Santiago de Compostela, 24 de xuño de 2026

A Consellería do Medio Rural informa da situación dos incendios forestais rexistrados en Galicia con datos recollidos ata as 20.30 horas de hoxe.

Extinguido A Capela-Capela

Ás 20.18 horas de hoxe deuse por extinguido o incendio forestal rexistrado no concello coruñés da Capela, parroquia homónima, que se iniciou o domingo ás 04.06 horas e que finalmente afectou unha superficie de 36,72 hectáreas, das cales 25,25 corresponden a monte raso e as 11,47 restantes a arborado. Para a súa extinción mobilizáronse, de xeito acumulado, 2 técnicos, 18 axentes, 25 brigadas, 26 motobombas, 1 pa, 3 helicópteros e 4 avións.

Controlado A Capela-A Capela (Parque Natural das Fragas do Eume)

Desde 20.40 horas de hoxe está controlado o outro lume rexistrado neste mesma localidade da Capela, parroquia homónima. O incendio comezou ás 05.27 horas de onte e segundo as últimas estimacións afecta 50 hectáreas dentro do Parque Natural das Fragas do Eume. Para a súa extinción mobilizáronse, polo de agora, 3 técnicos, 22 axentes, 36 brigadas, 27 motobombas, 2 pas, 1 unidade técnica de apoio, 5 avións e 5 helicópteros.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Asemade, tamén está dispoñible para a súa descarga ALume, a app para avisar sobre incendios forestais activos en Galicia. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais que acadan as 20 hectáreas poderá ser consultada na conta aberta de X (antigo twitter): @incendios085.