Mondoñedo (Lugo), 8 de agosto de 2026

A conselleira do Medio Rural, María José Gómez, asistiu hoxe á celebración do XXXIV Mercado Medieval de Mondoñedo, que se celebra ao longo desta fin de semana nesta localidade lucense. Alí, Gómez salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización.

Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.