A guía de especies pesqueiras

A guía de identificación de especies pesqueiras é a aplicación oficial da Xunta de Galicia para a consulta da información das distintas especies pesqueiras que habitan as costas galegas.

Entre outras utilidades prácticas, a súa descarga permitiralle:

• Consultar as fichas das distintas especies de peixes, moluscos, algas, crustáceos e equinodermos que habitan as costas galegas. Estas incorporan datos de interese sobre a época do ano na que podemos atopar a especie no mercado, como é, como preparala, como se pesca ou como é o seu nome en galego, castelán, catalán e éuscaro.
• Aprender características sobre elas, fundamentalmente sobre como pescalas e preparalas.
• Atopar consellos para poder comprobar a frescura en peixes, mariscos e algas.
• Aprender sobre os distintos métodos de conservación do peixe que existen.
• Descubrir como se pode medir cada especie para comprobar se o tamaño respecta os mínimos legais establecidos.
• Coñecer os valores nutricionais dos peixes e moluscos.