No procedemento ordinario 400/2020, seguido neste Xulgado de Primera Instancia número 4 de Ferrol, ditouse sentenza cuxo encabezamento e resolución son do teor literal seguinte:
«Sentenza.
Resolución:
Debo estimar e estimo a demanda presentada pola entidade Abeconsa, S.L. contra Rosa Prieto Méndez e contra a herdanza xacente e herdeiros descoñecidos e incertos de Antonio Prieto Méndez; son posibles herdeiros de Antonio, comparecidos nas presentes actuacións:
1. María del Carmen Prieto Bonome
2. José Antonio Prieto Bonome
3. Rosa María Prieto Bonome
4. María del Pilar Prieto Bonome
E:
1. Declaro que o título de dominio da demandante, compravenda do predio rexistral no tomo 2377, libro 976, folio 82, predio número 70.297, operada en virtude de escritura de compravenda con número 1.206 do protocolo do notario Miguel Jurjo Otero e do 23 de marzo de 2005, prevalece sobre o título previo que poidan posuír os demandados, e iso sen prexuízo de dereitos de terceiros que non sexan parte no presente procedemento e que deriven da realidade rexistral ulterior do predio.
2. Condeno a Rosa Prieto Méndez á entrega da porción de 642 m2 ocupados do predio mencionado, cesando calquera acto de posesión sobre esta, a que deixe libre e expedita a referida porción de terreo retirando a malla metálica e os postes colocados nela e a que repoña as cousas ao seu estado primitivo e reintegre a súa posesión ao meu mandante.
3. Rosa Prieto Méndez aboará as custas causadas á demandante.
Modo de impugnación: recurso de apelación, que se interpoñerá ante o tribunal que ditase a resolución que se impugne dentro do prazo de vinte días contados desde o día seguinte da notificación daquela.
O devandito recurso carecerá de efectos suspensivos, sen que en ningún caso proceda actuar en sentido contrario ao resolto (artigo 456.2 da LAC).
Conforme a disposición adicional décimo quinta da LOPX, para a admisión do recurso deberase acreditar ter constituído, na conta de depósitos e consignacións deste órgano, un depósito de 50 euros, salvo que o recorrente sexa: beneficiario de xustiza gratuíta, o Ministerio Fiscal, o Estado, comunidade autónoma, entidade local ou organismo autónomo dependente.
O depósito deberá constituílo ingresando a citada cantidade no Banco Santander na conta deste expediente 1559 0000 consignando, no campo “concepto”, a indicación “recurso” seguida do código “02 Civil-Apelación”. Se o ingreso se fai mediante transferencia bancaria deberá incluír, tras a conta referida, separados por un espazo, a indicación “recurso” seguida do código “02 Civil-Apelación”.
No caso de que deba realizar outros pagamentos na mesma conta, deberá verificar un ingreso por cada concepto, mesmo se obedecen a outros recursos da mesma ou distinta clase indicando, neste caso, no campo “observacións”, a data da resolución impugnada co formato dd/mm/aaaa.
Así, por esta a miña sentenza, pronúncioo, mándoo e asínoo.
O/a maxistrado/a xuíz/a».
E como consecuencia do ignorado paradoiro de Rosa Prieto Méndez, esténdese o presente edicto para que sirva de cédula de notificación.
Ferrol, 13 de abril de 2021
José Miguel Regueiro Pérez
Letrado da Administración de xustiza
