Asunto: proxecto de expropiación forzosa do Plan de sectorización para a ampliación do parque empresarial Lalín 2000 (4ª fase).

Concello: Lalín.

Promotora: Xestión do Solo de Galicia, S.A. (en diante, Xestur).

Expropiadora: Dirección Xeral de Estratexia Industrial e Solo Empresarial. Consellería de Economía e Industria.

Antecedentes:

Primeiro. O Pleno da Corporación do Concello de Lalín, que tivo lugar o 1 de xullo de 2010 (Diario oficial de Galicia (DOG) nº 200, do 18 de outubro) acordou a aprobación definitiva do Plan de sectorización e o informe de sustentabilidade ambiental para a ampliación do parque empresarial Lalín 2000 (4ª fase). Coa dita aprobación definitiva declárase a utilidade pública e o interese social das obras, instalacións e servizos, así como a necesidade de ocupación para os efectos expropiatorios dos bens e dereitos necesarios para a execución do plan de sectorización para a ampliación do parque empresarial Lalín 2000 (4ª fase).

Segundo. Co obxectivo de reducir o movemento de terras definido no mencionado plan de sectorización, a superficie de viario para favorecer a viabilidade do polígono, mellorando a súa integración no contorno e capacitar o desenvolvemento da futura urbanización do polígono empresarial por fases, proponse unha modificación do mencionado Plan de sectorización. O pleno da Corporación do Concello de Lalín, que tivo lugar o 27 de xaneiro de 2023 (DOG nº 49 de 10 de marzo), acordou a aprobación definitiva da modificación do Plan de sectorización da cuarta fase do polígono empresarial Lalín 2000.

Terceiro. Con data do 8 de xuño de 2005, subscribiuse un convenio entre o Instituto Galego da Vivenda e Solo (en diante, IGVS), o Concello de Lalín (Pontevedra) e a empresa pública Xestur Pontevedra para a preparación da 4ª fase do parque empresarial Lalín 2000.

Xestur, que actúa como promotor do citado parque empresarial, formulou ao IGVS o proxecto de expropiación dos terreos, bens e dereitos necesarios para a execución do Plan de sectorización para a ampliación do parque empresarial Lalín 2000 4ª fase-Pontevedra para a súa tramitación.

Cuarto. O día 23 de maio de 2023, Xestur presenta para a súa oportuna tramitación o proxecto de expropiación dos terreos, bens e dereitos necesarios para a execución do Plan de sectorización para a ampliación do parque empresarial Lalín 2000 4ª fase redactado pola empresa Proyestegal, S.L.

Quinto: En virtude da Resolución do 3 de outubro de 2023, o director xeral do IGVS acordou aprobar inicialmente o proxecto de expropiación forzosa, polo procedemento de taxación conxunta, dos bens e dereitos que se precisan ocupar para a execución do Plan de sectorización para a ampliación do parque empresarial Lalín 2000 (4ª fase), e sometelo a información pública polo prazo dun mes, mediante inserción de anuncios no Diario oficial de Galicia (DOG núm. 197, do 17 de outubro de 2023) e nun xornal dos de maior circulación na provincia (anuncio publicado no Faro de Vigo do 17 de outubro de 2023).

Sexto. A taxación dos bens e dereitos que se precisan ocupar neste expediente notificóuselles individualmente aos que aparecen como os seus respectivos titulares, mediante traslado literal da citada Resolución do 3 de outubro de 2023 e da correspondente folla de aprecio e da proposta de fixación dos criterios de valoración, para que puidesen formular alegacións no prazo dun mes, contado a partir da data de recepción da referida notificación, tal e como se sinala no artigo 118.4 da Lei 2/2016, do 10 de febreiro, do solo de Galicia. Igualmente, a dita resolución publicouse por medio de anuncio no Boletín oficial del Estado (BOE núm. 53, do xoves 29 de febreiro de 2024), para os efectos do artigo 44 da Lei 39/2015, do 1 de outubro, do procedemento administrativo común das administracións públicas.

