A EGAP analiza os efectos da transformación dixital no sector público e privado
A Escola Galega de Administración Pública (EGAP) acollerá mañá venres ás 12.30 horas a conferencia A Administración dixital e as implicacións da dixitalización no sector privado
No acto participarán a directora da EGAP, Sonia Rodríguez-Campos; o director da Axencia para a Modernización Tecnolóxica de Galicia (AMTEGA), Julián Cerviño Iglesia; o catedrático de Ciencia Política e da Administración da Universidade Rey Juan Carlos e Administrador Civil do Estado, Manuel Arenilla Sáez, e o director de Procesos Dixitais e Axilidade Operativa en ABANCA, Pablo Mateo Vázquez
A conferencia inicia o foro Diálogos sobre innovación e competitividade no sector público e no sector privado e encádrase nas actividades do Instituto de Economía Pública de Galicia (IEP)
A Escola Galega de Administración Pública (EGAP) acollerá mañá venres a conferencia “A Administración dixital e as implicacións da dixitalización no sector privado” coa finalidade de analizar os efectos da transformación dixital nas organizacións públicas.
O catedrático Manuel Arenilla Sáez é autor do libro “La Administración digital” no que analiza a revolución dixital como unha oportunidade para refundar a Administración pública que, de non aproveitarse, conducirá á obsolescencia dunha parte da súa actividade.
