida no Centro Municipal de Formación Irmás Froilaz de Narón, estivo dirixida ás persoas usuarias do programa Integrado de Emprego da mancomunidade de concellos da comarca de Ferrol. Aneiros destacou que “falar de emprendemento é falar tamén de oportunidade, de adaptación e de capacidade para crear o propio camiño”, e salientou a importancia de encontros coma este, “que achegan ferramentas, acompañamento e exemplos prácticos que poden axudar a converter unha inquietude ou unha idea de negocio nunha opción de futuro”.