Ademais, o expediente estivo exposto ao dispor das persoas interesadas polo prazo dun mes no Concello de Lalín, nas oficinas da Área Provincial do IGVS en Pontevedra e na páxina web do IGVS http://igvs.xunta.gal/. Igualmente, deuse audiencia ao citado concello e notificóuselle ao Ministerio Fiscal e á Delegación Provincial do Ministerio de Economía e Facenda.

Sétimo. Cumpridos os anteriores trámites, elaborouse un informe individualizado sobre cada unha das alegacións presentadas, así como as preceptivas follas de prezo xusto definitivas, e Xestur presenta o 26 de abril de 2024, no Rexistro Electrónico da Xunta de Galicia, o proxecto de expropiación para aprobación definitiva redactado pola empresa Proyestegal, S.L. Este proxecto está dirixido ao IGVS, posteriormente o IGVS derivou o expediente á Dirección Xeral de Estratexia Industrial e Solo Empresarial por ser, actualmente, o órgano expropiante.

De acordo co artigo 20, alínea g) do Decreto 140/2024, do 20 de maio, polo que se establece a estrutura orgánica da Consellería de Economía e Industria, correspóndelle á Dirección Xeral de Estratexia Industrial e Solo Empresarial a adquisición de solo por calquera título, mesmo por expropiación forzosa, dos terreos destinados á formación de reservas de solo, preparación de soares, dotacións e equipamento, para o desenvolvemento e a xestión da política de solo empresarial. En consecuencia, todas as referencias ao IGVS como órgano expropiante agora deben entenderse feitas á Dirección Xeral de Estratexia Industrial e Solo Empresarial.

Oitavo. O proxecto para aprobación definitiva foi asinado polo representante da Administración e polo perito da Administración. O proxecto foi supervisado pola xefa do Servizo de Planificación e Ordenación de Solo Empresarial.

Con data do 8 de novembro de 2024 o subdirector de Estratexia Industrial e Solo Empresarial e a xefa do Servicio de Planificación e Ordenación de Solo Empresarial emiten informe proposta de resolución de aprobación definitiva do proxecto de expropiación forzosa, polo procedemento de taxación conxunta, dos bens e dereitos que se precisan ocupar para a execución do Plan de sectorización para a ampliación do parque empresarial Lalín 2000 (4ª fase).

Consideracións legais:

Primeira. O procedemento do expediente expropiatorio iníciase en virtude da aprobación definitiva do Plan de sectorización para a ampliación do parque empresarial de Lalín 2000 (4ª fase). A aprobación deste instrumento urbanístico implica a declaración de utilidade pública dos dereitos afectados, así como a necesidade de ocupación para os efectos da expropiación forzosa dos bens e dereitos necesarios para a súa execución de conformidade cos artigos 85.2 da Lei 2/2016, do 10 de febreiro, do solo de Galicia, e 202.1 do Decreto 143/2016, do 22 de setembro, polo que se aproba o regulamento da Lei 2/2016.

Así mesmo, de conformidade cos artigos 117.2 da Lei 2/2016, do 10 de febreiro, do solo de Galicia, e 290.2 do Decreto 143/2016, do 22 de setembro, polo que se aproba o regulamento da Lei 2/2016, establécese que a expropiación se aplicará por polígonos completos e abarcará todos os bens e dereitos neles incluídos.

Segunda. De acordo co artigo 20, alínea g) do Decreto 140/2024, do 20 de maio, polo que se establece a estrutura orgánica da Consellería de Economía e Industria, correspóndelle á Dirección Xeral de Estratexia Industrial e Solo Empresarial a adquisición de solo por calquera título, mesmo por expropiación forzosa, dos terreos destinados á formación de reservas de solo, preparación de soares, dotacións e equipamento, para o desenvolvemento e a xestión da política de solo empresarial.

