Examinado o expediente instruído por instancia da empresa Barras Eléctricas Galaico-Asturianas, S.A., con enderezo para os efectos de notificación na rúa Ramón María Aller Ulloa, 9, 27003 Lugo, aprécianse os seguintes

Antecedentes de feito:

Primeiro. O 25 de xaneiro de 2023, a citada empresa solicitou a autorización administrativa previa e de construción e a declaración de utilidade pública, en concreto, para a instalación eléctrica denominada Peche de anel 20 kV LMT Fons_Sur (SE_Fonsagrada) con LMT Fons_Sur (SE_Fonsagrada) CT Estoupelo (CD_6672)-CT Xegunde (CD_2768), no concello da Fonsagrada.

Coa solicitude achegouse o proxecto de execución, asinado polo enxeñeiro industrial Jorge Sanz Varea o 28.12.2022, a que fai referencia o Real decreto 1955/2000, do 1 de decembro (BOE núm. 310, do 27 de decembro), que regula as actividades de transporte, distribución, comercialización, subministración e procedementos de autorización de instalacións de enerxía eléctrica, e xuntouse a relación concreta e individualizada de bens e dereitos afectados pola instalación que determina a Lei 24/2013, do 26 de decembro, do sector eléctrico (BOE núm. 310, do 27 de decembro), e o artigo 143 do Real decreto 1955/2000, antes citado.

Segundo. O proxecto someteuse a información pública para os efectos previstos na Lei 24/2013, do 26 de decembro, do sector eléctrico, e no Real decreto 1955/2000, do 1 de decembro, mediante o Acordo deste departamento territorial do 3 de maio de 2023. Este acordo foi publicado no diario El Progreso do 15 de maio de 2023 e no Diario Oficial de Galicia do 16 de maio de 2023, no taboleiro de anuncios do citado departamento territorial e no taboleiro de anuncios do Concello da Fonsagrada. Con este acordo inseríase a relación de bens e dereitos afectados.

Terceiro. Déuselles traslado das separatas do proxecto ás distintas administracións, organismos ou, de ser o caso, empresas de servizos de interese xeral afectadas e cumpríronse os trámites establecidos no artigo 127 do Real decreto 1955/2000, do 1 de decembro.

Cuarto. Durante o trámite de información pública presentaron alegacións os seguintes interesados:

– José Landeira Uría alega que o cultivo real da parcela da súa propiedade, número 29, é o de plantación de frondosas e non o de monte alto. Begasa responde que a clasificación de monte alto engloba todo tipo de arboredo e que será no levantamento de actas previas á ocupación onde se determinen de maneira exacta as características e o aproveitamento da parcela.

– Aquilino Fernández Álvarez, propietario do predio número 57, alega erro na referencia catastral, sendo a correcta 27018A30100365, polígono 301 e parcela 365. Begasa, despois de realizar as comprobacións oportunas, modificou a relación de bens e dereitos afectados no sentido alegado.

– Montserrat Yáñez Pasarín acredita cambio de titularidade dos predios 41, 59 e 65 mediante acordos de alteración da titularidade catastral. Begasa admite esa alteración e actualiza a relación de bens e dereitos afectados.

– José López Díaz, propietario dos predios números 1, 9 e 13, alega que no predio número 1 existe un pozo de auga e que se proxecta situar un apoio a menos de 1 metro del, o que podería afectar a captación de auga. En resposta á súa alegación, Begasa di que o bordo do pozo se sitúa a 3,84 metros do centro do apoio que se vai instalar e que a súa instalación non altera a captación da auga nin a súa calidade. Desde este departamento territorial, o 1.3.2023 remitiuse separata do proxecto á Confederación Hidrográfica do Cantábrico para que, de acordo co artigo 131 do Real decreto 1955/2000, do 1 de decembro, emitise condicionado técnico nun prazo de 30 días. Transcorrido o dito prazo, non emitiu condicionado, polo que se entende a conformidade do dito órgano coas especificacións técnicas propostas no proxecto de execución.

