Examinado o expediente iniciado por solicitude de Naturgy Renovables, S.L.U., en relación coas autorizacións administrativas previa, de construción e a declaración de utilidade pública do parque eólico Novo (repotenciación), constan os seguintes

Antecedentes de feito:

Primeiro. Pola Resolución do 22 de decembro de 2000, da Dirección Xeral de Industria, pola que se autorizan as instalacións electromecánicas, aprobouse o proxecto de execución e modificáronse as condicións de inclusión no réxime especial de produción de enerxía eléctrica do parque eólico denominado Novo (expediente 16/1999) (DOG núm. 20, do 29 de xaneiro de 2001).

Segundo. Pola Resolución do 29 de marzo de 2001, da Dirección Xeral de Industria, pola que se ordena a publicación, no Diario Oficial de Galicia, do Acordo do Consello da Xunta de Galicia do 22 de marzo de 2001, aprobouse definitivamente o proxecto sectorial de incidencia supramunicipal do parque eólico denominado Novo (DOG núm. 71, do 10 de abril).

Terceiro. O 28 de xuño de 2002, a Delegación Provincial da Consellería de Industria e Comercio da Coruña autorizou a posta en servizo do parque eólico.

Cuarto. O 8 de abril de 2020, o promotor, Naturgy Wind, S.L.U. presentou solicitude de autorización administrativa da modificación das instalacións de produción de enerxía eléctrica e das súas infraestruturas de evacuación do proxecto denominado parque eólico Novo, ao abeiro da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, consistente en forma xeral na retirada das actuais infraestruturas (cunha potencia total de 18,75 MW repartida en 25 aeroxeradores de 750 kW de potencia unitaria) e a instalación de novas máquinas e infraestruturas de conexión entre elas, reducíndose o número de aeroxeradores a 6 unidades, aumentando a dimensión e a potencia unitaria de cada un e modificando a actual subestación transformadora, mantendo a mesma potencia total instalada. O 23.10.2020, a Dirección Xeral de Planificación Enerxética e Recursos Naturais notificoulle ao promotor o cumprimento de requisitos da súa solicitude de modificación substancial.

Quinto. O 12 de novembro de 2020, a Dirección Xeral de Planificación Enerxética e Recursos Naturais solicitou os informes a que fan referencia os artigos 33.4 e 33.5 da Lei 8/2009, do 22 de decembro, segundo a anterior redacción da lei, á Dirección Xeral de Calidade Ambiental e Cambio Climático e á Dirección Xeral de Ordenación do Territorio.

Sexto. O 5 de febreiro de 2021, a Dirección Xeral de Ordenación do Territorio e Urbanismo emitiu informe de referencia do artigo 33 da Lei 8/2009, onde se indica que as coordenadas dos 6 aeroxeradores (NO01 a NO06) recollidas no punto 2.2 da memoria, cumpren a distancia mínima de 500 m a núcleos de poboación regulada no punto 2.1.1 do Psega respecto das delimitacións de solo urbano, de núcleo rural e urbanizable e se recollen os organismos que deben emitir informe para a aprobación definitiva do proxecto sectorial.

Sétimo. O 17 de febreiro de 2021, Naturgy Renovables, S.L.U. solicitou a transmisión da titularidade do parque eólico e pola Resolución do 19 de maio de 2021, da Dirección Xeral de Planificación Enerxética e Recursos Naturais, autorizouse a transmisión de titularidade do expediente parque eólico Novo de Naturgy Wind, S.L.U., a favor de Naturgy Renovables, S.L.U.

Oitavo. O 8 de xuño de 2021, a Dirección Xeral de Calidade Ambiental, Sostibilidade e Cambio Climático emitiu a relación de organismos que deben emitir informe sobre o estudo de impacto ambiental, de acordo co previsto no artigo 33 da Lei 8/2009, do 22 de decembro.

Noveno. O 17 de xuño de 2021, o Consello da Xunta de Galicia acordou declarar iniciativa empresarial prioritaria o parque eólico Novo (expediente IN408A/2020/054), promovido por Naturgy Renovables, S.L.U., e pola Resolución do 27 de xullo de 2021, da Dirección Xeral de Planificación Enerxética e Recursos Naturais, declarouse a tramitación de urxencia dos procedementos administrativos correspondentes ao parque eólico Novo (expediente IN408A/2020/054), promovido por Naturgy Renovables, S.L.U., o que supón a redución á metade dos prazos establecidos para o procedemento ordinario, salvo os relativos á presentación de solicitudes e recursos.

Décimo. O 23 de xullo de 2021, esta dirección xeral remitiulle a documentación técnica do proxecto do parque eólico Novo á Xefatura Territorial da Vicepresidencia Segunda e Consellería de Economía, Empresa e Innovación da Coruña para a continuación da tramitación, de acordo co indicado no artigo 33.9 da Lei 8/2009.

Décimo primeiro. Mediante o Acordo do 17 de agosto de 2021, da Xefatura Territorial da Coruña, sometéronse a información pública a solicitude de autorización administrativa previa, a declaración de utilidade pública, en concreto, a necesidade de urxente ocupación que iso implica, a autorización administrativa de construción, o estudo de impacto ambiental (EIA) e o proxecto sectorial de incidencia supramunicipal (proxecto de interese autonómico-PIA) do proxecto do parque eólico Novo, nos concellos de Valdoviño, Narón e San Sadurniño (expediente IN408A 2020/54).

O dito acordo publicouse no Diario Oficial de Galicia do 31 de agosto de 2021 e no xornal La Voz de Galicia do 30 de agosto de 2021. Así mesmo, foi remitido para a exposición ao público no taboleiro de anuncios dos concellos afectados (Valdoviño, Narón e San Sadurniño), e nas dependencias da Vicepresidencia Segunda e Consellería de Economía, Empresa e Innovación da Xefatura Territorial da Coruña. Así mesmo, a dita resolución estivo exposta no portal web da Vicepresidencia Segunda e Consellería de Economía, Empresa e Innovación.

Décimo segundo. Vista a sentenza núm. 18/2022, do Tribunal Superior de Xustiza de Galicia, e aínda que non adquiriu firmeza e está sendo obxecto de impugnación e discusión en vía de casación pola Xunta de Galicia, con base no principio de seguridade xurídica e por un criterio de precaución, sometéronse de novo a información pública por un prazo de trinta (30) días a solicitude de autorización administrativa previa, a declaración de utilidade pública, en concreto, a necesidade de urxente ocupación que iso implica, a autorización administrativa de construción, o estudo de impacto ambiental (EIA) e o proxecto de interese autonómico (PIA) do proxecto do parque eólico Novo, nos concellos de Valdoviño, Narón e San Sadurniño (A Coruña) (expediente IN408A 2020/054), da Xefatura Territorial da Coruña.

A dita resolución publicouse no Diario Oficial de Galicia e no xornal La Voz de Galicia o 17 de marzo de 2022. Así mesmo, foi remitido para a exposición ao público no taboleiro de anuncios dos concellos afectados (Valdoviño, Narón e San Sadurniño), e nas dependencias da Vicepresidencia Segunda e Consellería de Economía, Empresa e Innovación da Xefatura Territorial da Coruña. Así mesmo, a dita resolución estivo exposta no portal web da Vicepresidencia Segunda e Consellería de Economía, Empresa e Innovación.

Durante o trámite de información pública, así como durante a tramitación do expediente, presentáronse alegacións, as cales foron remitidas e contestadas polo promotor.

Décimo terceiro. Durante a tramitación do procedemento, e de acordo co establecido no artigo 33 da Lei 8/2009, a Xefatura Territorial da Coruña remitiulles, para a emisión dos correspondentes condicionados técnicos, as separatas do proxecto de execución do parque eólico aos seguintes organismos e empresas de servizo público: Augas de Galicia-Demarcación Galicia Costa, Concello de Narón, Concello de San Sadurniño, Concello de Valdoviño, Deputación Provincial da Coruña, Telefónica Móviles España, S.A, Orange Espagne, S.A, R Cable y Telecable Telecomunicaciones, S.A, Vodafone España,, S.A, Electra del Narahío, S.A, Instituto de Estudos do Territorio, UFD Distribución, S.A, Retegal, S.A. e Cellnex Telecom, S.A.

A seguir relaciónanse os organismos que emitiron, nas datas que se indican, os correspondentes condicionados técnicos: Augas de Galicia-Demarcación Galicia Costa o 9.9.2021, Concello de Narón o 13.9.2021, Concello de Valdoviño o 20.9.2021, R Cable y Telecable Telecomunicaciones, S.A. o 15.9.2021, Vodafone España, S.A. o 16.11.2021, Electra del Narahío, S.A. o 8.9.2021, UFD Distribución, S.A. o 7.9.2021, Retegal, S.A. o 15.9.2021 e Cellnex Telecom, S.A. o 16.9.2021 e o 15.9.2023.

O promotor prestou a súa conformidade ou deu resposta aos condicionados emitidos.