Terceira. O artigo 118.6 da Lei 2/2016, do 10 de febreiro, establece que unha vez «emitido informe sobre as alegacións, se someterá o expediente á aprobación do órgano municipal ou autonómico que sexa competente. Enténdese que o órgano autonómico competente será a persoa titular da consellería expropiante».

De acordo coa Orde do 4 de novembro de 2024 (DOG núm. 217, do 11 de novembro), sobre delegacións de competencias en diversos órganos da Consellería de Economía e Industria, establécese no seu artigo 11 Delegacións singulares: «2. Delégase na persoa titular da Dirección Xeral de Estratexia Industrial e Solo Empresarial o exercicio das facultades que, en materia de expropiación forzosa e dentro do seu ámbito competencial, o ordenamento lle atribúe á persoa titular da consellería expropiatoria, con especial referencia á aprobación dos expedientes expropiatorios correspondentes a proxectos de interese autonómico para parques empresariais».

Cuarta. Trátase dunha expropiación urbanística, e como tal, regulada na Lei 2/2016, do 10 de febreiro, do solo de Galicia; no Real decreto lexislativo 7/2015, do 30 de outubro, polo que se aproba o texto refundido da Lei do solo e rehabilitación urbana e no Decreto 143/2016, do 22 de setembro, polo que se aproba o eegulamento da Lei 2/2016.

Quinta. O expediente formúlase polo procedemento de taxación conxunta e de acordo co disposto nos artigos 117 e 118 da Lei 2/2016, do 10 de febreiro, de solo de Galicia; 42 e seguintes do Real decreto lexislativo 7/2015; e artigo 290 e seguintes do Decreto 143/2016.

Sexta. Para os efectos de fixación do prezo xusto, o seu pagamento ás persoas propietarias e a ocupación dos predios afectados, confeccionouse o oportuno expediente, de acordo coa normativa previamente citada. Este proxecto de expropiación tramítase polo procedemento de taxación conxunta e ten por obxecto a expropiación pola Dirección Xeral de Estratexia Industrial e Solo Empresarial dos bens e dereitos necesarios para a execución do Plan de sectorización para a ampliación do parque empresarial de Lalín 2000 (4ª fase), tendo Xestur a condición de beneficiaria da expropiación.

De conformidade co disposto no número 10 do artigo 118 da Lei 2/2016, do 10 de febreiro, do solo de Galicia, o acordo de aprobación definitiva do expediente de taxación conxunta implica a declaración de urxencia da ocupación dos bens e dereitos afectados.

Sétima. O expediente tramitado reúne a documentación relacionada no artigo 118.1 da Lei do solo de Galicia. Di así o citado artigo:

«1. Nos supostos do procedemento de taxación conxunta, o expediente conterá os seguintes documentos:

a) Delimitación do ámbito territorial, cos documentos que o identifiquen en canto á situación, superficie e lindes coa descrición de bens e dereitos afectados e a relación dos seus titulares.

b) Fixación de prezos coa valoración razoada do solo, segundo a súa cualificación urbanística.

c) Follas de prezo xusto individualizado de cada predio, en que se conterá non só o valor do solo, senón tamén o correspondente ás edificacións, obras, instalacións e plantacións.

d) Follas de prezo xusto que correspondan a outras indemnizacións.

2. O proxecto de expropiación, cos documentos sinalados, será aprobado inicialmente e exposto ao público polo prazo dun mes, para que aquelas persoas que poidan resultar interesadas formulen as observacións e reclamacións que xulguen convenientes, en particular, no que atinxe á titularidade ou valoración dos seus respectivos dereitos».

A relación das persoas titulares dos bens e dereitos que se expropian figura no anexo desta resolución.

En virtude disto,

RESOLVO:

Primeiro. Aprobar definitivamente o proxecto de expropiación forzosa polo procedemento de taxación conxunta, dos bens e dereitos necesarios para a execución da ampliación do parque empresarial de Lalín 2000 (4ª fase) e, consecuentemente, a declaración de urxente ocupación dos bens e dereitos afectados.

Segundo. Ordenar a notificación desta resolución, de xeito individualizado, a todos os que aparezan como titulares de bens ou dereitos que figuran como tales neste expediente de expropiación, ao cal se deberá unir a correspondente folla de prezo xusto definitiva.

Igualmente, deberase notificar esta resolución ao Ministerio Fiscal, para os efectos establecidos no artigo 5 da Lei de expropiación forzosa, en relación cos propietarios descoñecidos e os non comparecentes no expediente expropiatorio que se aproba, e á Delegación Provincial do Ministerio de Economía e Facenda en Pontevedra, unha vez determinado, con carácter firme, o prezo xusto dos bens e dereitos que se expropian.

Terceiro. Ordenar a publicación desta resolución, así como o seu anexo de relación de bens e dereitos afectados, no DOG e no taboleiro de edictos do Concello Lalín. Así mesmo, publicarase un anuncio no BOE para os efectos de que sirva de notificación aos propietarios descoñecidos e dos cales se ignore o lugar de notificación ou o medio, ou ben, se intentada esta non se puidese efectuar, de conformidade co establecido no artigo 44 da Lei 39/2015, do 1 de outubro, do procedemento administrativo común das administracións públicas.

Durante o prazo de vinte días, contados desde o seguinte ao da recepción da notificación ou, de ser o caso, da data da publicación no BOE, os interesados poderán manifestar, mediante escrito dirixido á Dirección Xeral de Estratexia Industrial e Solo Empresarial, a súa desconformidade coa valoración fixada no expediente aprobado, conforme o que dispón o artigo 118.7 da Lei 27/2016, do 10 de febreiro, do solo de Galicia.

A dita desconformidade presentarase preferiblemente por vía electrónica a través do procedemento normalizado con código de procedemento PR004A, dispoñible na sede electrónica da Xunta de Galicia https://sede.xunta.gal/, que deberá dirixirse á Dirección Xeral de Estratexia Industrial e Solo Empresarial. Para a presentación electrónica poderá empregarse calquera dos medios de identificación e sinatura admitidos pola sede electrónica da Xunta de Galicia, incluído o sistema de usuario e Chave 365 (https://sede.xunta.gal/chave365).

Aqueles suxeitos non obrigados a relacionarse electronicamente coas administracións públicas, conforme o artigo 14 da Lei 39/2015, do 1 de outubro, poderán presentar a súa desconformidade por calquera dos medios recollidos no artigo 16. 4 da Lei 39/2015, do 1 de outubro, do procedemento administrativo común das administracións públicas.

Transcorrido o citado prazo sen que se formule oposición á valoración, entenderase aceptada a que se fixou no acto aprobatorio do expediente e entenderase determinado o prezo xusto definitivamente, de conformidade co artigo 118.8 da Lei do solo de Galicia.

Contra esta resolución, que pon fin á vía administrativa, poderase interpor recurso potestativo de reposición ante a conselleira de Economía e Industria, no prazo dun mes, contado a partir do día seguinte ao da súa notificación, ou recurso contencioso-administrativo, de conformidade coa Lei 29/1998, do 13 de xullo, da xurisdición contencioso-administrativa.

Santiago de Compostela, 12 de novembro de 2024

A conselleira de Economía e Industria
P.D. (Orde do 4.11.2024)
Margarita Ardao Rodríguez
Directora xeral de Estratexia Industrial e Solo Empresarial

ANEXO

Relación das persoas titulares dos bens e dereitos que se expropian para a execución do Plan de sectorización para a ampliación do parque empresarial Lalín 2000 (4ª fase)

