Actualidade

Buscador de novas

Ten dispoñibles para consulta 601 novas da área temática Portos:

05/03/2025 | 15:03 | C. do Mar

A Consellería do Mar investirá máis de 800.000 euros este ano na mellora de infraestruturas e servizos nos portos de Muros

O conselleiro do Mar presentou o proxecto de reconstrución dun tramo de peirao na dársena interior de Muros, que xa se atopa en licitación, e o da rampla de Esteiro, cuxa execución está prevista tamén neste exercicio

28/02/2025 | 14:24 | C. do Mar

Portos de Galicia e o Concello de Laxe acordan a proposta para a reversión ao Estado de terreos innecesarios

O presidente do ente público reuniuse co alcalde para avaliar a delimitación do solo susceptible de volver á titularidade do Estado e no seu caso trasladarse aos Concellos en base aos criterios técnicos consensuados coa FEGAMP

27/02/2025 | 18:35 | C. do Mar

O avance do informe do CEDEX sobre as zonas de depósito dos áridos para a dragaxe do Lérez sinala como alternativa prioritaria o punto de Sálvora que o estado paralizou en 2021

A Xunta recibiu un avance do documento elaborado polo Centro de Estudios e Experimentación de Obras Públicas, organismo técnico de recoñecido prestixio dependente do Goberno Central no que valida os 3 puntos de vertido propostos por Portos de Galicia establecendo como preferente o E8 que se viña empregando

25/02/2025 | 15:17 | C. do Mar

Villares traslada ao alcalde de Boiro que Portos investirá 133 mil euros na renovación da iluminación do porto de Cabo de Cruz

O conselleiro do Mar explicou que a instalación dunha nova rampla de varada que dará servizo o club de remo está pendente do preceptivo informe de Costas do Estado desde xullo do 2024 

21/02/2025 | 16:39 | C. do Mar

Portos de Galicia e o Concello de Vilagarcía de Arousa acordan a proposta para a reversión ao estado de terreos innecesarios no peirao de Vilaxoán

O presidente do ente público reuniuse co alcalde para avaliar a delimitación do solo susceptible de volver á titularidade do Estado e no seu caso trasladarse aos Concellos en base aos criterios técnicos consensuados coa FEGAMP

19/02/2025 | 13:33 | C. do Mar

A Xunta de Galicia adxudica por 1,8 millóns de euros as obras de reforzo e adaptación ao cambio climático do dique de abrigo do porto de Burela

O conselleiro do Mar presentou os detalles da actuación que suporá o aporte de 160 bloques de formigón de 3 metros de lado e 56 toneladas de peso para afrontar rebases de onda pese ao incremento esperado no nivel do mar

18/02/2025 | 16:17 | C. do Mar

Villares aborda as necesidades do sector pesqueiro da Mariña e traslada a colaboración do Goberno galego no deseño e execución de actuacións concretas

O conselleiro do Mar puxo en valor que nos vindeiros meses está prevista a reparación do porto de descarga do Vicedo así como as obras de mellora e acondicionamento dos departamentos para armadores do porto de San Cibrao

18/02/2025 | 15:18 | C. do Mar

A Xunta acusa ao Goberno central de “irresponsabilidade” e de “botar balóns fóra” ao negarse a asumir integramente as compensacións ás persoas mariscadoras da ría do Burgo

O Goberno galego segue agardando a resposta á carta remitida o pasado 27 de xaneiro ao secretario de Estado de Medio Ambiente instando a corrixir as deficiencias da obra e ao abono das axudas ao sector marisqueiro afectado

17/02/2025 | 17:11 | C. do Mar

Xunta e Interfish-España renovan o seu compromiso para impulsar a promoción e a comercialización da quenlla, o marraxo e o peixe espada

O acordo inclúe a realización dun informe sobre a situación do mercurio nos grandes migradores e a incidencia do selenio no seu consumo, o desenvolvemento de campañas promocionais ou a participación en Conxemar 2025