A Xunta avoga por poñer en valor o patrimonio mineiro e recuperar as zonas nas que se desenvolveu esta actividade
O director xeral de Planificación Enerxética e Recursos Naturais, Pablo Fernández Vila, visitou esta mañá o espazo mineiro recuperado de Trema
Valga (Pontevedra), 1 de febreiro de 2024
O director xeral de Planificación Enerxética e Recursos Naturais, Pablo Fernández Vila, visitou esta mañá o espazo mineiro recuperado de Trema para coñecer a evolución das actuacións que se están realizando e destacou a necesidade tanto de poñer en valor o patrimonio mineiro como de recuperar e valorizar zonas e solos afectados por esta actividade.
Actualmente o uso principal do solo do antigo emprazamento mineiro é forestal e o fondo do antigo oco minero converteuse nunha lagoa de 9.500 metros cadrados. Nestes momentos está pendente o peche dun tramo na zona da pista.
Tal e como lle trasladaron, as actuacións acometidas ata o momento, financiadas con fondos europeos Next Generation, consistiron na rehabilitación e posta en seguridade da concesión Trema. Así leváronse a cabo actividades de roza, reforzo do peche perimetral e desvío da pista, retirada de residuos inertes e revexetación, entre outras.
Imaxes relacionadas