Respecto ao resto de organismos que non contestaron, e de acordo co establecido no artigo 33 da Lei 8/2009, o prazo para a emisión dos condicionados técnicos do proxecto de execución será de trinta días desde a recepción da solicitude. De non se recibiren estes condicionados en prazo, entenderase a conformidade co proxecto e continuarase a tramitación do procedemento.

Décimo cuarto. O 13 de outubro de 2021, o Servizo de Montes da Xefatura Territorial da Coruña da Consellería do Medio Rural emitiu informe sobre o estado forestal do parque eólico Novo, en que indica que «o parque non afecta montes do Catálogo de montes de utilidade pública nin montes de xestión pública ou veciñais en man común».

Décimo quinto. O 25 de outubro de 2021, o Servizo de Enerxía e Minas da Xefatura Territorial da Coruña da Vicepresidencia Segunda e Consellería de Economía, Empresa e Innovación emitiu informe sobre dereitos mineiros en que indica que «os sistemas de información dispoñibles nesta xefatura territorial (Gesmiga, visor do catastro mineiro da Cámara Oficial Mineira de Galicia e libro de rexistro de dereitos mineiros) non indican afección do parque eólico Novo por dereitos mineiros vixentes ou solicitados».

Décimo sexto. O 21 de xullo de 2022, a xefatura territorial remitiu o expediente a esta dirección xeral para continuar coa tramitación do procedemento, de acordo co establecido no artigo 33.16 da Lei 8/2009, do 22 de decembro.

Décimo sétimo. Con respecto ao estudo de impacto ambiental, solicitáronse informes aos seguintes organismos: Augas de Galicia-Demarcación Galicia Costa, Axencia de Turismo de Galicia, Concello de Narón, Concello de San Sadurniño, Concello de Valdoviño, Subdirección Xeral de Residuos, Dirección Xeral de Emerxencias e Interior, Dirección Xeral de Patrimonio Cultural, Dirección Xeral de Patrimonio Natural, Dirección Xeral de Saúde Pública e Instituto de Estudos do Territorio.

Cumprida a tramitación ambiental, o 7 de marzo de 2023, a Dirección Xeral de Calidade Ambiental, Sostibilidade e Cambio Climático formulou a declaración de impacto ambiental (DIA) relativa ao parque eólico, que se fixo pública polo Anuncio do 13 de marzo de 2023, da Dirección Xeral de Calidade Ambiental, Sostibilidade e Cambio Climático da Consellería de Medio Ambiente, Territorio e Vivenda (DOG núm. 56, do 21 de marzo).

Décimo oitavo. Con data do 9 de marzo de 2023, a Dirección Xeral de Planificación Enerxética e Recursos Naturais requiriulle ao promotor a documentación técnica refundida resultante como consecuencia dos diversos condicionados técnicos e alegacións realizadas polos distintos organismos durante a tramitación do expediente.

Décimo noveno. Con data do 23 de marzo de 2023, Naturgy Renovables, S.L.U. deu resposta ao requirimento mencionado no antecedente de feito anterior coa achega da documentación técnica refundida, o arquivo shape e presentando unha declaración responsable na cal indica que «non se producen afeccións novas en ningún caso. Todas se sitúan sobre parcelas xa afectadas polo proxecto».

Vixésimo. Con datas do 2 de maio de 2023 e 16 de maio de 2023, Naturgy Renovables, S.L.U. deu resposta aos requirimentos feitos pola Dirección Xeral de Planificación Enerxética e Recursos Naturais do 19 de abril de 2023 e do 4 de maio de 2023, sobre a documentación técnica e o tipo de visado do documento achegando o proxecto de execución Proxecto de modificación do parque eólico Novo en explotación (tomos I, II e III), asinado electronicamente o 12 de maio de 2023 polo enxeñeiro industrial Francisco Javier Bouza Cabarcos, colexiado núm. 867 do Ilustre Colexio Oficial de Enxeñeiros Industriais de Galicia e visado polo mesmo colexio o 15 de maio de 2023 con núm. 20231551, o cal recolle a configuración final do parque, así como unha declaración responsable en que manifesta «que as separatas do proxecto con número de visado 20231551, do 15 de maio de 2023, non producen afeccións distintas respecto das incluídas no proxecto de execución sometido a información pública mediante os acordos do 17 de agosto de 2021 e do 10 de marzo de 2022».

Vixésimo primeiro. O 29 de setembro de 2023, o promotor presentou ante a Dirección Xeral de Planificación Enerxética e Recursos Naturais, a autorización da Axencia Estatal de Seguridade Aérea (AESA) do 1 de abril de 2020.

Vixésimo segundo. O 21 de decembro de 2023, o Servizo de Enerxía e Minas da Xefatura Territorial da Coruña da Consellería de Economía, Industria e Innovación emitiu informe técnico sobre o proxecto refundido do parque eólico mencionado no antecedente de feito vixésimo, así como informe en relación co artigo 161 do Real decreto 1955/2000, do 1 de decembro.

Vixésimo terceiro. Con datas do 22 de xullo de 2024, 6 de agosto de 2024 e 9 de agosto de 2024, Naturgy Renovables, S.L.U deu resposta a un novo requirimento feito por esta dirección xeral, o 10 de xullo de 2024, sobre a documentación técnica achegando o proxecto de execución Proxecto de modificación do parque eólico Novo en explotación (tomos I, II e III), asinado electronicamente o 5 de agosto de 2024 polo enxeñeiro industrial Francisco Javier Bouza Cabarcos, colexiado núm. 867 do Ilustre Colexio Oficial de Enxeñeiros Industriais de Galicia e visado polo mesmo colexio o 5 de agosto de 2024 co núm. 20242369, o cal recolle a configuración final do parque.

Vixésimo cuarto. O 20 de agosto de 2024, a Sección de Enerxías Renovables da Coruña da Consellería de Medio Ambiente e Cambio Climático emitiu informe técnico sobre o proxecto refundido do parque eólico mencionado no antecedente de feito anterior, concluíndo que «á vista do proxecto de modificación do parque eólico Novo en explotación, con número de visado 20242369, do 5.8.2024 presentado, e vista a modificación feita nel, analizada na consideración legal e técnica cuarta, pódese concluír que o informe do 21.12.2023 pode ser aplicado a este proxecto, salvo no relativo ao predio 109 en canto á súa desafección para amoreamento temporal de materiais en fase de obra».

Vixésimo quinto. O parque eólico conta cos dereitos de acceso e conexión á rede para unha potencia de 18,75 MW.

Aos antecedentes de feito descritos sonlles de aplicación os seguintes

Fundamentos de dereito:

Primeiro. A Dirección Xeral de Enerxías Renovables e Cambio Climático é competente para resolver este expediente con fundamento no Decreto 137/2024, do 20 de maio, polo que se establece a estrutura orgánica da Consellería de Medio Ambiente e Cambio Climático, e na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental.

Segundo. No expediente instruído para o efecto cumpríronse os trámites de procedemento establecidos na Lei 24/2013, do 26 de decembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, na Lei 39/2015, do 1 de outubro, do procedemento administrativo común das administracións públicas, e demais normas vixentes de aplicación.

Terceiro. En relación coas alegacións presentadas durante a tramitación do expediente, con data do 9 de xuño de 2023 a Xefatura Territorial da Coruña remitiu informe complementario de tramitación en que se recollen as respostas destas, o cal se incorpora textualmente a esta resolución:

«a) A Lei 21/2013, do 9 de decembro, de avaliación ambiental, define o fraccionamento de proxectos como o “mecanismo artificioso de división dun proxecto co obxectivo de evitar a avaliación de impacto ambiental ordinaria, no caso de que a suma das magnitudes supere os limiares establecidos no anexo I”. O pretendido fraccionamento tería como fin último eludir a avaliación ambiental ordinaria. Porén, no caso de parques eólicos próximos entre si, non é posible (mediante o fraccionamento) evitar o seu sometemento ao procedemento ordinario de avaliación ambiental, pola obriga de considerar os efectos sinérxicos ou acumulativos con outros parques xa construídos e/ou avaliados.

Así, no ámbito dos parques eólicos, o referido anexo I establece que estarán sometidas á avaliación ambiental ordinaria, entre outras, as “instalacións para a utilización da forza do vento para a produción de enerxía (parques eólicos) que teñan 50 ou máis aeroxeradores, ou que teñan máis de 30 MW ou que se atopen a menos de 2 km doutro parque eólico en funcionamento, en construción, con autorización administrativa ou con declaración de impacto ambiental”.

Polo tanto, no caso das instalacións de aproveitamento eólico, o fraccionamento que se alega de adverso non produce os efectos denunciados (evitar que o proxecto teña que ser sometido a unha avaliación ambiental ordinaria).

Por outra banda, a Lei 21/2013 obriga a que os estudos de impacto ambiental que presenten os promotores deban recoller os efectos sinérxicos ou acumulativos derivados da existencia doutros parques eólicos ou outro tipo de instalacións nas proximidades. Polo tanto, ese suposto "fraccionamento" dos proxectos non evita que a avaliación ambiental deba ter en conta o efecto derivado da proximidade doutras instalacións e infraestruturas.

O estudo de impacto ambiental do proxecto do parque eólico contén un estudo de efectos acumulativos e sinérxicos, nunha zona de estudo nun raio entre 20 e 5 km, cos parques eólicos e liñas eléctricas situadas na súa contorna, entre eles os parque eólicos en funcionamento ou en proxecto Coucepenido, Capelada I, Capelada II, Dos Penidos, Forgoselo, Os Corgos, Monte das Augas, Requeixo, Somozas e as súas liñas de evacuación.

Cómpre sinalar que nada impide, desde o punto de vista da lexislación ambiental e do sector eléctrico, a execución de parques próximos entre si por parte dun mesmo ou distintos promotores e compartindo certas instalacións.

Así o declarou o Tribunal Supremo na súa Sentenza do 11 de decembro de 2013 cando di que “... unha cousa é que os distintos elementos e instalacións dun parque eólico deban ter unha consideración unitaria e outra que iso impida que poidan existir parques próximos e que estes poidan compartir a localización dalgúns elementos ou a liña de vertedura á rede”.

Pola contra, tanto a Lei 24/2013, do 26 de decembro, do sector eléctrico, coma o Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, así como o Real decreto 1183/2020, do 29 de decembro, de acceso e conexión ás redes de transporte e distribución de enerxía eléctrica, obrigan a que se compartan as infraestruturas de evacuación, precisamente para evitar un maior impacto ambiental. En concreto, a disposición derradeira segunda do Real decreto 1183/2020 modifica o Real decreto 1955/2000 para condicionar a autorización administrativa das infraestruturas de evacuación á presentación, por parte dos titulares das ditas liñas de evacuación, dun documento que acredite a existencia dun acordo vinculante para o seu uso compartido por parte de todos os titulares de permisos de acceso e conexión na mesma posición de liña. En palabras do Alto Tribunal, na devandita Sentenza do 11 de decembro de 2013, “non se podería dar un tratamento separado a grupos de aeroxeradores de forma artificiosa e tratalos como parques autónomos, ou duplicar instalacións co mesmo fin, pois iso comportaría efectivamente unha fraude de lei que, á marxe do seu maior impacto ambiental, podería supor unha alteración da competencia ou unha evitación de maiores exixencias ambientais”.

Pola súa parte, a Lei 8/2009 define parque eólico como a instalación de produción de electricidade a partir de enerxía eólica, constituída por un ou varios aeroxeradores interconectados electricamente con liñas propias, que comparten unha mesma estrutura de accesos e control, con medición de enerxía propia, así como coa obra civil necesaria. Polo tanto, de acordo con esta definición, pode colixirse o carácter unitario dun parque e considerarse autónomo e independente sempre que teña capacidade de funcionamento separado, sen prexuízo de que comparta infraestruturas de evacuación con outros parques. É máis, compartir infraestruturas de evacuación supón, como é lóxico, un menor impacto ambiental, obxectivo que se persegue neste tipo de instalacións. Nesta mesma liña, a utilización de accesos comúns supón un uso máis racional do terreo, xa que reduce as superficies afectadas polas instalacións.

No que respecta á definición de instalacións de conexión, a Lei 8/2009 remítese ao establecido no artigo 30 do mencionado Real decreto 1955/2000, do 1 de decembro, entendendo por instalacións de conexión de centrais de xeración aquelas que sirvan de ligazón entre unha ou varias centrais de xeración de enerxía eléctrica e a correspondente instalación de transporte ou distribución, incluíndo liñas e subestacións.

b) En relación co órgano competente para resolver este procedemento, remítese ao exposto no fundamento de dereito número un. Asemade, indícase que, de acordo co artigo 3 da Lei 24/2013, do 26 de decembro, do sector eléctrico, corresponde á Administración xeral do Estado a competencia de autorizar instalacións peninsulares de produción de enerxía eléctrica, incluíndo as súas infraestruturas de evacuación, cando a potencia eléctrica instalada é superior a 50 MW eléctricos.

c) No que respecta ás alegacións de carácter ambiental, cabe indicar que estas cuestións foron tidas en conta na declaración de impacto ambiental emitida pola Dirección Xeral de Calidade Ambiental, Sostibilidade e Cambio Climático o 7.3.2023, onde se considera que o proxecto é ambientalmente viable sempre que se cumpra, ademais do recollido no estudo de impacto ambiental e na restante documentación avaliada, o condicionado que figura ao longo da DIA, tendo en conta que, no caso de que exista contradición entre eles, prevalecerá o disposto na DIA.

Ademais do obrigado cumprimento das condicións sinaladas, se se manifesta calquera tipo de impacto non considerado ata o momento, ese órgano ambiental poderá ditar, do xeito que proceda, os condicionados adicionais que resulten oportunos.

Durante o trámite de avaliación de impacto ambiental a que o proxecto foi sometido, recibíronse informes dos seguintes organismos: concellos de Narón, San Sadurniño e Valdoviño, direccións xerais do Patrimonio Cultural, do Patrimonio Natural, de Planificación e Ordenación Forestal, de Defensa do Monte, de Desenvolvemento Rural, de Emerxencias e Interior, Calidade Ambiental, Sostibilidade e Cambio Climático e de Saúde Pública, do Instituto de Estudos do Territorio, da Axencia de Turismo de Galicia e Augas de Galicia.

d) Respecto ás alegacións sobre a falta de información ambiental, de difusión e claridade da información pública, nos antecedentes do informe inicial recóllense as diferentes publicacións do Acordo do 17.8.2021, da Xefatura Territorial da Vicepresidencia Segunda e Consellería de Economía, Empresa e Innovación da Coruña, polo que se someten a información pública a solicitude de autorización administrativa previa, a declaración de utilidade publica, en concreto, a necesidade de urxente ocupación que iso implica, a autorización administrativa de construción, o estudo de impacto ambiental e o proxecto sectorial de incidencia supramunicipal (proxecto de interese autonómico) do proxecto do parque eólico Novo, nos concellos de Valdoviño, Narón e San Sadurniño (A Coruña) (expediente IN408A 2020/54), e do Acordo do 10 de marzo de 2022, da Xefatura Territorial da Coruña, polo que se someten a información pública a solicitude de autorización administrativa previa, a declaración de utilidade pública, en concreto, a necesidade de urxente ocupación que iso implica, a autorización administrativa de construción, o estudo de impacto ambiental (EIA) e o proxecto sectorial de incidencia supramunicipal (proxecto de interese autonómico-PIA) do proxecto do parque eólico Novo, nos concellos de Valdoviño, Narón e San Sadurniño (expediente IN408A 2020/54).

Así mesmo, as ditas resolucións e a documentación obxecto da información pública estiveron á disposición de todas aquelas persoas interesadas nos concellos de Narón, San Sadurniño e Valdoviño e nas xefaturas territoriais da Coruña da Consellería de Medio Ambiente, Territorio e Vivenda e da Vicepresidencia Primeira e Consellería de Economía, Industria e Innovación.

No que respecta á participación do público no procedemento de avaliación ambiental, cómpre sinalar que a normativa que rexeu este procedemento incorpora as disposicións previstas no convenio Aarhus sobre participación pública, polo que os dereitos que nel se establecen queda debidamente garantidos.

e) No que respecta á validez e aplicación do Plan sectorial eólico de Galicia, cómpre subliñar que este segue vixente e resulta plenamente aplicable. A Lei 8/2009, do 22 de decembro, ampara a plena vixencia e aplicabilidade do plan preexistente mentres non se aprobe o novo previsto, ao establecer na súa disposición transitoria terceira que “mentres non se aprobe un novo plan sectorial eólico de Galicia entenderase aplicable o actualmente vixente en todo aquilo que non se opoña ao establecido nesta lei”.

Á marxe do anterior, cómpre lembrar que na tramitación de cada procedemento de autorización de parques eólicos a Administración observa a normativa ambiental en vigor, incorporando aos expedientes os informes e actuacións legalmente exixibles.

f) En canto a posibles erros na titularidade ou natureza dos terreos incluídos na RBDA, o promotor do proxecto tomará nota das modificacións propostas polos alegantes.

No que respecta ás discrepancias na titularidade dos terreos, no caso de que nas alegacións presentadas non se acreditase irrefutablemente a nova titularidade, durante calquera fase do procedemento, incluso o expropiatorio, poderá ser presentada a documentación oportuna.

Sobre a natureza dos terreos, en particular dos cultivos existentes, as discrepancias poderán ser indicadas na correspondente folla de valoración durante o procedemento expropiatorio, no caso de non chegar a un acordo entre as partes.

g) En relación cos traballos de desmantelamento do parque actual, estes levaranse a cabo, con carácter xeral, conforme o previsto no proxecto de execución e no EIA».

Polo que atinxe ás alegacións presentadas con posterioridade á declaración de impacto ambiental, non se admiten, de conformidade co artigo 23 da Lei 21/2013, do 9 decembro, de avaliación ambiental, por presentarse fóra dos prazos de información pública e consultas regulados nos artigos 21 e 22 da devandita lei.

