O Xurado Provincial de Clasificación de Montes Veciñais en Man Común de Pontevedra resolveu na súa reunión do 26.3.2025 aprobar o deslindamento parcial entre as comunidades de montes veciñais en man común (en diante, CMVMC) de Bértola e Figueirido (Vilaboa) con base nos seguintes feitos e consideracións técnicas.

Antecedentes e consideracións técnicas:

Primeiro. O 29.9.2022 o presidente da CMVMC de Bértola, presenta solicitude de deslindamento entre a CMVMC de Bértola e a CMVMC de Figueirido, ambas do concello de Vilaboa.

Os montes veciñais en man común (en diante, MVMC) afectados por este deslindamento son:

– MVMC de Chan do Vilar, Pedra Miranda, Coto Loureiro (ID: 3214) da CMVMC de Figueirido.

– MVMC de Loureda e Sabaxáns (ID: 3216) da CMVMC de Bértola.

Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):

– Acta do apeo do deslindamento do 7.5.2022.

– Acta de conciliación núm. 05/2022 entre as comunidades no Xulgado de Paz de Vilaboa do 24.10.2022.

– Certificado do 11.9.2022 do secretario da CMVMC de Bértola coa conformidade do presidente da aprobación en asemblea xeral do 10.9.2022.

– Certificado do 13.3.2024 do secretario da CMVMC de Figueirido coa conformidade do presidente da aprobación en asemblea xeral do 9.12.2023.

– Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829. Asinado o 18.5.2022 polo enxeñeiro técnico forestal colexiado núm. 296, do COETF de Galicia. Modificada posteriormente e asinada o 15.3.2024.

– Informes de validación gráfica catastral con CSV: CX0J91M41F0DWJPB do tramo 1 e 30B3NQJTZGS764R9 e FAR04RWR20Y5YB0X do tramo 2.

Terceiro. A liña de deslindamento proposta ten unha lonxitude de 149 metros (o tramo 1 ten unha lonxitude de 109 metros e tramo 2 ten unha lonxitude de 40 metros, e está composta polos seguintes puntos:

Tramo 1

Tramo 2

Punto 1 - x: 531.616,41 y: 4.691.962,51 Punto 2 - x: 531.608,58 y: 4.691.962,56 Punto 3 - x: 531.604,59 y: 4.691.963,57 Punto 4 - x: 531.600,94 y: 4.691.964,85 Punto 5 - x: 531.597,28 y: 4.691.966,66 Punto 6 - x: 531.593,19 y: 4.691.970,19 Punto 7 - x: 531.587,03 y: 4.691.977,67 Punto 8 - x: 531.579,10 y: 4.691.988,72 Punto 9 - x: 531.570,00 y: 4.692.004,04 Punto 10 - x: 531.561,78 y: 4.692.019,38 Punto 11 - x: 531.544,12 y: 4.692.011,34 Punto 12 - x: 531.539,22 y: 4.692.009,39

Punto 13 - x: 528.773,90 y: 4.692.453,55 Punto 14 - x: 528.769,87 y: 4.692.454,83 Punto 15 - x: 528.726,48 y: 4.692.469,57 Punto 16 - x: 528.725,29 y: 4.692.469,81

As liñas de deslindamento están formadas por dous tramos:

– Tramo 1: do punto 1 o punto 12.

– Tramo 2: do punto 13 o punto 14b e do punto 14c o punto 16.

No traballo de gabinete establécense dous puntos de deslindamento secundarios (14b e 14c) para respectar o dominio público da estrada (EP-0012).

Punto 14b- x: 528.745,88 y: 4.692.462,97

Punto 14c- x: 528.735,33 y: 4.692.466,56

Revisada a cartografía das resolucións de clasificación de ambos MVMC detéctase que non existe colindancia quedando xustificada a colindancia:

• No tramo 1: é coincidente coa revisión de esbozo RE24002 (do MVMC de Chan do Vilar, Pedra Miranda, Coto Loureiro da CMVMC de Figueirido).

• No tramo 2: que ambas comunidades recoñecen a colindancia dentro do perímetro recoñecido pola Sentenza Xudicial 81/2012 do Xulgado de 1ª Instancia núm. 1 de Pontevedra como propiedade da CMVMC de Figueirido.

O punto 1 é coincidente co punto 1 do expediente DC22085 (deslindamento entre a CMVMC de Bértola e a CMVMC de Canicouva).

A liña do deslindamento respecta a liña do Instituto Xeográfico Nacional entre os concellos de Pontevedra e Vilaboa no tramo 1 e non a respecta entre o punto 15 e o punto 14c do tramo 2.

A liña do deslindamento produce modificacións na cartografía dos esbozos de clasificación das seguintes comunidades no tramo 1:

– CMVMC de Figueirido: o expediente de revisión de esbozo RE24002 xa recolle o tramo 1 do deslindamento.

– CMVMC de Bértola: o expediente de revisión de esbozo RE22047 xa recolle o tramo 1 do deslindamento.

O informe técnico indica que no tramo 2 as modificacións dos esbozos de clasificación aprazaranse ata que a CMVMC de Bértola deslinde coa CMVMC de Salcedo.

O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo xurado do deslindamento segundo a liña presentada.

Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.

Á vista do exposto, este xurado

RESOLVE:

Aprobar o deslindamento parcial entre a CMVMC Bértola e a CMVMC de Figueirido, ambas no concello de Vilaboa, nos termos antes indicados.

Contra esta resolución, que pon fin á vía administrativa, poderase interpoñer recurso de reposición ante o Xurado Provincial de Clasificación de Montes Veciñais en Man Común de Pontevedra no prazo dun mes de acordo co disposto nos artigos 123 e 124 LPAC; ou ben interpoñer directamente recurso contencioso-administrativo perante o Xulgado do Contencioso-Administrativo no prazo de dous meses de acordo cos artigos 8 e 46 da LXCA.

Pontevedra, 23 de maio de 2025

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra