O Pleno do Concello de Parada de Sil, en sesión ordinaria que tivo lugar o 30 de novembro de 2024, adoptou acordo de suspensión de outorgamento de título habilitante para a construción e/ou rehabilitación de calquera edificación con destino a actividades de aloxamento turístico, en calquera das súas modalidades, nos seguintes termos:

1. Actos obxecto de suspensión.

A suspensión afectará a tramitación e o outorgamento de título habilitante para a construción e/ou rehabilitación de calquera edificación con destino a actividades de aloxamento turístico, en calquera das súas modalidades.

2. Actos non afectados pola suspensión.

Non afectará aqueles títulos habilitantes cuxo obxecto sexa a realización de calquera outro tipo de actuación ou implantación de uso diferente.

Non afectará aquelas solicitudes presentadas con anterioridade á publicación do presente acordo.

3. Ámbito territorial da suspensión.

O ámbito territorial da suspensión será o núcleo de Parada de Sil, en calquera tipo de solo.

4. Vixencia da suspensión.

O acordo de suspensión terá unha vixencia de dous anos e entrará en vigor o día seguinte ao da súa publicación no Diario Oficial de Galicia e nun xornal de maior difusión na provincia.

O presente acordo poderá impugnarse mediante interposición de recurso contencioso-administrativo ante o Tribunal Superior de Xustiza de Galicia dentro do prazo máximo de dous meses, contados a partir do día seguinte ao da súa publicación no Diario Oficial de Galicia.

Parada de Sil, 17 de febreiro de 2025

Aquilino Domínguez Díaz
Alcalde presidente