Quinto. Persoal dos servizos técnicos deste departamento territorial emitiu informe favorable sobre a solicitude obxecto deste expediente, de acordo co disposto na Lei 24/2013, do 26 de decembro, do sector eléctrico, e no Real decreto 1955/2000, do 1 de decembro. Igualmente, unha vez revisado sobre o terreo o trazado da liña eléctrica proxectada, os referidos servizos técnicos informan de que non se dá ningunha das limitacións para a imposición da servidume de paso de enerxía eléctrica a que se refire o artigo 161 do Real decreto 1955/2000, en relación co artigo 58 da Lei 24/2013, sobre os predios incluídos na relación de bens e dereitos que foi obxecto de información pública e sobre os cales a empresa beneficiaria non chegou a un acordo amigable cos seus propietarios.

A estes feitos sonlles de aplicación os seguintes

Fundamentos de dereito:

Primeiro. A este departamento territorial correspóndelle resolver sobre a presente solicitude de acordo coas competencias que resultan do Decreto 140/2024, do 20 de maio, polo que se establece a estrutura orgánica da Consellería de Economía e Industria, e tendo en conta o Decreto 9/2017, do 12 de xaneiro (DOG núm. 22, do 1 de febreiro), sobre órganos competentes para autorización de instalacións eléctricas na Comunidade Autónoma de Galicia, en relación co Real decreto 1955/2000, do 1 de decembro, e a Lei 24/2013, do 26 de decembro, do sector eléctrico.

Segundo. No expediente cumpríronse os trámites establecidos na Lei 9/2021, do 25 de febreiro, de simplificación administrativa e de apoio á reactivación económica de Galicia, na Lei 24/2013, e nos regulamentarios previstos nos capítulos II e V do título VII do Real decreto 1955/2000, do 1 de decembro, que regula o procedemento de autorización de instalacións de enerxía eléctrica.

Terceiro. Á vista do informe técnico e do resto da documentación que figura no expediente, considérase que procede a autorización da instalación eléctrica.

Cuarto. Sen prexuízo do anterior, cómpre ter en conta que, consonte o artigo 151 do citado Real decreto 1955/2000, do 1 de decembro, en calquera momento a empresa beneficiaria e os titulares dos necesarios bens e dereitos poden convir un mutuo acordo, causando a correspondente conclusión do expediente expropiatorio.

De acordo co exposto e en virtude das competencias que ten atribuídas, esta dirección territorial

RESOLVE:

Primeiro. Outorgar a autorización administrativa previa e de construción á empresa Barras Eléctricas Galaico-Asturianas, S.A. para o establecemento da instalación eléctrica denominada Peche anel 20 kV LMT Fons_Sur (SE_Fonsagrada) con LMT Fons_Sur (SE_Fonsagrada) CT Estoupelo (CD_6672)-CT Xegunde (CD_2768), no concello da Fonsagrada, coas seguintes características técnicas principais:

• Liña de media tensión soterrada a 20 kV, cunha lonxitude de 108 m en condutor RHZ1-OL 12/20 kV 1×240 K Al + H16, con orixe na conversión aero-subterránea do apoio proxectado núm. 0 da LMT Fons_Sur e final na conversión aero- subterránea do apoio núm. 1 proxectado, con entrada e saída no centro de transformación proxectado Estoupelo.

• Liña de media tensión aérea a 20 kV, cunha lonxitude de 1889 m en condutor 94- AL1/22-ST1A (LA 110), con orixe no apoio núm. 1 proxectado e final no apoio núm. 14 proxectado en substitución do apoio AV48484 existente da LAMT Fons_Sur.

• Centro de transformación (CT) prefabricado Estoupelo, cunha potencia instalada de 50 kV, relación de transformación 20.000/400-230 V e configuración 2L+1P.

• Desmontaxe do CT intemperie Estoupelo existente e do tramo da LMT Fons_Sur comprendido entre este e o apoio núm. 0 proxectado.

Segundo. Declarar a utilidade pública, en concreto, da instalación eléctrica obxecto deste expediente, o que implica a necesidade de ocupación dos bens ou da adquisición dos dereitos afectados e a urxente ocupación para os efectos do artigo 52 da Lei de expropiación forzosa. Por isto, en cumprimento do disposto neste artigo, acórdase que o representante da Administración dea comezo, na data e hora que a cada interesado se lle notificarán individualmente, ao levantamento das actas previas á ocupación dos predios contidos na relación de bens e dereitos que se inclúe no anexo desta resolución. Así mesmo, faise constar que ata o momento do levantamento das actas previas poderán formularse as alegacións que se consideren oportunas, para os efectos de rectificar posibles erros na relación de bens afectados que foi publicada nos medios e nas datas anteriormente referidos. Estas alegacións deberanse presentar por escrito perante este Departamento Territorial da Consellería de Economía e Industria (Edificio Administrativo da Xunta de Galicia en Lugo, rolda da Muralla, 70, 27071 Lugo).

Todo isto de acordo coas condicións seguintes:

Primeira. As instalacións que se autorizan terán que realizarse de acordo coas especificacións e cos planos que figuran no proxecto de execución, coas condicións técnicas e de seguridade establecidas nos regulamentos de aplicación e coas condicións establecidas nos condicionados dos organismos que constan no expediente.

Segunda. A peticionaria asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que se manterán as condicións regulamentarias de seguridade con carácter permanente.

Terceira. En todo momento se deberán cumprir as normas e directrices vixentes que resulten de aplicación, en particular canto establecen o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

Cuarta. O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución. Unha vez construídas estas instalacións, a empresa promotora deberá presentar a solicitude de autorización de explotación ante este departamento territorial, acompañada da documentación requirida na lexislación vixente de aplicación.

Quinta. O incumprimento das condicións e requisitos establecidos nesta resolución poderá dar lugar á súa revogación, logo da audiencia á promotora, de conformidade co disposto no artigo 53.10 da Lei 24/2013, do 26 de decembro.

Sexta. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.

Esta resolución publícase para os efectos do artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, de 2 de outubro) cando os titulares dos predios propostos sexan descoñecidos, non se saiba o lugar de notificación, ou ben, tentada a notificación, non se puidese realizar e así dirixirlle ao Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

Contra esta resolución, que non é definitiva en vía administrativa, cabe interpor recurso de alzada ante a conselleira de Economía e Industria, no prazo dun mes contado a partir do día seguinte ao da súa notificación/publicación, de conformidade cos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpor calquera outro recurso que consideren pertinente.

Lugo, 23 de outubro de 2024

O director territorial de Lugo
P.A. (Artigo 40.3 do Decreto 140/2024, do 20 de maio)
Juan Carlos Morán del Pozo
Xefe do Servizo de Industria de Lugo

ANEXO I

Relación de bens e dereitos afectados polo proxecto de peche anel 20 kV LMT Fons_Sur (SE_Fonsagrada) con LMT Fons_Sur (SE_Fonsagrada) CT Estoupelo (CD_6672)-CT Xegunde (CD_2768)

Concello: A Fonsagrada (Lugo).

Expediente: IN407A 2023/24-2.

Datos catastrais							Apoio nº		LATA		LATS	CT	Accesos
Predio nº	Políg.	Parcela	Ref. catastral	Lugar	Propietarios	Cultivo	Apoio nº	Sup. ocup. permanente m²	Sup. voo m²	Sup. total afectada por voo m²	Sup. ocup. permanente m²	Sup. ocup. permanente m²	Sup. ocup. temporal m²
1	297	43	27018A29700043	Trigueira	José López Díaz	Monte alto	0 e 1	22	3	3	16	67	148
4	297	44	27018A29700044	O Granxo	Herdeiros de José Ibias Riberas, Representante Alfonso Ibias Otero	Monte alto			566	566
9	297	52	27018A29700052	Monte da Serra	José López Díaz e Amador López Fernández	Monte alto			155	155
10	297	53	27018A29700053	Monte da Serra	Herdeiros de José Ibias Riberas, Representante Alfonso Ibias Otero Antonio López Rodil	Monte alto			805	805
11	297	54	27018A29700054	Monte da Serra	José Otero Díaz	Monte alto			109	109
12	297	14	27018A29700014	Labradois	María Celina Díaz Valledor	Monte alto	3	3	70	70			19
13	297	27	27018A29700027	Tremba	José López Díaz	Prado			633	633			13
14	300	294	27018A30000294	Labradois	José Fernández Balonga	Monte alto Monte baixo			252 720	972
15	300	295	27018A30000295	Labradois	Manuel López Fernández	Monte alto	4	3	1.073	1.073			119
16	300	379	27018A30000379	Mideiros	José Otero Díaz	Monte baixo			382	382			158
17	300	125	27018A30000125	Fonte do Basin	Concepción Díaz Álvarez	Monte baixo			79	79			69
18	300	124	27018A30000124	Fonte do Basin	Raúl Llano Gómez	Monte baixo			105	105			105
19	300	123	27018A30000123	Fonte do Basin	Amparo Mosteirín Linares	Monte baixo			86	86			50
20	300	122	27018A30000122	Fonte do Basin	Manuel López Fernández	Monte baixo			52	52			34
21	300	121	27018A30000121	Fonte do Basin	José Fernández Balonga	Monte baixo			65	65			28
22	300	120	27018A30000120	Fonte do Basin	José Palmeiro Villar	Monte baixo			76	76			31
23	300	119	27018A30000119	Fonte do Basin	Sara Fernández Rodríguez	Monte baixo			47	47			23
24	300	118	27018A30000118	Fonte do Basin	Francisco Rodríguez Fernández	Monte baixo			34	34			24
25	300	117	27018A30000117	Fonte do Basin	Raúl Llano Gómez	Monte baixo			1	1
29	301	245	27018A30100245	Camiño de Costosa a Rodellán	José Landeira Uría	Monte alto			201	201
31	301	244	27018A30100244	Camiño de Costosa a Rodellán	Otilia Gegunde López	Monte alto			427	427
39	301	222	27018A30100222	Labiada	Otilia Gegunde López	Monte alto			552	552
41	301	220	27018A30100220	Labiada	Montserrat, Soledad, Purificación, Armando e Alfredo Yáñez Pasarín	Monte alto			232	232
43	301	218	27018A30100218	Labiada	Matilde Álvarez García	Monte alto			57	57
44	301	186	27018A30100186	Labiada	Herdeiros de Manuel Gegunde Santamarina	Monte alto			56	56
46	301	188	27018A30100188	Labiada	Inés Landeira Uría	Monte alto			390	390
49	301	191	27018A30100191	Labiada	Manuel López Fernández	Monte alto			731	731			108
50	301	193	27018A30100193	Labiada	Claudina Palmeiro Rico	Monte alto			67	67
55	301	270	27018A30100270	Sobre Travesedo	Matilde Álvarez García	Monte alto			249	249
56	301	172	27018A30100172	Cotarelo	Herdeiros de Enrique Linares Cancio	Monte alto			119	119
57	301	365	27018A30100365	Cotarelo	Aquilino Fernández Álvarez	Monte alto	10	3	2.079	2.079			176
58	301	169	27018A30100169	Cotarelo	Herdeiros de Manuel Cancio Gómez, Representante Jorge Cancio Fernández	Monte alto			7	7			266
59	301	161	27018A30100161	Cotarelo	Montserrat, Soledad, Purificación, Armando e Alfredo Yáñez Pasarín	Monte alto	11	2	705	705			48
60	301	168	27018A30100168	Cotarelo	Matilde Álvarez García	Monte alto			28	28			190
63	301	155	27018A30100155	Cotarelo	Herdeiros de Enrique Linares Cancio	Monte alto			148	148
65	301	153	27018A30100153	Cotarelo	Montserrat, Soledad, Purificación, Armando e Alfredo Yáñez Pasarín	Monte alto			266	266			14
72	301	336	27018A30100336	Fonte Darriba	José Fernández Balonga	Monte baixo							232
73	301	329	27018A30100329	Rodalastras	Fermín Rodríguez Fernández	Monte baixo							463