O Xurado Provincial de Clasificación de Montes Veciñais en Man Común de Pontevedra resolveu na súa reunión do 26.3.2025 aprobar o deslindamento parcial entre as comunidades de montes veciñais en man común (en diante, CMVMC) de Busto, Valvoa e Vilar (Meis) e San Xoán de Poio (Poio) con base nos seguintes feitos e consideracións técnicas.
Antecedentes e consideracións técnicas:
Primeiro. O 28.9.2022, o presidente da CMVMC de Busto, Valvoa e Vilar presenta solicitude de deslindamento entre a CMVMC de Busto, Valvoa e Vilar (Meis) e a CMVMC de San Xoán de Poio (Poio).
Os montes veciñais en man común (en diante, MVMC) afectados por este deslindamento son:
– MVMC de Chan da Fonte e outros (ID: 2831) da CMVMC de Busto, Valvoa e Vilar.
– MVMC de San Xoán de Poio (ID: 3003) da CMVMC de San Xoán de Poio.
Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):
• Acta do apeo do deslindamento do 26.9.2022.
• Acta de conciliación núm. 7/2023 entre as comunidades no Xulgado de Paz de Poio do 6.10.2023.
• Certificado do 13.10.2022 da secretaria da CMVMC de Busto, Valvoa e Vilar coa conformidade do presidente da aprobación en Asemblea Xeral do 8.10.2022.
• Certificado do 30.11.2022 da secretaria da CMVMC de San Xoán de Poio coa conformidade do presidente da aprobación en Asemblea Xeral do 27.11.2022.
• Memoria descritiva co plano de deslindamento e cartografía en formato dixital no datum ETRS89/UTM zona 29N EPSG: 25829. Asinado o 27.9.2023 pola enxeñeira técnica forestal colexiada núm. 740 do COETF de Galicia. A emenda posterior produce a modificación dela.
• Informes de validación gráfica catastral con CSV: GMK0434PV42Y2ZKA (inclúe o deslindamento DC22063), NGQ6F0M1ECR60F5F, 4GZN41NMD7KFRZHF e S87HQMZFJ30XV3YK.
Terceiro. A liña de deslindamento proposta ten unha lonxitude de 1.555 metros e está composta polos seguintes puntos:
Punto P01 – x: 522.423,37 y: 4.699.908,89
Punto P02 – x: 522.489,54 y: 4.700.319,62
Punto P03 – x: 522.560,38 y: 4.700.517,77
Punto P04 – x: 522.809,83 y: 4.700.764,72
Punto PS05 – x: 522.931,58 y: 4.700.880,17
Punto PS06 – x: 522.942,26 y: 4.700.890,29
Punto P05 – x: 523.180,81 y: 4.701.116,49
Punto P06 – x: 523.217,20 y: 4.701.186,54
Punto P07 – x: 523.216,04 y: 4.701.209,01
No traballo de gabinete establécense seis puntos de deslindamento secundarios para respectar o dominio público da estrada (PS1, PS2, PS3, PS4, PS5, PS6), polo que nestes tramos non existe colindancia entre ambos os montes (o deslindamento realizarase coa Administración competente).
Punto PS01 – x: 522.463,77 y: 4.700.157,16
Punto PS02 – x: 522.465,11 y: 4.700.165,55
Punto PS03 – x: 522.567,33 y: 4.700.524,65
Punto PS04 – x: 522.575,99 y: 4.700.533,22
Punto PS05 – x: 522.931,58 y: 4.700.880,17
Punto PS06 – x: 522.942,26 y: 4.700.890,29
Revisada a cartografía das resolucións de clasificación de ambos os MVMC detéctase que existe colindancia entre ambos e considérase que non afecta terceiros propietarios.
O deslindamento está formado por catro tramos:
Tramo 1: punto P01- punto PS01
Tramo 2: punto PS02 – punto P02 – punto P03 e punto PS03
Tramo 3: punto PS04 – punto P04 – punto PS05
Tramo 4: punto PS06 – punto P05 – punto P06 e punto P07
O punto P07 é coincidente co punto P01 do expediente DC22063 (deslindamento entre a CMVMC de Busto, Valvoa e Vilar e a CMVMC de Silván), polo que no dito punto converxen a CMVMC de Busto, Valvoa e Vilar, a CMVMC de San Xoán de Poio e a CMVMC de Silván.
A liña do deslindamento non respecta a liña de concellos do Instituto Xeográfico Nacional entre os concellos de Meis e Poio. O deslindamento establécese mediante acordo das comunidades implicadas no deslindamento.
A liña do deslindamento produce modificacións na cartografía dos esbozos de clasificación das seguintes comunidades:
– CMVMC de Busto, Valvoa e Vilar:
No punto P01 realiza un axuste para que o deslindamento sexa coincidente no punto inicial co expediente DC22062 (deslindamento entre a CMVMC de Busto, Valvoa e Vilar e a CMVMC de Combarro).
No punto P07 realiza un axuste para que o deslindamento sexa coincidente no punto final co expediente DC22063 (deslindamento entre a CMVMC de Busto, Valvoa e Vilar e a CMVMC de Silván).
– CMVMC de San Xoán de Poio:
No punto P01 axústase ao deslindamento parcial dos MVMC das parroquias de Combarro e San Xoán de Poio, pertencentes as comunidades do mesmo nome no concello de Poio (DOG núm. 196, do 7 de outubro de 2004).
No punto P07 realiza un axuste para que o deslindamento sexa coincidente no punto final coa planimetría existente.
O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.
Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
A vista do exposto, este xurado
RESOLVE:
Aprobar o deslindamento parcial entre a CMVMC de Busto, Valvoa e Vilar no concello de Meis e a CMVMC de San Xoán de Poio no concello de Poio, nos termos antes indicados.
Contra esta resolución, que pon fin á vía administrativa, poderase interpoñer recurso de reposición perante o Xurado Provincial de Clasificación de Montes Veciñais en Man Común de Pontevedra no prazo dun mes de acordo co disposto nos artigos 123 e 124 da LPAC; ou ben interpoñer directamente recurso contencioso-administrativo perante o Xulgado do Contencioso-Administrativo no prazo de dous meses de acordo cos artigo 8 e 46 da LXCA.
Pontevedra, 21 de maio de 2025
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra