A Lama (Pontevedra), 6 de novembro de 2026

O delegado territorial da Xunta en Pontevedra, Pablo Fernández, visitou hoxe no concello da Lama, o resultado dos traballos de renovación das luminarias realizados na parroquia de Antas, unha actuación orientada a modernizar o alumeado público e mellorar as condicións de iluminación para os veciños da zona.

Esta intervención permitirá contar cun sistema de iluminación máis eficiente, contribuíndo tamén a optimizar o consumo enerxético e avanzar cara a uns servizos públicos máis sostibles e adaptados ás necesidades da veciñanza.

Durante a visita, o delegado puxo en valor a importancia das actuacións deste tipo no ámbito local, xa que contribúen a mellorar as infraestruturas municipais, a calidade de vida da cidadanía e os servizos que se prestan nas parroquias.