Ferrol, 1 de xullo de 2026

A delegada territorial da Xunta en Ferrol, Martina Aneiros, recibiu esta mañá no seu despacho ao presidente da Asociación Deportiva Monte Medulio, Joel Carballeira. Durante o encontro trataron, entre outros temas, a organización do VI Beach Rugby Vila de As Pontes, que se celebrará no entorno do lago das Pontes os días 31 de xullo e 1 de agosto.

O encontro enmárcase na rolda de contactos que a delegada territorial vén mantendo co tecido asociativo da zona co obxecto de coñecer de primeira man as súas  necesidades e demandas relacionadas coa Administración autonómica.