Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade ao acordo adoptado polo Xurado Provincial de Clasificación de Montes Veciñais en Man Común de Pontevedra, o 27 de novembro de 2024, en relación co deslindamento parcial entre as comunidades de montes veciñais en man común de Taboadelo e Chan do Casal (Ponte Caldelas), respecto da estrema común dos seus montes (expediente DC22114).
Feitos:
Primeiro. O 30.9.2022 o presidente da Comunidade de Montes Veciñais en Man Común (en diante, CMVMC) de Taboadelo presenta no rexistro electrónico da Xunta de Galicia, co número de entrada 2022/2404672, solicitude de deslindamento entre a CMVMC de Taboadelo e a CMVMC de Chan do Casal (Ponte Caldelas).
Os montes veciñais en man común (en diante, MVMC) afectados por este deslinde son:
– MVMC de Taboadelo (ID monte: 3065) da CMVMC de Taboadelo.
– MVMC de Chan do Casal (ID monte: 3056) da CMVMC de Chan do Casal.
Segundo. Consta no expediente a seguinte documentación do deslindamento consonte o artigo 53 da Lei 7/2012:
• Acta do deslindamento o 3.6.2022.
• Acta de conciliación número 50/2022 entre as comunidades no Xulgado de Paz de Ponte Caldelas o 23.9.2022.
• Certificado do secretario da CMVMC de Taboadelo coa conformidade do presidente do 9.8.2022 da aprobación en asemblea do 28.6.2022.
• Certificado do secretario da CMVMC de Chan do Casal coa conformidade do presidente do 9.8.2022 da aprobación en asemblea do 10.7.2022.
• Memoria descritiva co plano de deslindamento e cartografía en formato dixital no Datum ETRS89/UTM, zona 29N EPSG: 25829, asinada o 30.9.2022 pola enxeñeira técnica forestal colexiada número 1333 do COETF de Galicia. As emendas realizadas producen a modificación desta.
• Informe de validación gráfica catastral con CSV: ZXHE8S3QFHS9C2HM (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións deberá verificar a Xerencia Territorial de Catastro.
Terceiro. A liña de deslindamento proposta ten unha lonxitude de 1161 metros, e está composta polos seguintes puntos:
Punto 1: x: 536.166,43 y: 4.691.855,20
Punto 2: x: 536.102,62 y: 4.691.810,19.
Punto 3: x: 536.070,06 y: 4.691.747,72
Punto 4: x: 536.022,77 y: 4.691.664,60
Punto 5: x: 535.950,04 y: 4.691.552,92
Punto 6: x: 535.869,19 y: 4.691.426,33
Punto 7: x: 535.769,15 y: 4.691.318,12
Punto 8: x: 535.616,81 y: 4.691.178,95
Punto 9: x: 535.457,69 y: 4.690.936,09
No traballo de gabinete establécense dous puntos de deslindamento secundarios para respectar o dominio público da estrada (S1, S2), polo que nestes tramos non existe colindancia entre ambos os montes (o deslindamento realizarase coa Administración competente). Se a liña de deslindamento atravesa pequenos regatos deberá respectar o dominio público hidráulico.
Punto S1: x: 536.152,78 y: 4.691.845,57
Punto S2: x: 536.143,81 y: 4.691.839,24
Revisada a cartografía das resolucións de clasificación de ambos os MVMC detéctase que existe colindancia entre ambas.
O deslindamento está formado por dous tramos:
Tramo 1: punto 1-punto S1.
Tramo 2: punto S2-punto 9.
O punto 9 invade lixeiramente o actual esbozo da CMVMC de Comboa e Romariz pero achegan certificado do 15.1.2024 do secretario da CMVMC de Comboa e Romariz da aprobación en asemblea xeral do 9.12.2023 en que dá a conformidade.
A liña do deslindamento non respecta exactamente a liña do Instituto Xeográfico Nacional entre os concellos de Ponte Caldelas e Soutomaior.
A liña do deslindamento produce modificacións na cartografía dos esbozos de clasificación. Ambas as CMVMC realizan un axuste para que o deslindamento sexa coincidente no punto inicial e final coa planimetría existente.
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas:
Primeira. Esta resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado, por unanimidade dos seus membros,
ACORDA:
Aprobar o deslindamento parcial realizado entre a CMVMC de Taboadelo e a CMVMC de Chan do Casal (Ponte Caldelas) respecto da súa estrema común nos termos indicados no feito terceiro.
Contra esta resolución, que pon fin á vía administrativa, poderase interpoñer recurso de reposición con carácter potestativo perante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo perante o Xulgado do Contencioso-Administrativo de Pontevedra no prazo de dous meses contados desde o día seguinte ao desta notificación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 18 de decembro de 2024
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra