Eu, Rosana Corral García, letrada da Administración de xustiza do Xulgado do Social número 4 da Coruña, fago saber que no procedemento ordinario 146/2018 deste xulgado do social, seguido por instancia de Pablo José Brea Calvo contra o Fondo de Garantía Salarial, Defrades, S.L. sobre ordinario, foi ditada Resolución do 16.3.2021:

«Parte dispositiva:

Dispoño:

1. Estimar a solicitude de Pablo José Brea Calvo de aclarar a sentenza ditada neste procedemento no senso que se indica a seguir: onde di: “... Salario de novembro de 2016 (8 días) ...”; debe dicir: “... Salario novembro 2016 (8 días) 404,24 euros ...”.

2. Incorporar esta resolución ao libro que corresponda e levar testemuño aos autos principais.

Notifíquese ás partes facéndolles saber que, en aplicación do mandado contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados e, se for o caso, os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles tentadas sen efecto serán válidas en canto non sexan facilitados outros datos alternativos, sendo carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou semellantes, sempre que estes últimos estean a ser utilizados como instrumentos de comunicación co tribunal.

Contra este auto non cabe interpor recurso, sen prexuízo dos recursos que poidan interporse contra a resolución aclarada.

Así o acorda e asina SSª. Dou fe».

E para que sirva de notificación en legal forma a Defrades, S.L., expido este edicto para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 18 de marzo de 2021

A letrada da Administración de xustiza