Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade do acordo adoptado polo Xurado Provincial de Clasificación de Montes Veciñais en Man Común de Pontevedra, o 26 de xuño de 2024, en relación co deslindamento parcial entre as comunidades de montes veciñais en man común de Ribadelouro e Rebordáns (concello de Tui), ao respecto da estrema común dos seus montes (expediente DC22096).
Feitos.
Primeiro. O 29.9.2022, o presidente da Comunidade de Montes Veciñais en Man Común (en diante, CMVMC) de Ribadelouro presentou no rexistro electrónico da Xunta de Galicia, co núm. de entrada 2022/2392203, solicitude de deslindamento entre a CMVMC de Ribadelouro (Tui) e a CMVMC de Rebordáns (Tui).
Os montes veciñais en man común (en diante, MVMC) afectados por este deslindamento son:
– MVMC de Ribadelouro (ID monte: 3183) da CMVMC de Ribadelouro.
– MVMC de Rebordáns (ID monte: 3182) da CMVMC de Rebordáns.
Segundo. Consta no expediente a seguinte documentación do deslindamento, consonte o artigo 53 da Lei 7/2012:
• Acta do apeo do deslindamento o 6.6.2022.
• Acta de conciliación X53 Conciliación 0000360/2022 entre as comunidades no Xulgado de Primeira Instancia e Instrución número 1, o 27.10.2022.
• Certificado do secretario da CMVMC de Ribadelouro, coa conformidade do presidente do 11.9.2022, da aprobación na asemblea do 11.9.2022.
• Certificado do secretario da CMVMC de Rebordáns, coa conformidade do presidente do 4.9.2022, da aprobación na asemblea do 4.9.2022.
• Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829, asinado o 26.8.2022 pola enxeñeira técnica forestal colexiada núm. 1300 do COETF de Galicia. As emendas realizadas producen a modificación desta.
• Informe de validación gráfica catastral con CSV: BY94G01GBKE1K83A (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións, deberá verificar a Xerencia Territorial do Catastro.
Terceiro. A liña de deslindamento proposta ten unha lonxitude de 2594 metros e está composta polos seguintes puntos:
|
Punto 5. |
x: 528.538,17 |
y: 4.659.582,78 |
|
Punto 6. |
x: 528.334,83 |
y: 4.659.616,17 |
|
Punto 7. |
x: 527.938,77 |
y: 4.659.744,89 |
|
Punto 8. |
x: 527.806,13 |
y: 4.659.735,22 |
|
Punto 9. |
x: 527.707,22 |
y: 4.659.833,54 |
|
Punto 10. |
x: 527.579,62 |
y: 4.659.871,62 |
|
Punto 11. |
x: 527.470,27 |
y: 4.659.925,76 |
|
Punto 12. |
x: 527.284,33 |
y: 4.660.034,68 |
|
Punto 13. |
x: 527.183,40 |
y: 4.660.077,85 |
|
Punto 14. |
x: 526.835,88 |
y: 4.660.295,21 |
|
Punto 15. |
x: 526.522,44 |
y: 4.660.210,13 |
No traballo de gabinete establécense 3 puntos secundarios:
|
Punto a. |
x: 528.905,02 |
y: 4.659.460,45 |
|
Punto b1. |
x: 526.585,34 |
y: 4.660.227,20 |
|
Punto b2. |
x: 526.583,05 |
y: 4.660.226,59 |
O punto establécese para respectar a titularidade catastral particular. Entre o punto b1 e punto b2 respéctase o dominio público hidráulico, polo que neste tramo non existe estrema entre ambos os dous montes (o deslindamento realizarase coa Administración competente).
O deslindamento está formado por 2 tramos:
Tramo 1: punto a-punto b1.
Tramo 2: punto b-punto 15.
Revisada a cartografía das resolucións de clasificación de ambos os MVMC, detéctase que existe estrema entre ambos e considérase que non afecta terceiros propietarios.
O deslindamento establécese con base nos montes de utilidade pública (MUP núm. 521 e MUP núm. 519).
A liña de deslindamento respecta a liña do Instituto Xeográfico Nacional entre os concellos de Tui e O Porriño.
A liña de deslindamento produce modificacións na cartografía dos esbozos de clasificación das seguintes comunidades:
– CMVMC de Ribadelouro: o expediente de revisión de esbozo RE22052 xa recolle o deslindamento actual.
– CMVMC de Rebordáns: achega uns pequenos axustes para pechar o punto a e o punto 15 do deslindamento co resto do esbozo do seu MVMVC.
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas.
Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado, por unanimidade dos seus membros,
ACORDA:
Aprobar o deslindamento parcial realizado entre a CMVMC de Ribadelouro e a CMVMC de Rebordáns, ambas as dúas no concello de Tui, respecto da súa estrema común, nos termos indicados no feito terceiro.
Contra a presente resolución, que pon fin á vía administrativa, poderase interpoñer recurso de reposición con carácter potestativo perante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo, perante o Xulgado do Contencioso-Administrativo de Pontevedra, no prazo de dous meses contados desde o día seguinte ao da presente notificación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 14 de agosto de 2024
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra