Santiago de Compostela, 9 de agosto de 2026

A Consellería do Medio Rural informa da situación dos incendios forestais rexistrados en Galicia con datos recollidos ata as 09,30 horas de hoxe.

PONTEVEDRA

Estabilizado Rodeiro-Arnego

Ás 00,50 horas de hoxe quedou estabilizado o incendio forestal do concello pontevedrés de Rodeiro, parroquia de Arnego, rexistrado onte ás 15,59 horas. Segundo as últimas estimacións provisionais afecta unha superficie de máis de 20 hectáreas e para a súa extinción mobilizáronse, polo momento, 10 axentes, 12 brigadas, 8 motobombas, 1 pa, 4 helicópteros e 2 avións.

Estabilizado Rodeiro-Carboentes

Tamén está estabilizado desde as 09,17 horas de hoxe o incendio rexistrados onte ás 16,03 horas na parroquia de Carboentes, concello de Rodeiro. Segundo as últimas estimacións provisionais afecta unha superficie de máis de 20 hectáreas e para a súa extinción mobilizáronse, polo momento, 2 técnicos, 10 axentes, 13 brigadas, 13 motobombas, 1 pa, 3 helicópteros e 4 avións.

OURENSE

 Activo Baltar-Garabelos

Segue activo desde as 12,21 horas de onte o incendio forestal rexistrado no concello ourensán de Baltar, parroquia de Garabelos do Bouzo, que segundo as últimas estimacións provisionais afecta unha superficie de 95 hectáreas. Para a súa extinción mobilizáronse, polo de agora, 3 técnicos, 12 axentes, 21 brigadas, 13 motobombas, 3 pas, 1 unidade técnica de apoio, 6 helicópteros e 9 avións.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Asemade, tamén está dispoñible para a súa descarga ALume, a app para avisar sobre incendios forestais activos en Galicia. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais que acadan as 20 hectáreas poderá ser consultada na conta aberta de X: @incendios085.