A Xunta recibe 7 ofertas para construír 24 vivendas públicas na rúa Angelo Colocci en Lugo, cun investimento de 4,3 M€
O novo edificio contará con vivendas de 1, 2, 3 e 4 dormitorios, todas con garaxe e rocho
O inmoble terá un fogar adaptado para persoas con mobilidade reducida
Trátase de fogares accesibles, eficientes enerxeticamente e con ventilación natural nas dúas fachadas
Santiago de Compostela, 27 de outubro de 2026
A Xunta recibe 7 ofertas para levar a cabo a construción de 24 novas vivendas públicas na rúa Angelo Colocci en Lugo, cun investimento de 4,3M€.
Este edificio contará con 24 vivendas de 1, 2, 3 e 4 dormitorios, todas con garaxe e rocho. Ademais o inmoble terá un fogar adaptado para persoas con mobilidade reducida.
Trátase de fogares accesibles, luminosos e eficientes enerxeticamente, e con ventilación natural nas dúas fachadas.
No que se refire á distribución, a planta baixa será destinada a dous portais de acceso, local garaxe en planta baixa para 6 prazas, 24 rochos, local veciñal, centro transformación e cuartos de instalación.
Nas plantas primeira, segunda e terceira, haberá 5 vivendas por andar, 3 de 3 dormitorios e 2 de 2 dormitorios.
No cuarto andar, haberá 5 vivendas por planta, 2 de 3 dormitorios e 3 de 2 dormitorios. A planta baixo cuberta estará destinada a 4 vivendas, das que 1 será de 1 dormitorio, 2 de 2 dormitorios, 1 de 3 dormitorios e 1 de 4.
