Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade do acordo adoptado polo Xurado Provincial de Clasificación de Montes Veciñais en Man Común de Pontevedra, o 26 de xuño de 2024, en relación co deslindamento parcial entre as comunidades de montes veciñais en man común de Covelo e Rebordelo (concello de Ponte Caldelas), ao respecto da estrema común dos seus montes (expediente DC22027).
Feitos.
Primeiro. O 26.09.2022, a presidenta da Comunidade de Montes Veciñais en Man Común (en diante CMVMC) de Covelo-Insua presentou no rexistro electrónico da Xunta de Galicia, co núm. de entrada 2022/2357624, solicitude de deslindamento entre a CMVMC de Covelo e a CMVMC de Rebordelo (ambas no concello de Ponte Caldelas).
Os montes veciñais en man común (en diante MVMC) afectados por este deslindamento son:
– MVMC de Covelo (ID monte: 3048) da CMVMC de Covelo-Insua.
– MVMC de Rebordelo (ID monte: 3051) da CMVMC de Rebordelo.
Segundo. Consta no expediente a seguinte documentación do deslindamento, consonte o artigo 53 da Lei 7/2012:
• Acta do apeo do deslindamento o 24.5.2022.
• Acta de conciliación núm. 59/2022 entre as comunidades no Xulgado de Paz de Ponte Caldelas, o 11.10.2022.
• Certificado do secretario da CMVMC de Covelo, coa conformidade do presidente do 9.7.2022, da aprobación na asemblea do 9.7.2022.
• Certificado do secretario da CMVMC de Rebordelo, coa conformidade do presidente do 14.9.2022, da aprobación na asemblea do 20.8.2022.
• Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829, asinado o 2.6.2022 pola enxeñeira técnica forestal colexiada núm.296 do COETF de Galicia.
• Informe de validación gráfica catastral con CSV: 5SDNKKBDS4PWCZDE (para a comunicación da alteración catastral consonte o artigo 55.3 da Lei 7/2012) que, polo principio de colaboración entre administracións, deberá verificar a Xerencia Territorial do Catastro.
Terceiro. A liña de deslindamento proposta ten unha lonxitude de 592 metros e está composta polos seguintes puntos:
|
Punto 1 |
x: 542.212,43 |
y: 4.691.795,10 |
|
Punto 2 |
x: 541.988,72 |
y: 4.691.612,86 |
|
Punto 3 |
x: 541.685,41 |
y: 4.691.620,76 |
|
Punto 4 |
x: 541.729,88 |
y: 4.691.620,07 |
Revisada a cartografía das resolucións de clasificación de ambos os MVMC, detéctase que existe estrema entre ambos e considérase que non afecta terceiros propietarios.
O punto P01 invade a parcela con referencia catastral 36053A0100021, de titularidade catastral particular. Na memoria técnica a fotografía do piquete 4 mostra que está ao lado do muro que delimita a parcela, polo que existe unha pequena desviación da cartografía catastral con respecto á realidade.
No punto P01 converxen a CMVMC de Covelo, a CMVMC de Rebordelo e a CMVMC de Pazos.
A liña do deslindamento produce modificacións na cartografía dos esbozos de clasificación das seguintes comunidades:
– CMVMC de Covelo: o expediente de revisión de esbozo RE22044 xa recolle o deslindamento actual.
– CMVMC de Rebordelo: achega uns pequenos axustes para pechar o punto P1 e o punto P4 do deslindamento co resto do esbozo do MVMC.
– CMVMC de Pazos: realízase de oficio un axuste do esbozo da carpeta ficha e a dita comunidade deberá iniciar expediente de revisión de esbozo ante o Xurado de MVMC de Pontevedra, xa que se detectan erros graves na cartografía.
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas.
Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado, por unanimidade dos seus membros,
ACORDA:
Aprobar o deslindamento parcial realizado entre a CMVMC de Covelo e a CMVMC de Rebordelo, ambas no concello de Ponte Caldelas, respecto da súa estrema común, nos termos indicados no feito terceiro.
Contra a presente resolución, que pon fin á vía administrativa, poderase interpoñer recurso de reposición con carácter potestativo perante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo, perante o Xulgado do Contencioso-Administrativo de Pontevedra, no prazo de dous meses contados desde o día seguinte ao da presente notificación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 12 de agosto de 2024
Antonio Crespo Iglesias
Presidente do Xurado Provincial de Clasificación
de Montes Veciñais en Man Común