No caso de escritos recibidos de oposición á declaración de impacto ambiental do 7 de marzo de 2023, segundo o establecido no artigo 42 da Lei 24/2013, do 9 de decembro, de avaliación ambiental, a declaración de impacto ambiental non será obxecto de recurso sen prexuízo dos que, de ser o caso, procedan en vía administrativa e xudicial fronte ao acto polo que se autoriza o proxecto.

Cuarto. A continuación recóllese a información exixida nas letras a) e b) do artigo 42.2 da Lei 21/2013, do 9 de decembro, de avaliación ambiental, respecto da declaración de impacto ambiental (DIA) das instalacións do parque eólico Novo, formulada pola Dirección Xeral de Calidade Ambiental, Sostibilidade e Cambio Climático o 7 de marzo de 2023:

a) A Dirección Xeral de Calidade Ambiental, Sostibilidade e Cambio Climático resolveu: «Logo de finalizar a análise técnica do expediente de avaliación de impacto ambiental, proponse formular a declaración de impacto ambiental do proxecto nos termos recollidos ao longo deste documento, en cumprimento do disposto no artigo 41 da Lei 21/2013, do 9 de decembro, de avaliación ambiental».

b) A DIA que nos ocupa refírese ás instalacións do parque eólico Novo.

Nas epígrafes 4 e 5 da DIA recóllense as condicións que complementan, matizan ou subliñan as incluídas no estudo de impacto ambiental e na restante documentación avaliada, distribuídas nos seguintes ámbitos:

4. Condicións ambientais.

4.1. Condicións particulares.

4.2. Condicións xerais.

4.2.1. Protección da atmosfera.

4.2.2. Protección das augas e leitos fluviais.

4.2.3. Protección do solo e infraestruturas.

4.2.4. Xestión de residuos.

4.2.5. Protección da fauna, vexetación e hábitats naturais.

4.2.6. Integración paisaxística e restauración.

4.3. Outras condicións.

5. Programa de vixilancia e seguimento ambiental.

5.1. Aspectos xerais.

5.2. Aspectos específicos.

5.3. Informes do programa de vixilancia.

De acordo con todo o que antecede,

RESOLVO:

Primeiro. Outorgar a autorización de desmantelamento das instalacións actuais do parque eólico Novo, que conta coas características principais seguintes:

Solicitante: Naturgy Renovables, S.L.U.

Domicilio: avenida de América, núm. 38, 28028 Madrid.

Denominación do proxecto: proxecto de modificación do parque eólico Novo en explotación (tomos I, II e III).

Potencia instalada: 18,75 MW.

Concellos afectados: Valdoviño, Narón e San Sadurniño (A Coruña).

Orzamento de execución material (sen IVE): 674.531,89 €.

Instalacións que se desmantelarán:

25 aeroxeradores Ecotecnia/ECO 48, de 750 kW de potencia nominal unitaria e cunha altura da buxa de 55 m e cun diámetro de rotor de 48 m.

25 centros de transformación instalados no interior das góndolas dos aeroxeradores.

Cimentacións, plataformas de montaxe e canalizacións eléctricas subterráneas de media tensión e liña de evacuación que queden sen uso.

1 torre meteorolóxica de 55 m de altura.

Desmantelamento e restauración dos vieiros que queden sen uso.

Segundo. Outorgar autorización administrativa previa ás instalacións do modificado parque eólico Novo, sito nos concellos de Valdoviño, Narón e San Sadurniño (A Coruña) e promovido por Naturgy Renovables, S.L.U, para unha potencia de 18,75 MW.

Terceiro. Outorgar autorización administrativa de construción ao proxecto de execución das instalacións do parque eólico Novo (repotenciación), composto polo documento Proxecto de modificación del parque eólico Novo en explotación (tomos I, II e III), asinado electronicamente o 5 de agosto de 2024 polo enxeñeiro industrial Francisco Javier Bouza Cabarcos, colexiado núm. 867 do Ilustre Colexio Oficial de Enxeñeiros Industriais de Galicia e visado polo mesmo colexio o 5 de agosto de 2024, co núm. 20242369.

As características principais recollidas no proxecto son as seguintes:

Solicitante: Naturgy Renovables, S.L.U.

Enderezo social: avenida de América, núm. 38, 28028 Madrid.

Denominación: parque eólico Novo.

Potencia instalada: 18,75 MW.

Potencia autorizada/evacuable: 18,75 MW.

Produción neta: 50.488 MWh/ano.

Horas equivalentes netas: 2.692 h.

Concellos afectados: Valdoviño, Narón e San Sadurniño (A Coruña).

Orzamento de execución material (sen IVE): 22.496.517,11 €.

Coordenadas perimétricas da poligonal do parque eólico, a que se circunscriben as autorizacións:

Vértice poligonal	Coordenadas UTM
	(Fuso 29 ETRS89)
X	Y
A	571.375	4.825.480
B	570.487	4.823.631
C	570.187	4.823.746
D	570.213	4.825.887
E	570.587	4.827.468
F	570.781	4.827.465
G	571.763	4.825.815

Coordenadas dos aeroxeradores do parque eólico:

Aeroxerador	Coordenadas UTM
	(Fuso 29 ETRS89)
X	Y
NO01	570.827,00	4.826.902,00
NO02	570.683,00	4.826.343,00
NO03	571.091,00	4.825.815,00
NO04	571.255,00	4.825.505,00
NO05	570.323,00	4.825.688,00
NO06	570.706,00	4.824.989,00

Coordenadas da envolvente da subestación:

SE	Coordenadas UTM
	(Fuso 29 ETRS89)
X	Y
1	575.591,37	4.822.366,25
2	575.581,55	4.822.352,02
3	575.565,76	4.822.329,09
4	575.534,29	4.822.350,74
5	575.545,77	4.822.367,30
6	575.560,01	4.822.387,98

Coordenadas da envolvente do centro de medida e manobra:

CMM	Coordenadas UTM
	(Fuso 29 ETRS89)
X	Y
CMM1	571.302,41	4.825.469,10
CMM2	571.304,13	4.825.467,43
CMM3	571.299,89	4.825.463,06
CMM4	571.298,16	4.825.464,73

Coordenadas do centro de control:

CC	Coordenadas UTM
	(Fuso 29 ETRS89)
X	Y
CC1	570.684,13	4.827.381,32
CC2	570.690,36	4.827.382,06
CC3	570.693,82	4.827.350,37
CC4	570.687,59	4.827.349,63

Coordenadas do centro de transformación e da súa envolvente:

CT	Coordenadas UTM
	(Fuso 29 ETRS89)
	X	Y
CTssaa	570.688,00	4.827.390,00
CT1	570.686,66	4.827.393,82
CT2	570.689,05	4.827.394,08
CT3	570.689,71	4.827.388,02
CT4	570.687,32	4.827.387,76

Coordenadas da torre meteorolóxica:

Torre Met.	Coordenadas UTM
	(Fuso 29 ETRS89)
X	Y
TM	570.980	4.826.568

Características técnicas principais das instalacións eléctricas de produción, interconexión e transformación:

• Seis (6) aeroxeradores tripá Vestas V162, de 3,125 MW de potencia nominal unitaria, con velocidade e paso variables, altura ata a buxa de 119 m e un diámetro do rotor de 162 m.

• Seis (6) centros de transformación no interior das góndolas dos aeroxeradores, de illamento seco, de potencia aparente nominal 3.600 kVA e relación de transformación 0,72/30 kV.

• Unha torre meteorolóxica de 119 metros de altura.

• Rede colectora de media tensión composta por dúas liñas de alta tensión soterradas (LMTS) de 30 kV, executadas en cable RHZ1-2OL 18/30 kV H16 con condutor de aluminio, de 240 mm2 de sección e final no centro de manobra e medida (CMM), orixe da liña de evacuación á subestación de Novo.

• Instalación dun novo centro de transformación de servizos auxiliares contiguo ao edificio de control existente, que se alimentará a través dunha LMTS a 30 kV desde o aeroxerador NO01. O cable empregado será o RHZ1-2OL 18/30 kV H16 con condutor de aluminio, de 240 mm2.

• Liña soterrada de evacuación do CMM á subestación de Novo. LMTS de 30 kV conformada por cables de potencia unipolares illados, dispostos na mesma gabia pola que discorre o trazado da actual liña de 20 kV. A evacuación proxectada consiste nunha LMTS de 30 kV en dobre circuíto, con orixe no novo centro de manobra e medida (CMM) e final na subestación do parque Novo en senllas celas primarias de 30 kV. A liña ten unha lonxitude de 6.361 m e discorre polos concellos de Valdoviño (5.181 metros) e San Sadurniño (1.180 metros). Substitúense as actuais ternas de condutores Pirelli-300 XLPE 12/20 kV 3×1×300 mm2 Al por dúas ternas de condutores RHZ1-2OL 18/30 kV 3×1×400 mm2 Al. Substituirase o cable de fibra óptica por dous cables de fibra óptica monomodo 9/125 μm, con armado dieléctrico e 12 fibras.

• A sinalización, o control e a manobra do parque eólico realizaranse desde a subestación Novo, onde se instala o Scada principal. Interconexión en anel dos aeroxeradores mediante fibra óptica de 12 fibras.

• Centro de manobra e medida dos circuítos colectores de enerxía nun edificio prefabricado nas proximidades do aeroxerador NO04, orixe da liña de evacuación do parque eólico ata a subestación e constituído polas seguintes posicións:

– Dúas celas de interruptor automático, motorizadas e telemandadas para entrada dos 2 circuítos colectores a 30 kV, de corte en aire e illamento en SF6.

– Unha cela de medida dotada de 3 TTs e TIs con armario de resistencia de carga e contador de medida.

– Dúas celas de interruptor automático, motorizadas e telemandadas para saída dos circuítos colectores a 30 kV, de corte en aire e illamento en SF6.

– Unha cela interruptor-seccionador con ruptofusible combinada de protección de transformador a 30 kV, de corte e illamento en SF6.

– Un transformador 30/0,420 kV de 25 kVA, illamento seco, co seu armario de proteccións de saída.

– Armario de baterías.

• A rede de posta á terra do parque deséñase como un sistema único para todo o parque eólico, ao cal se conectarán tanto as terras de protección e servizo dos sistemas integrantes para BT e MT. O sistema de terras do parque conectarase mediante cable de cobre nu de sección 50 mm2 enterrado na gabia.

• O parque eólico conectarase á rede de distribución a través da subestación 30/132 kV Novo (existente), que deberá ser modificada. Subestación compartida con UFD, conecta coa subestación Cornido 132 kV e coa subestación Mera 132 kV a través de liñas aéreas xa existentes de alta tensión de 132 kV. Na adaptación e mellora da SET do parque eólico aproveitarase a localización e a maioría da obra civil existente, tanto do parque de intemperie como do edificio de control. Estará constituída polas seguintes posicións:

– Dúas posicións de liña 132 kV con entrada/saída aérea (propiedade de UFD).

– Unha posición de transformador 132/30 kV, de 21 MVA, conexión YNd11 con neutro á terra a través de resistencia.

– Dúas posicións de liña 30 kV para conexión dos dous circuítos de media tensión do parque eólico.

– Unha posición para un transformador de servizos auxiliares 30/0,42 kV y 50 kVA.

– Desmontaxe e retirada do actual transformador de potencia de relación de tensións 20/132 kV e instalación dun novo de 30/132 kV.

– Desmontaxe da aparellaxe de 132 kV da explanada do parque de intemperie. A nova posición de 132 kV realizarase con tecnoloxía compacta tipo PASS. Manteranse as canles de cables, a rede de drenaxes e a rede de terras.

– A nova aparellaxe de 30 kV situarase no edificio da subestación e será de tecnoloxía baseada en celas metálicas prefabricadas de illamento en hexafluoruro de xofre (SF6).

– Instalación dun novo transformador de servizos auxiliares adaptado á nova tensión de traballo.

– Novo grupo electróxeno de 40 kVA de intemperie no exterior do edificio.

Cuarto. Declarar a utilidade pública, en concreto, das instalacións do proxecto do parque eólico, segundo o previsto nos artigos 54 e 56 da Lei 24/2013, do 26 de decembro, do sector eléctrico, o que leva implícita a necesidade de ocupación dos bens ou de adquisición dos dereitos afectados e implica a urxente ocupación, para os efectos do artigo 52 da Lei de expropiación forzosa, do 16 de decembro de 1954 (BOE núm. 351, do 17 de decembro), en relación coas parcelas recollidas no anexo I desta resolución.

A presente autorización axustarase ao cumprimento das seguintes condicións:

1. Consonte o disposto no artigo 4 do Decreto 455/1996, do 7 de novembro, de fianzas en materia ambiental, Naturgy Renovables, S.L.U. constituirá, con carácter previo ao inicio das obras, unha fianza para garantir o cumprimento do deber de restaurar os terreos ocupados polo parque eólico na fase de obras. O importe da fianza fíxase, por proposta da Dirección Xeral de Calidade Ambiental, Sostibilidade e Cambio Climático, en 173.633 euros.

A dita fianza depositarase na Caixa Xeral de Depósitos da Consellería de Facenda da Xunta de Galicia, en calquera das formas sinaladas no artigo 11.3 do Decreto 1775/1967, do 22 de xullo, sobre réxime de instalación, ampliación e traslado de industrias. A súa devolución efectuarase de acordo co establecido no artigo 6 do Decreto 455/1996, do 7 de novembro, unha vez depositada a fianza para garantir o deber de restaurar os terreos ocupados na fase de desmantelamento.

2. Para a inscrición da instalación no Rexistro Autonómico creado pola Orde da Consellería de Industria e Comercio do 5 de xuño de 1995 (DOG núm. 135, do 14 de xullo), o promotor efectuará a correspondente solicitude, de acordo co procedemento regulamentariamente establecido.

3. A instalación adaptarase ao procedemento de captación e procesamento de datos de produción de enerxía eléctrica de Galicia, regulado pola Orde da Consellería de Innovación e Industria, do 23 de xaneiro de 2009, pola que se establece o procedemento para a captación e procesamento dos datos de produción enerxética das instalacións acollidas ao réxime especial de produción de enerxía eléctrica na Comunidade Autónoma de Galicia (DOG núm. 37, do 23 de febreiro).

4. As actuacións de desmantelamento das instalacións iniciais do parque eólico realizaranse de acordo coas especificacións e planos que figuran no proxecto de execución que mediante esta resolución se aproba, así como as consideracións efectuadas pola Subdirección Xeral de Residuos, de acordo co punto 4.1.6 da DIA.

En todo caso, a retirada dos cables existentes deberá xestionarse a través dun xestor autorizado.

Tamén deberán ter en conta as consideracións indicadas polo Servizo de Montes da Xefatura Territorial da Coruña da Consellería do Medio Rural, no seu informe do 13 de outubro de 2021, en relación coa demolición da cimentación e retirada dos restos ata unha profundidade de 80 centímetros, para o cal Naturgy Renovables, S.L.U. deu a súa conformidade o 15 de novembro de 2021.

5. De acordo coas condicións establecidas na declaración de impacto ambiental do 7 de marzo de 2023, da Dirección Xeral de Calidade Ambiental, Sostibilidade e Cambio Climático, o promotor deberá contar, con carácter previo ao inicio das obras de construción, cos informes favorables da Dirección Xeral de Patrimonio Natural, da Dirección Xeral de Saúde Pública e da Dirección Xeral de Patrimonio Cultural, de acordo cos puntos 4.1.2, 4.1.3 e 4.1.4 da DIA.

6. O promotor deberá comunicar o inicio das obras, con anterioridade ao prazo de dez (10) días, á Dirección Xeral de Enerxías Renovables e Cambio Climático, achegando toda a documentación necesaria establecida nesta resolución e na declaración de impacto ambiental.

7. Con anterioridade ao prazo dun mes do inicio das obras, o promotor deberá achegar ao Servizo de Seguimento e Oficina Técnica da Secretaría Xeral de Industria e Desenvolvemento Enerxético da Consellería de Economía e Industria o Plan de vixilancia e seguimento ambiental, de acordo coas consideracións establecidas no punto 5 da declaración de impacto ambiental.

8. En canto aos bens e dereitos afectados por este parque eólico e adscritos ás distintas administracións, organismos ou empresas de servizo público ou de servizos de interese xeral, o promotor cumprirá cos condicionados e informes emitidos por estes, para os que mostrou a súa conformidade.

No caso de que se manifestasen perturbacións ou interferencias nos servizos de telecomunicacións legalmente autorizados, directamente atribuíbles ás instalacións do parque eólico, o promotor deberá adoptar as medidas necesarias para restablecer as condicións previas de calidade dos servizos afectados e para eliminar calquera posible afectación a eles.

En todo caso, tal e como indicou como resposta ao informe de Cellnex Telecom, S.A., do 15.9.2023, deberá realizar medidas de sinal antes e despois das obras de construción do proxecto. No caso de identificar afeccións derivadas do proxecto sobre instalacións de Cellnex Telecom, S.A., acordarase conxuntamente a solución técnica que as resolva, que será remitida á Dirección Xeral de Enerxías Renovables e Cambio Climático.

9. Conxuntamente coa solicitude de autorización de explotación das instalacións, o promotor deberá presentar ante o departamento territorial un certificado de final de obra subscrito por un técnico facultativo competente, en que conste que a instalación se realizou de acordo coas especificacións contidas no proxecto de execución que por esta resolución se aproba, así como coas prescricións da regulamentación técnica aplicable á materia, de acordo co artigo 132 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

Así mesmo, deberá presentar ante a Dirección Xeral de Enerxías Renovables e Cambio Climático un plano as built e outro plano cartográfico en formato shape das instalacións do parque eólico.

10. Unha vez construídas as instalacións autorizadas, e con carácter previo á súa posta en servizo, o Departamento Territorial da Coruña da Consellería de Medio Ambiente e Cambio Climático inspeccionará a totalidade das obras e montaxes efectuadas e verificará o cumprimento das condicións establecidas nesta resolución e as demais que sexan de aplicación.

