O Xurado Provincial de Clasificación de Montes Veciñais en Man Común de Pontevedra resolveu na súa reunión do 26.3.2025 aprobar o deslindamento parcial entre as comunidades de montes veciñais en man común (CMVMC) de Barro (Barro) e San Tomé de Nogueira (Meis), con base nos seguintes feitos e consideracións técnicas.
Antecedentes e consideracións técnicas:
Primeiro. O 28.9.2022 o presidente da CMVMC de Curro presenta solicitude de deslindamento entre a CMVMC de Curro (Barro) e a CMVMC de San Tomé de Nogueira (Meis).
Os montes veciñais en man común (en diante, MVMC) afectados por este deslindamento son:
– MVMC do Curro (ID Monte: 2453) da CMVMC de Curro.
– MVMC de Castrove e Regresol (ID Monte: 2827) da CMVMC de San Tomé de Nogueira.
Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):
• Acta do deslindamento o 26.9.2022.
• Acta de conciliación núm. 4/2023 entre as comunidades no Xulgado de Paz de Meis o 12.4.2023.
• Certificado do secretario da CMVMC de Curro coa conformidade do presidente do 16.4.2024 da aprobación en asemblea xeral do 24.2.2023.
• Certificado do secretario da CMVMC de San Tomé de Nogueira coa conformidade do presidente do 14.8.2024 da aprobación en asemblea xeral do 11.2.2023.
• Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829, asinada o 27.6.2023 pola enxeñeira técnica forestal colexiada núm. 740 do COETF de Galicia. As emendas realizadas producen a modificación desta.
• Informe de validación gráfica catastral cos CSV: 64WGKH16FGQ0C6B9, P6A547725QF5S6VF (ambas teñen en conta o deslindamento DC22049 e DC22050) e GPM3AD6YWQNNGRFA.
Terceiro. A liña de deslindamento proposta ten unha lonxitude de 825 metros, e está composta polos seguintes puntos:
Punto 1: X: 525.235,06 Y: 4.703.036,78
Punto 2: X: 525.475,74 Y: 4.703.353,72
Punto 3: X: 525.530,18 Y: 4.703.426,50
Punto 4: X: 525.733,43 Y: 4.703.694,80
Revisada a cartografía das resolucións de clasificación de ambos os MVMC detéctase que existe linde entre ambas.
O deslindamento inicia no punto 1 situado no Alto Castrove e discorre pola devasa ata o río Argaballa (punto 4). A partir deste punto, o límite continúa polo curso da auga.
O deslindamento está formado por un único tramo. O punto 1 é coincidente co punto 01 do expediente DC22049 (deslindamento entre a CMVMC de Curro e a CMVMC de San Xoán de Poio) e é coincidente tamén co punto 01 do expediente DC22067 (deslindamento entre a CMVMC de San Tomé de Nogueira e a CMVMC de San Xoán de Poio). Neste punto converxen a CMVMC de Curro, a CMVMC de San Xoán de Poio e a CMVMC de San Tomé de Nogueira.
A liña do deslindamento non é coincidente coa liña do Instituto Xeográfico Nacional entre os concellos de Barro e Meis.
A liña do deslindamento produce as seguintes modificacións na cartografía dos esbozos de clasificación:
– A CMVMC de Curro: o Servizo de Montes de oficio axusta o esbozo no punto inicial (punto 1) co deslindamento DC22049 respectando a cartografía de clasificación da CMVMC de Campañó.
– CMVMC de San Tomé de Nogueira: presenta un axuste desde o punto inicial, punto 1 coincidente co deslindamento DC22067.
– As comunidades presentan desde o punto final 4 un axuste para pechar o deslindamento co resto da cartografía existente de cada unha das comunidades.
O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.
Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
Á vista do exposto, este xurado
RESOLVE:
Aprobar o deslindamento parcial entre a CMVMC de Curro (Barro) e a CMVMC de San Tomé de Nogueira (Meis), nos termos antes indicados.
Contra esta resolución, que pon fin á vía administrativa, poderase interpoñer recurso de reposición perante o Xurado Provincial de Clasificación de Montes Veciñais en Man Común de Pontevedra no prazo dun mes de acordo co disposto nos artigos 123 e 124 da LPAC, ou ben interpoñer directamente recurso contencioso-administrativo perante o xulgado do contencioso-administrativo no prazo de dous meses de acordo cos artigos 8 e 46 da LXCA.
Pontevedra, 16 de maio de 2025
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra