Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade do acordo adoptado polo Xurado Provincial de Clasificación de Montes Veciñais en Man Común de Pontevedra, o 26 de xuño de 2024, en relación co deslindamento parcial entre as comunidades de montes veciñais en man común de Vilar e Saxamonde (concello de Redondela), ao respecto da estrema común dos seus montes (expediente DC22035).
Feitos.
Primeiro. O 27.9.2022, o presidente da Comunidade de Montes Veciñais en Man Común (en diante, CMVMC) de Vilar presentou no rexistro electrónico da Xunta de Galicia, con núm. de entrada 2022/2365355, solicitude de deslindamento entre a CMVMC de Vilar (Redondela) e a CMVMC de Saxamonde (Redondela).
Os montes veciñais en man común (en diante, MVMC) afectados por este deslindamento son:
– MVMC do Vilar (ID monte: 3088) da CMVMC de Vilar.
– MVMC de Saxamonde (ID monte: 3085) da CMVMC de Saxamonde.
Segundo. Consta no expediente a seguinte documentación do deslindamento, consonte o artigo 53 da Lei 7/2012:
• Acta do deslindamento do 29.1.2022
• Acta de conciliación X53 Conciliación 0000561/2022 entre as comunidades no Xulgado de Primeira Instancia e Instrución núm. 2, o 20.10.2022
• Certificado do secretario da CMVMC de Vilar, coa conformidade do presidente, do 29.6.2022, da aprobación na asemblea do 23.9.2021
• Certificado do secretario da CMVMC de Saxamonde, coa conformidade do presidente, do 4.8.2022, da aprobación na asemblea do 26.6.2022
• Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829, asinado o 3.11.2023 pola enxeñeira técnico forestal colexiada núm. 482 do COETF de Galicia. A emenda realizada produce a modificación desta.
• Informe de validación gráfica catastral 7CGW8AAFX3248TQB e 39AWBF0GBNWYG0QX (para a comunicación da alteración catastral consonte o artigo 55.3 da Lei 7/2012) que, polo principio de colaboración entre administracións, deberá verificar a Xerencia Territorial do Catastro
Terceiro. A liña de deslindamento proposta ten unha lonxitude de 1056 metros e está composta polos seguintes puntos:
|
Punto P.01 |
x: 532.461,40 |
y: 4.676.756,20 |
|
Punto P.02 |
x: 532.393,36 |
y: 4.676.898,45 |
|
Punto P.03 |
x: 532.178,99 |
y: 4.677.289,73 |
|
Punto P.04 |
x: 531.984,60 |
y: 4.677.486,34 |
|
Punto P.05 |
x: 531.793,91 |
y: 4.67.7597,88 |
No traballo de gabinete establécense seis puntos de deslindamento secundarios; catro respectan o dominio público da estrada (C.01, C.02, C.03, C.04), polo que nestes tramos non existe estrema entre ambos os montes (o deslindamento realizarase coa Administración competente), e dous respectan a propiedade particular (F.1, F.2), polo que neste tramo non existe estrema entre ambos os montes (o deslindamento realizarase coa propiedade particular).
|
Punto C.01 |
x: 532.410,76 |
y: 4.676.862,08 |
|
Punto C.02 |
x: 532.406,81 |
y: 4.676.870,34 |
|
Punto C.03 |
x: 532.119,84 |
y: 4.677.349,55 |
|
Punto C.04 |
x: 532.119,84 |
y: 4.677.349,55 |
|
Punto F.1 |
x: 532.446,25 |
y: 4.676.787,87 |
|
Punto F.2 |
x: 532.434,17 |
y: 4.676.813,13 |
Revisada a cartografía das resolucións de clasificación de ambos os MVMC, detéctase que existe estrema entre ambas, coa excepción de dous tramos, quedando xustificada:
– Entre o punto P.01 e o punto P.02 a liña do deslindamento entra no concello de Mos uns 35 metros, xustificado nun erro de precisión do límite do Instituto Xeográfico Nacional duns 35-40 metros.
– Entre o punto P.04 e o P.05 a estrema queda xustificada pola titularidade catastral.
En ambos os tramos a estrema quedaría xustificada coa revisión de esbozo da CMVMC de Vilar (RE22046).
O punto P01 invade a parcela con referencia catastral 36033A00100187 e o punto P05 invade a parcela con referencia catastral 36045A05400237, ambas con titularidade catastral particular. Revisada a memoria técnica, xustifícase por unha pequena desviación na cartografía catastral con respecto á realidade e non afecta terceiros propietarios.
O deslindamento está formado por catro tramos:
Tramo 1: punto P.01 -punto F.1.
Tramo 2: punto F.2-punto C1.
Tramo 3: punto C2-punto C3.
Tramo 4: punto C4-punto P.05.
A liña do deslindamento non respecta a liña do Instituto Xeográfico Nacional entre os concellos de Redondela e Mos.
A liña do deslindamento produce modificacións na cartografía dos esbozos de clasificación. A CMVMC de Vilar presenta RE22046 e a CMVMC de Saxamonde realiza un axuste para que o deslindamento sexa coincidente no punto inicial e final coa planimetría do resto do esbozo que non se modifica.
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas.
Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado, por unanimidade dos seus membros,
ACORDA:
Aprobar o deslindamento parcial realizado entre a CMVMC de Vilar e a CMVMC de Saxamonde, ambas no concello de Redondela, respecto da súa estrema común, nos termos indicados no feito terceiro.
Contra a presente resolución, que pon fin á vía administrativa, poderase interpoñer recurso de reposición con carácter potestativo perante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben directamente recurso contencioso-administrativo, perante o Xulgado do Contencioso-Administrativo de Pontevedra, no prazo de dous meses contados desde o día seguinte ao da presente notificación, de acordo co disposto no artigo 123 e 124 Lei 39/2015, do 1 de outubro, do procedemento administrativo común das administracións públicas, e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 12 de agosto de 2024
Antonio Crespo Iglesias
Presidente do Xurado Provincial de Clasificación
de Montes Veciñais en Man Común