11. De conformidade co artigo 34.2 da Lei 8/2009, do 22 de decembro, o promotor disporá dun prazo de tres anos, contado desde o outorgamento da autorización administrativa previa e de construción, para solicitar a correspondente autorización de explotación. En caso de incumprimento, poderá producirse a revogación das mencionadas autorizacións, nos termos establecidos no número 10 do artigo 53 da Lei 24/2013, do 26 de decembro, do sector eléctrico, ou norma que a substitúa.

12. O parque eólico deberá cumprir cos requisitos que se recollan nos procedementos de operación aprobados polo Ministerio para a Transición Ecolóxica e o Reto Demográfico que lle resulten de aplicación.

13. O promotor deberá cumprir todas as condicións establecidas na declaración de impacto ambiental do 7 de marzo de 2023, así como as establecidas no correspondente programa de vixilancia e seguimento ambiental.

14. De acordo co establecido no artigo 53.10 da Lei 24/2013, do 26 de decembro, do sector eléctrico, o incumprimento das condicións e requisitos establecidos nas autorizacións ou a variación substancial dos presupostos que determinaron o seu outorgamento poderán dar lugar á revogación das autorizacións, logo de audiencia do interesado.

15. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou doutros condicionados técnicos de organismos ou empresas de servizo público ou interese xeral afectados, necesarios para a realización das obras das instalacións autorizadas.

16. Esta resolución publicarase no Diario Oficial de Galicia, de acordo co establecido no artigo 34.3 da Lei 8/2009, do 22 de decembro.

Contra a presente resolución, que non é definitiva en vía administrativa, poderase interpoñer recurso de alzada ante a conselleira de Medio Ambiente e Cambio Climático no prazo dun mes contado a partir do día seguinte ao da súa notificación, de conformidade cos artigos 121 e 122, da Lei 39/2015, do 1 de outubro, do procedemento administrativo común das administracións públicas.

Santiago de Compostela, 30 de agosto de 2024

Paula Mª Uría Traba
Directora xeral de Enerxías Renovables e Cambio Climático

ANEXO I

Relación de bens e dereitos afectados parque eólico Novo

Núm. predio	Parcela					Propietario	Afeccións (m2)
	Datos catastrais						Pleno dominio				Serv. paso		Serv. voo	Ocup. Temp.
Concello	Pol.	Parc.	Lugar	Cultivo	Cim.	Plat.	T. Met.	C. Secc.	Vía	Gabia
Concello de Narón
1	Narón	522	2227	Campo Luz	Monte alto	Díaz Couce Manuel								62
5	Narón	522	2253	Campo Luz	Matogueira	Descoñecido								69
6	Narón	522	2254	Campo Luz	Matogueira	Descoñecido								74
8	Narón	522	2256	Campo Luz	Matogueira	Descoñecido								13
9	Narón	522	2257	Campo Luz	Matogueira	Descoñecido								26
10	Narón	522	2200	Coto do Esperón	Monte alto	Descoñecido								11
11	Narón	522	2190	Xuncos	Monte alto	Descoñecido								1
12	Narón	522	2185	Xuncos	Monte alto	Beceiro López José								8
13	Narón	522	2184	Xuncos	Monte alto	Descoñecido								85
14	Narón	522	2183	Xuncos	Monte alto	Descoñecido					374			72
15	Narón	522	2186	Xuncos	Monte alto	Descoñecido								93
Concello de Valdoviño
24	Valdoviño	19	998	Corgos	Matogueira	González Díaz Robles M. Sol					16			100
25	Valdoviño	27	127	Monte da Moura	Matogueira	Descoñecido					4
26	Valdoviño	27	123	Monte da Moura	Matogueira	Descoñecido					24
27	Valdoviño	27	122	Monte da Moura	Matogueira	Testa Díaz Robles Ricardo					24
28	Valdoviño	27	121	Monte da Moura	Matogueira	Rey Díaz Robles Ricardo					56
29	Valdoviño	27	120	Monte da Moura	Matogueira	Rey Díaz- Robles Carmen					64
30	Valdoviño	27	119	Monte da Moura	Matogueira	López González Arturo					29
31	Valdoviño	27	118	Monte da Moura	Matogueira	Descoñecido					30
32	Valdoviño	27	1011	Monte da Moura	Matogueira	Yáñez Martínez Florencio					22
33	Valdoviño	27	114	Monte da Moura	Matogueira	Cibreiro López Eilseo					21
34	Valdoviño	27	113	Monte da Moura	Matogueira	Cibreiro González Eliseo					15
35	Valdoviño	27	112	Monte da Moura	Matogueira	Yáñez Martínez Florencio					36
37	Valdoviño	19	995	Corgos	Matogueira	Loureiro Rey Trinidad					13			41
38	Valdoviño	19	996	Corgos	Matogueira	Loureiro Rey Trinidad					2			420
41	Valdoviño	27	98	Monte da Moura	Matogueira	Calvo Caneiro José Ángel		668			149
43	Valdoviño	27	95	Monte da Moura	Matogueira	Calvo Caneiro José Ángel		487			39
45	Valdoviño	27	80	Casa Vella	Matogueira	López López María					596
51	Valdoviño	27	93	Casa Vella	Matogueira	López Doce José Luis		169					35
54	Valdoviño	27	90	Monte da Moura	Matogueira	Amado Martínez Alfonso Vicente		315					555
55	Valdoviño	27	89	Moura	Matogueira	Bouzamayor López Jesús Hdros. Hdros. María Manuela Bouzamayor Alonso		533					354
57	Valdoviño	27	116	Monte da Moura	Matogueira	Descoñecido		166					328
58	Valdoviño	27	84	Moura	Matogueira	Yáñez López José Luis		517					1.078
59	Valdoviño	27	83	Moura	Matogueira	Yáñez López José Luis		92			106	13	1.068
60	Valdoviño	27	78	Casa Vella	Matogueira	Iglesias López Lucía					128	24	1.082
63	Valdoviño	27	85	Moura	Matogueira	Yáñez López José Luis	179	413					754
64	Valdoviño	27	82	Moura	Matogueira	García Lago José Manuel	22	316			25		721
65	Valdoviño	27	81	Moura	Matogueira	García López María		56			110		987
66	Valdoviño	27	79	Casa Vella	Matogueira	Descoñecido					119		926
68	Valdoviño	27	75	Casa Vella	Matogueira	Descoñecido					70		225
74	Valdoviño	27	70	Casa Vella	Matogueira	Rodríguez Fernández Emilio					137	12		33
76	Valdoviño	27	65	Casa Vella	Matogueira	López Leira Juan Hdros.					131	14		38
80	Valdoviño	27	66	Casa Vella	Matogueira	Rodríguez Padín Josefa Dolores					125	5		9
87	Valdoviño	27	46	Casa Vella	Matogueira	Rodríguez Padín Josefa Dolores					100	7		20
88	Valdoviño	27	45	Casa Vella	Piñeiral	González Díaz Robles Esther					226	13		37
89	Valdoviño	27	44	Casa Vella	Piñeiral	Testa Leira Filomena					244	13		37
93	Valdoviño	27	40	Casa Vella	Piñeiral	Veiga Rodríguez Manuel					155	9		36
94	Valdoviño	27	39	Casa Vella	Piñeiral	Lamas Rodríguez José					185	11		32
95	Valdoviño	27	38	Casa Vella	Piñeiral	Descoñecido					121	8		22
96	Valdoviño	27	33	Casa Vella	Piñeiral	Couce Ameneiros Emilia					122	8		21
97	Valdoviño	27	31	Casa Vella	Piñeiral	Díaz Díaz M. Magdalena					121	8		21
98	Valdoviño	27	30	Casa Vella	Piñeiral	López López María					141	9		24
99	Valdoviño	27	29	Casa Vella	Piñeiral	Descoñecido					126	8		22
100	Valdoviño	27	28	Casa Vella	Piñeiral	González Díaz- Robles Juan José					181	11		31
101	Valdoviño	27	27	Casa Vella	Piñeiral	Martínez Díaz- Robles Florentina					184	12		33
102	Valdoviño	27	26	Casa Vella	Piñeiral	Rodríguez Padín Matilde Filomena					111	7		20
103	Valdoviño	27	25	Casa Vella	Piñeiral	Rodríguez García José					235	15		42
104	Valdoviño	27	24	Casa Vella	Matogueira	Rodríguez Padín Matilde Filomena					211	15		40
105	Valdoviño	27	23	Casa Vella	Matogueira	Freire Freire M. Carmen					159	8		21
106	Valdoviño	27	22	Casa Vella	Matogueira	Padín Martínez Carmen					238	8		23
107	Valdoviño	27	21	Casa Vella	Matogueira	Rey Fernández Daria					186	5		15
109	Valdoviño	27	19	Casa Vella	Matogueira	López López José					505	25		57
115	Valdoviño	27	13	Casa Vella	Matogueira	Testa Iglesias José					32			954
132	Valdoviño	19	959	Pena	Eucaliptal	Rodríguez Fernández Emilio							40
133	Valdoviño	19	960	Pena	Eucaliptal	Rodríguez Fernández Emilio		329					699
134	Valdoviño	19	911	Bidueiro	Eucaliptal	Casal Polo Vicente	161	1.274					406
135	Valdoviño	19	910	Bidueiro	Eucaliptal	López Couce Manuel	40	355					144
136	Valdoviño	19	909	Bidueiro	Eucaliptal	Martínez Díaz-Robles Florentina		434					434
137	Valdoviño	19	908	Bidueiro	Eucaliptal	Yáñez López M. Concepción		210					495
138	Valdoviño	19	907	Bidueiro	Eucaliptal	López Couce Manuel		109					720
139	Valdoviño	19	906	Bidueiro	Eucaliptal	López Leira Juan Hdros.		23					879
140	Valdoviño	19	905	Bidueiro	Eucaliptal	Freire López Maria Teresa							1.544
141	Valdoviño	19	762	Bidueiro	Matogueira	Caneiro Rey Manuel							2.834
142	Valdoviño	19	761	Bidueiro	Matogueira	Caneiro Rey Manuel							16
143	Valdoviño	19	2056	Bidueiro	Eucaliptal	López Leira Juan Hdros.							180
144	Valdoviño	19	2055	Bidueiro	Eucaliptal	Couce Sánchez Elisa							135
145	Valdoviño	19	196	Pelada	Eucaliptal	Amado Vergara Manuela							25
146	Valdoviño	19	193	Pelada	Matogueira	González Pardo Emilio							298
147	Valdoviño	19	192	Pelada	Eucaliptal	Descoñecido		178					1.451
148	Valdoviño	19	912	Pelada	Eucaliptal	Pardo Beceiro M. Andrea		534					1.138
149	Valdoviño	19	913	Pelada	Eucaliptal	Pardo Beceiro Vicente Hdros.		504					567
156	Valdoviño	19	2048	Casa Vella	Matogueira	Balseiro Martínez Evangelina Hdros.						17		48
157	Valdoviño	19	2047	Casa Vella	Matogueira	Caneiro Rey José Luis						8		22
158	Valdoviño	19	2046	Casa Vella	Eucaliptal	Bouzamayor Caneiro M. Soledad						9		26
159	Valdoviño	19	2045	Casa Vella	Eucaliptal	Caneiro González Emilio						16		45
160	Valdoviño	19	2044	Casa Vella	Eucaliptal	Paz Sachocos Dolores						56		152
162	Valdoviño	27	3	Casa Vella	Matogueira	Rodríguez Padín M. Dolores								12
167	Valdoviño	27	1	Casa Vella	Matogueira	Descoñecido					54			135
169	Valdoviño	26	260	O Coval	Matogueira	García Pita Juan					208			261
171	Valdoviño	26	263	Río Mouro	Eucaliptal	González Caneiro Evangelina					139
176	Valdoviño	19	156	Barreira	Eucaliptal	Padín Testa Edelmiro							126
182	Valdoviño	26	285	O Coval	Eucaliptal	Bouzamayor González Vicente Fil.							1.327
184	Valdoviño	26	283	O Coval	Eucaliptal	Bouzamayor González Vicente Fil.	59	2.328
190	Valdoviño	26	273	O Coval	Eucaliptal	Caneiro Martínez José Hdros.		278			253	11		129
191	Valdoviño	26	274	O Coval	Eucaliptal	Couce Couce Juan Hdros.		325			289	15		91
192	Valdoviño	26	275	O Coval	Eucaliptal	Couce Veiga Manuel Vicente		316			398	34		201
202	Valdoviño	26	288	O Coval	Matogueira	Bouzamayor González Vicente Fil.					300	18	368	204
207	Valdoviño	26	301	O Coval	Eucaliptal	Bouzamayor González Vicente Fil.					263	14		157
212	Valdoviño	26	192	O Coval	Eucaliptal	González Caneiro Evangelina			207		105	8		22
213	Valdoviño	26	314	O Coval	Matogueira	Teijero Hermida Enrique					160	8		87
216	Valdoviño	26	317	O Coval	Matogueira	Veiga Pita José					176	10		110
218	Valdoviño	26	321	Fonte da Daña	Eucaliptal	Pardo Beceiro Vicente Hdros.					152	10		114
219	Valdoviño	26	325	Fonte da Daña	Eucaliptal	Balseiro Alonso Marina					374	27		307
224	Valdoviño	26	336	fonte da Daña	Eucaliptal	Descoñecido					132	7		78
227	Valdoviño	26	178	Agros	Eucaliptal	Pita Saavedra M. Elena		184			133			26
228	Valdoviño	26	177	Agros	Eucaliptal	Pita López José		161			115			22
231	Valdoviño	26	341	Agros	Matogueira	Balseiro Martínez Evangelina Hdros.		146			113			20
232	Valdoviño	26	174	Agros	Eucaliptal	Rouco Casas José Antonio		712			40		420	8
233	Valdoviño	26	173	Agros	Eucaliptal	Caneiro González Manuel Eduardo		1.669					749
234	Valdoviño	26	114	Agros	Eucaliptal	Descoñecido		1.429					523
235	Valdoviño	26	180	Casal de Arriba	Eucaliptal	Couce Calvo Ángel		39					1.081
236	Valdoviño	26	112	Casal de Arriba	Eucaliptal	Descoñecido		21					134
237	Valdoviño	26	108	Casal de Arriba	Eucaliptal	Díaz Anido Andrés		162					1.727
238	Valdoviño	26	107	Casal de Arriba	Eucaliptal	Couce Calvo Rodrigo		2					1.371
239	Valdoviño	26	106	Casal de Arriba	Eucaliptal	Castro González Manuel							1.498
240	Valdoviño	26	102	Casal de Arriba	Piñeiral	Fernández Calvo M. Carmen							1.035
241	Valdoviño	26	101	Casal de Arriba	Piñeiral	Castro González Manuel							70
242	Valdoviño	26	115	Fonte da Daña	Matogueira	Bouza Vilar César	11	1.057					576
243	Valdoviño	26	116	Fonte da Daña	Matogueira	Amado Dopico Nieves	149	459					454
244	Valdoviño	26	117	O Coval	Matogueira	Balseiro Alonso Marina	40	644					537
245	Valdoviño	26	118	O Coval	Matogueira	Bellón Martínez José		121			121	12	1.113
246	Valdoviño	26	121	O Coval	Matogueira	González Martínez M. Carmen					119	10	868
247	Valdoviño	26	122	O Coval	Matogueira	Amado Vergara José Andrés					29	2	166
248	Valdoviño	26	1031	O Coval	Matogueira	Amado Vergara Josefa					41	3	195
249	Valdoviño	26	123	O Coval	Matogueira	Testa Amado Vicente					128	6	409
250	Valdoviño	26	124	O Coval	Matogueira	Gutiérrez Amado Nieves					464	5	503	36
251	Valdoviño	26	128	O Coval	Matogueira	Bouza Vilar César					50	15	205	113
252	Valdoviño	26	129	O Coval	Matogueira	Gutiérrez Amado Nieves						9		69
253	Valdoviño	26	130	O Coval	Matogueira	Villarnovo Yáñez Margarita						9		66
254	Valdoviño	26	131	O Coval	Matogueira	Lamas García Luz Divina						10		73
255	Valdoviño	26	132	O Coval	Matogueira	González Pardo Emilio					71	4	257
256	Valdoviño	26	133	O Coval	Matogueira	González Martínez M. Carmen						8		60
257	Valdoviño	26	134	O Coval	Eucaliptal	Bellón Martínez José						10		71
258	Valdoviño	26	135	O Coval	Matogueira	Ledo González Edelmiro Hdros.						8		58
259	Valdoviño	26	136	O Coval	Matogueira	Robles González Andrés						33		249
260	Valdoviño	26	137	O Coval	Matogueira	Bouzamayor González Vicente Fil.						14		107
261	Valdoviño	26	1030	O Coval	Matogueira	Bouzamayor Balseiro María S.						26		192
262	Valdoviño	26	138	O Coval	Eucaliptal	Taboada Fernández Manuel						14		104
263	Valdoviño	26	1029	O Coval	Eucaliptal	Caneiro Martínez M. Mercedes						23		173
264	Valdoviño	26	140	O Coval	Eucaliptal	Bouzamayor Rodríguez Manuela						1		1
265	Valdoviño	26	141	O Coval	Eucaliptal	Descoñecido						3		22
266	Valdoviño	26	142	O Coval	Eucaliptal	Hermida Rodríguez Rogelio						4		31
267	Valdoviño	26	145	Costa	Matogueira	Veiga Pita Daniel						13		97
272	Valdoviño	26	148	Barreira	Matogueira	Casas Lago Evangelina								8
273	Valdoviño	26	149	Barreira	Matogueira	Padín Dopico M. Josefa						29		125
274	Valdoviño	26	150	O Coval	Matogueira	Rivera Vila Manuela María						10		127
275	Valdoviño	26	151	O Coval	Matogueira	López Vila Herminia				60		9		54
276	Valdoviño	26	152	Casal de Arriba	Matogueira	Rivera Vila Eulalia				11
276-A	Valdoviño	26	82	Rego Vello	Eucaliptal	Couce Cancela Balbina						27		202
276-B	Valdoviño	26	81	Casal de Arriba	Eucaliptal	Pita Pita Gustavo						66		519
276-C	Valdoviño	26	69	Casón	Eucaliptal	Fernández Rodríguez Tomás								2
278	Valdoviño	26	265	Queimado	Matogueira	Castro González Manuel					858			243
281	Valdoviño	26	255	Queimado	Piñeiral	Rodríguez Veiga Esperanza					12
283	Valdoviño	26	253	Queimado	Piñeiral	García Pita Juan					4			93
286	Valdoviño	26	235	Canteira	Monte alto	García Pita Juan					580			216
288	Valdoviño	26	233	Canteira	Monte alto	González Caneiro Evangelina					39			38
290	Valdoviño	26	229	O Coval	Monte alto	Bogo Brandeiro Ramiro Abelardo					192			96
292	Valdoviño	26	230	Leira	Prado	Bogo Brandeiro Ramiro Abelardo					146			66
295	Valdoviño	26	237	Campo	Prado	González Caneiro Evangelina					3			22
299	Valdoviño	28	134	Pena	Matogueira	Descoñecido					107
304	Valdoviño	28	140	Pena	Eucaliptal	García Pita Juan					202			40
308	Valdoviño	28	144	Pena	Eucaliptal	Gil González Laura					103			28
309	Valdoviño	28	145	Pena	Eucaliptal	García Pita Juan					170			43
311	Valdoviño	28	147	Pena	Eucaliptal	Descoñecido					93			24
312	Valdoviño	28	148	Pena	Eucaliptal	García Pita Juan					124
315	Valdoviño	28	151	Pena	Matogueira	Gil González Laura					7			13
319	Valdoviño	28	155	Pena	Eucaliptal	García Pita Juan					59			44
328	Valdoviño	28	191	Pena	Eucaliptal	Descoñecido		11			293		515	65
341	Valdoviño	28	178	Pena	Eucaliptal	García Pita Juan					277			37
345	Valdoviño	28	174	Pena	Eucaliptal	Rivera Vila Manuela María					339			41
347	Valdoviño	28	172	Pena	Eucaliptal	García Pita Juan					106			13
357	Valdoviño	28	8	Gorxa	Piñeiral	Couce Veiga Manuel Vicente	68	1.774			434	12	1.326
358	Valdoviño	28	9	Gorxa	Piñeiral	Couce Couce Juan Hdros.		2.135			346	16	817
365	Valdoviño	28	15	Gorxa	Eucaliptal	Rodríguez Padín José		176			129	16		57
368	Valdoviño	28	18	Gorxa	Piñeiral	Rodríguez Padín Purificación		280			123	1		13
370	Valdoviño	28	20	Gorxa	Piñeiral	Rodríguez Rodríguez Amalia		40			7
374	Valdoviño	28	24	Gorxa	Piñeiral	Fernández Aneiros Indalecio		257					40
375	Valdoviño	28	25	Gorxa	Piñeiral	Fernández Aneiros Indalecio		370					277
376	Valdoviño	28	26	Gorxa	Piñeiral	Fernández Aneiros Indalecio		1.000					941
377	Valdoviño	28	27	Gorxa	Piñeiral	Beceiro López Manuel		596					623
383	Valdoviño	28	94	Gorxa	Piñeiral	Couce Veiga Manuel Vicente		544					100
384	Valdoviño	28	95	Gorxa	Piñeiral	Calvo S-S Eulogio		48					337
393	Valdoviño	28	87	Gorxa	Matogueira	López Leira Juan Hdros.							995	20
395	Valdoviño	28	85	Gorxa	Matogueira	Freire Veiga Serafina Hdros.							573
396-1	Valdoviño	19	9583	Camiño		Concello de Valdoviño						11
396-2	Valdoviño	19	9016	Camiño		Concello de Valdoviño						109
396-3	Valdoviño	19	9007	Camiño		Concello de Valdoviño						5
396-4	Valdoviño	19	9005	Camiño		Concello de Valdoviño						15
Concello de San Sadurniño
397	San Sadurniño	174	51	Gorxa	Eucaliptal	Rodríguez Casas Pedro						140		428
398	San Sadurniño	174	50	Gorxa	Eucaliptal	Sande Rodríguez Eva						217		637
407	San Sadurniño	147	862	Sisto	Eucaliptal	Descoñecido						7		20
408	San Sadurniño	147	863	Sisto	Eucaliptal	Descoñecido						17		47
409	San Sadurniño	147	865	Sisto	Matogueira	Descoñecido						8		18
410	San Sadurniño	147	866	Sisto	Matogueira	Descoñecido						44		127
412	San Sadurniño	147	879	Limpadoiro Muíños	Eucaliptal	Descoñecido						6		48
413	San Sadurniño	147	878	Limpadoiro Muíños	Eucaliptal	Descoñecido						160		383
414	San Sadurniño	147	1117	Limpadoiro Muíños	Eucaliptal	Descoñecido						55		258
415	San Sadurniño	147	877	Limpadoiro	Matogueira	Descoñecido						32		91
416	San Sadurniño	147	876	Limpadoiro	Matogueira	Descoñecido						19		39
418	San Sadurniño	147	630	Fraga da Felga	Matogueira	Descoñecido						53		160
419	San Sadurniño	147	617	Fraga da Felga	Matogueira	Descoñecido						38		113
420	San Sadurniño	147	618	Fraga da Felga	Matogueira	Descoñecido						94		278
420-B	San Sadurniño	147	619	Fraga da Felga	Matogueira	Descoñecido								4
421	San Sadurniño	148	8	Fraga da Felga	Matogueira	Descoñecido								4
422	San Sadurniño	148	9	Fraga da Felga	Matogueira	Descoñecido						51		102
423	San Sadurniño	148	10	Fraga da Felga	Matogueira	Descoñecido						45		135
424	San Sadurniño	148	11	Fraga da Felga	Matogueira	Descoñecido						23		118
425	San Sadurniño	148	34	Madriña	Matogueira	Descoñecido						67		397
426	San Sadurniño	148	33	Madriña	Matogueira	Descoñecido						144		236
428	San Sadurniño	503	146	Covelo	Labradío	Durán Casal Braulio						20		76
429	San Sadurniño	148	86	Chaeiras	Prado	Sisto Montero Evaristo						100		292
429-1	San Sadurniño	174	9003	Camiño		Concello de San Sadurniño						170
429-2	San Sadurniño	502	9004	Camiño Real de Areos		Concello de San Sadurniño						4.575
429-3	San Sadurniño	502	9064	Camiño		Concello de San Sadurniño						1.008
429-4	San Sadurniño	502	9023	Camiño		Concello de San Sadurniño						13
429-5	San Sadurniño	502	9065	Camiño		Concello de San Sadurniño						972
429-6	San Sadurniño	502	9054	Estrada a Camiño Arriba		Concello de San Sadurniño						1.289
429-7	San Sadurniño	146	9002	Camiño		Concello de San Sadurniño						614
429-8	San Sadurniño	147	9001	Camiño		Concello de San Sadurniño						10
429-9	San Sadurniño	147	9004	Camiño		Concello de San Sadurniño						788
429-10	San Sadurniño	147	9003	Camiño		Concello de San Sadurniño						101
429-11	San Sadurniño	147	9200	Río Fervenza		Demarcación Hidrográfica Galicia Costa						8
429-12	San Sadurniño	147	9005	Camiño		Concello de San Sadurniño						4
429-13	San Sadurniño	148	9003	Camiño		Concello de San Sadurniño						480
429-14	San Sadurniño	148	9002	Camiño		Concello de San Sadurniño						8
429-15	San Sadurniño	148	9001	Camiño		Concello de San Sadurniño						32
429-16	San Sadurniño	503	9004	Camiño		Concello de San Sadurniño						214
429-17	San Sadurniño	503	9028	Camiño		Concello de San Sadurniño						154
429-18	San Sadurniño	148	9006	Camiño		Concello de San Sadurniño						85

Afeccións en metros cadrados (m2):

• Superficie de pleno dominio:

– Cimentación (Cim.): cimentación do aeroxerador.

– Plataforma (Plat.): plataforma de montaxe do aeroxerador.

– Torre meteorolóxica (T. Met.): plataforma da torre meteorolóxica.

– Centro de seccionamento (C. Secc.): centro de seccionamento.

• Servidume de paso:

– Vieiro/vía: dereito de paso polos vieiros en que circularán os transportes para a construción, vixilancia, conservación e reparación das instalacións do parque eólico.

– Gabia: servidume de paso da liña eléctrica soterrada.

• Servidume de voo das pas dos aeroxeradores (Serv. voo).

• Outras afeccións:

– Ocupación temporal (Ocup. Temp.): ocupación de terreos durante o período de duración das obras. Serve temporalmente como aprovisionamento de materiais, montaxe de guindastres, provisión de pas e outros compoñentes dos aeroxeradores, etc.