ALume

Esta aplicación móbil oficial da Xunta de Galicia permite avisar de incendios forestais activos na comunidade autónoma. ALume facilítalle á cidadanía unha interface intuitiva e amigable para indicar a xeolocalización exacta dunha alerta de lume forestal, en tempo real, sobre a propia foto aérea, de máxima resolución.

Opcionalmente, permite incorporar, de forma rápida e sinxela, fotografías, notas de voz e observacións de interese, ademais de dispor dun acceso directo para contactar co teléfono 085, de aviso ante incendios forestais.