Núm. de orde	Referencia catastral	Persoas titulares	Superficie (m²)	Superficie afectada (m²)
1	36024A154001290000BF	Javier Santomé Fernández Lucía Peón Santomé	696,00	696,00
2	36024A154001290000BF	Piedad Emérita Hermida González Begoña Rodríguez Hermida Luis Rodríguez Hermida María Isabel Rodríguez Hermida Rosa María Rodríguez Hermida	659,00	659,00
5	36024A154001250000BQ	Francisco Pérez Donsión	1.594,00	1.594,00
6	36024A154001240000BG	María del Pilar Granja Negro José Luis Granja Negro	802,00	802,00
7	36024A154001230000BY	Francisco Pérez Donsión	508,00	508,00
8	36024A154001220000BB	María del Pilar Granja Negro José Luis Granja Negro	669,00	669,00
9	36024A154001210000BA	Javier Santomé Fernández	504,00	504,00
10	36024A154001200000BW	María Ángela Trina Sánchez Varela (herdeiros de)	6.688,00	6.688,00
11	36024A154001180000BA	Amalia Pérez Donsión	887,00	887,00
12	36024A154001170000BW	María del Pilar Granja Negro José Luis Granja Negro	531,00	531,00
13	36024A154001140000BZ	Francisco Pérez Donsión	327,00	327,00
14	36024A154001130000BS	María del Pilar Granja Negro José Luis Granja Negro	353,00	353,00
15	36024A154001120000BE	Francisco Pérez Donsión	334,00	334,00
16	36024A154001110000BJ	José Luis Pérez Donsión	390,00	390,00
17	36024A154001150000BU	Javier Santomé Fernández Lucía Peón Santomé	1.351,00	1.351,00
19	36024A154001060000BX	María del Pilar Granja Negro José Luis Granja Negro	1.180,00	1.180,00
20	36024A154001050000BD	Amalia Pérez Donsión	1.028,00	1.028,00
21	36024A154001020000BO	María del Pilar Granja Negro José Luis Granja Negro	1.310,00	1.310,00
22	36024A154001040000BR	María Ángela Trina Sánchez Varela (herdeiros de)	680,00	680,00
23	36024A154000990000BF	Javier Santomé Fernández Lucía Peón Santomé	2.007,00	2.007,00
24	36024A154001090000BE	Amalia Pérez Donsión	4.692,00	4.692,00
25	36024A154000980000BT	José Ramón Silva Torres Isaura Álvarez Gil	972,00	972,00
26	36024A154000970000BL	María Ángela Trina Sánchez Varela (herdeiros de)	1.858,00	1.858,00
27	36024A154000950000BQ	María del Pilar Granja Negro José Luis Granja Negro	3.926,00	3.926,00
28	36024A154001010000BM	Amalia Pérez Donsión	497,00	497,00
29-1	36024A154000470000BE	Manuel Meijome Areán	1.718,00	1.718,00
29-2	36024A154000450000BI	Luis Otero Areán Marcelina García Pérez	1.437,00	1.437,00
43	36024A154000440000BX	Manuel Vázquez Pereira	693,00	693,00
46	36024A154000380000BK	María del Pilar Fernández Nacher	2.699,00	2.699,00
48-49	36024A154000360000BM	José Vilariño Granja María Isabel Vilariño Granja	986,00	986,00
50	36024A154000340000BT	María del Pilar Granja Negro José Luis Granja Negro	1.292,00	1.292,00
52	36024A154000270000BG	Luz Granja Castro	736,00	736,00
54	36024A154000290000BP	Manuel Areán González	649,00	649,00
55	36024A154000310000BQ	María Rosa López Portas	708,00	708,00
56	36024A154000630000BQ	Nicasio H. Blanco Rodríguez	6.040,00	6.040,00
57	36024A154000390000BR	José Ramón Ferradas Varela Milagros Madriñán Méndez	3.063,00	3.063,00
60	36024A154000500000BE	María Luz González Ferradas José Antonio González Ferradas Manuel González Ferradas	654,00	654,00
63	36024A154002170000BY	José Luis Crespo Granja Montserrat Crespo Granja	1.973,00	1.973,00
64	36024A154002160000BB	Graciela Lamas Diéguez Jesús Granja Lamas María Dolores Pereira Rozas	1.973,00	1.973,00
65	36024A154000850000BU	Hortensia Nóvoa Granja	3.038,00	3.038,00
66	36024A154000840000BZ	Manuel Fernández Martínez Diocese de Lugo	11.770,00	11.770,00
67	36024A154001830000BH/ 36024A154001830001ZJ	Sergio Fernández Saavedra Vidal Melucha Amelia Lorenzo Villanueva	4.645,00	273,00
69-2	36024A154000540000BH	Manuel Presas Enríquez	932,00	932,00
70	36024A154000570000BB	María Elena Haya Roldán Nerea López Haya	1.941,00	1.941,00
71	36024A154000580000BY	Hortensia Nóvoa Granja	1.798,00	1.798,00
75	36024A154000620000BG	Hortensia Nóvoa Granja	1.071,00	1.071,00
77	36024A154000800000BI	Jesús Granja Lamas María del Carmen Granja Lamas María Dolores Pereira Rozas Antonio Vila Castro	6.566,00	6.566,00
78	36024A154000820000BE	Luz Granja Castro Celia Monserrat Granja Castro María Elena Granja Castro	45,00	45,00
79	36024A154000820000BE	Carmen Fuentes Blanco Antonio Fuentes Blanco José Olivo García Sánchez Carmen Peón Fuentes	45,00	45,00
80	36024A154000820000BE	Luz Granja Castro Celia Monserrat Granja Castro María Elena Granja Castro	53,00	53,00
81	36024A154000820000BE	Carmen Fuentes Blanco Antonio Fuentes Blanco José Olivo García Sánchez Carmen Peón Fuentes	1.594,00	1.594,00
82	36024A154000810000BJ	Luz Granja Castro Celia Monserrat Granja Castro María Elena Granja Castro	2.205,00	2.205,00
83	36024A154000740000BR	María Luz González Ferradas José Antonio González Ferradas Manuel González Ferradas	6.913,00	6.913,00
84	36024A154000650000BL	Lourdes Nóvoa López Antonio José Nóvoa López	4.574,00	4.574,00
86	36024A153007300000BT	Flora Fernández Nacher	3.451,00	3.451,00
89	36024A153007240000BQ	Alfonso Bodaño García	285,00	285,00
90	36024A153007230000BG	Julia Negro Taboada	506,00	506,00
91	36024A153007220000BY	María Celia Crespo Fernández	462,00	462,00
92	36024A153007210000BB	Flora Fernández Nacher	564,00	564,00
93	36024A153007200000BA	Lilia Varela Granja	543,00	543,00
94	36024A153007190000BY	María Elena Haya Roldán Nerea López Haya	783,00	783,00
95	36024A153007180000BB	Celia Monserrat Granja Castro Alfonso Granja Jácome	803,00	803,00
96	36024A153007170000BA	Rosa María Rodríguez Hermida Fernando Domínguez Ferradás Juan Carlos Domínguez Ferradás Juan José Domínguez Moreno Antonio Ferradás Riádigos María Herminia Celia Ferradás Fiádigos María Josefa Ferradás Riádigos Rosalía Ferradás Riádigos Piedad Emérita Hermida González Isidoro Florentino Remeseiro Vázquez José Antonio Riádigos Pájaro María Riádigos Pájaro Begoña Rodríguez Hermida Luis Rodríguez Hermida María Isabel Rodríguez Hermida	958,00	958,00
99	36024A153007450000BZ	Jesús Ferradas Varela	616,00	616,00
100	36024A153007460000BU	José Crespo Negro Élida Faílde Otero	467,00	467,00
102	36024A153007480000BW	José Negro Cacheda	206,00	206,00
104	36024A153007490000BA	Piedad Emérita Hermida González Begoña Rodríguez Hermida Luis Rodríguez Hermida María Isabel Rodríguez Hermida Rosa María Rodríguez Hermida	3.710,00	3.710,00
107	36024A153007390000BJ	Nicasio H. Blanco Rodríguez	2.966,00	2.966,00
108	36024A153007380000BI	Jesús Granja Lamas María del Carmen Granja Lamas María Dolores Pereira Rozas Antonio Vila Castro	2.690,00	2.690,00
109	36024A153009040000BZ	Flora Granja González	1.417,00	1.417,00
110	36024A153007370000BX	Luz Granja Castro Celia Monserrat Granja Castro María Elena Granja Castro	664,00	664,00
114	36024A153007330000BO	María Rosa López Portas	2.318,00	2.318,00
115	36024A154000720000BO	María Luz González Ferradas José Antonio González Ferradas Manuel González Ferradas	2.301,00	2.301,00
116	36024A154000710000BM	Luz Granja Castro Celia Monserrat Granja Castro María Elena Granja Castro	700,00	700,00
117	36024A153007320000BM	Luz Granja Castro Celia Monserrat Granja Castro María Elena Granja Castro	352,00	352,00
118	36024A153007310000BF	Nicasio H. Blanco Rodríguez	1.714,00	1.714,00
119	36024A154000700000BF	Nicasio H. Blanco Rodríguez	2.610,00	2.610,00
120	36024A154000690000BO	Victorino Taboada Blanco María Carmen Balo Villanueva	2.732,00	2.732,00
121	36024A154000680000BM/ 36024A154000680001ZQ	Monserrat Cumplido Granja María Elena Granja Castro	3.290,00	2.174,00
122	36024A154000670000BF/ 36024A154000670001ZG	José Vaamonde Semiao	3.732,00	2.367,00
125	36024A154002220000BQ/ 36024A154002220001ZW	Adelina González González Manuel Fernández García	2.700,00	1.687,00
126	36024A154002240000BL	VictorinoTaboada Blanco María Carmen Balo Villanueva	304,00	304,00
127	36024A154002230000BP/ 36024A154002230001ZA	María del Carmen Meijome Álvarez	2.389,00	1.632,00
128	36024A154002020000BD	Grúas Lalín, S.L.	490,00	490,00
129	36024A154002250000BT	Luz Granja Castro Celia Monserrat Granja Castro María Elena Granja Castro	122,00	122,00
130	36024A154002260000BF	Grúas Lalín, S.L.	507,00	507,00
131	36024A154001950000BT/ 36024A154001950001ZY	Teresa Granja S-S María Dolores González Granja María Fe González Granja Luz Amalia Granja Barcala (herdeiros de) María Isabel Granja Barcala (herdeiros de) Celia Monserrat Granja Castro Luz Granja Castro María Elena Granja Castro Luis Granja López Manuel Granja López (herdeiros de) María Esther López Carral	2.273,00	1.375,00
133	36024A154001960000BF/ 36024A154001960001ZG	Manuel Camba Blanco	461,00	199,00
134	36024A154002270000BM/ 36024A154002270001ZQ	Grúas Lalín, S.L.	2.361,00	1.733,00
135	36024A154001980000BO/ 36024A154001980001ZP	María del Carmen Meijome Álvarez	1.153,00	809,00
136	36024A154002190000BQ/ 36024A154002190001ZW	María del Carmen Meijome Álvarez	1.011,00	777,00
137	36024A154001990000BK/ 36024A154001990001ZL	Manuel Taboada González Evangelina Saa Taboada	2.531,00	1.642,00
138	36024A154002010000BR	María Esther López Carral María Dolores González Granja María Fe González Granja Luz Amalia Granja Barcala (herdeiros de) María Isabel Granja Barcala (herdeiros de) Celia Monserrat Granja Castro Luz Granja Castro María Elena Granja Castro Luis Granja López Manuel Granja López (herdeiros de) Teresa Granja S-S	2.303,00	2.303,00
139	36024A154002040000BI	Manuel Camba Blanco	694,00	694,00
140	36024A154002030000BX	Luz Granja Castro Celia Monserrat Granja Castro María Elena Granja Castro	627,00	627,00
141	36024A154001140000BZ	Manuel Pérez Donsión	348,00	348,00
46 CTA		María del Pilar Fernández Nacher Etelvino López López José Vázquez Casal