O Xurado Provincial de Clasificación de Montes Veciñais en Man Común de Pontevedra resolveu na súa reunión do 26.3.2025 aprobar o deslindamento parcial entre as comunidades de montes veciñais en man común (en diante, CMVMC) de Canicouva e Tomeza (Pontevedra) con base nos seguintes feitos e consideracións técnicas.
Antecedentes e consideracións técnicas:
Primeiro. O 30.9.2022, o presidente da CMVMC de Canicouva presenta solicitude de deslindamento entre a CMVMC de Canicouva e a CMVMC de Tomeza ambas no concello de Pontevedra.
Os montes veciñais en man común (en diante, MVMC) afectados por este deslindamento son:
– MVMC de Loureda, San Cibrán e Carrasco (ID: 2955) da CMVMC de Tomeza.
– MVMC de Pedra Miranda e Saramagoso (ID: 2950) da CMVMC de Canicouva.
Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):
– Acta do apeo do deslindamento do 17.8.2022.
– X53 conciliación núm. 0000283/2023 entre as comunidades no Xulgado de Primeira Instancia número 3 de Pontevedra do 11.4.2023.
– Certificado do 10.4.2024 do secretario da CMVMC de Canicouva coa conformidade do presidente da aprobación na asemblea xeral do 20.8.2022.
– Certificado do 13.9.2022 da secretaria da CMVMC de Tomeza coa conformidade do presidente da aprobación na asemblea xeral do 27.8.2022.
– Memoria descritiva co plano de deslindamento e cartografía en formato dixital no datum ETRS89/UTM zona 29N EPSG: 25829. Asinado o 6.7.2023 pola enxeñeira técnica forestal colexiada número 740 do COETF de Galicia. A emenda posterior produce a súa modificación.
– Informes de validación gráfica catastral con CSV: 41Q4CBBSM3EPN317 (inclúe os deslindamentos DC22109, DC22110, DC22115, DC22108, DC22085, DC22086).
Terceiro. A liña de deslindamento proposta ten unha lonxitude de 678 metros e está composta polos seguintes puntos:
Punto P03: x: 532.922,90 y: 4.693.447,08
Punto P04: x: 532.666,99 y: 4.693.354,18
Punto P05: x: 532.525,47 y: 4.693.374,66
Punto P06: x: 532.286,87 y: 4.693.265,08
Revisada a cartografía das resolucións de clasificación de ambos os MVMC detéctase que existe colindancia entre ambos e considérase que o deslindamento non afecta terceiros propietarios.
O deslindamento está formado por un tramo único.
O punto P03 é coincidente co punto P04 do expediente DC22115 (deslindamento entre a CMVMC de Canicouva e a CMVMC de Marcón). Neste punto converxen a CMVMC de Marcón, a CMVMC de Tomeza e a CMVMC de Canicouva.
O punto P06 é coincidente co punto 1 do expediente DC22086 (deslindamento entre a CMVMC de Bértola e a CMVMC de Tomeza) e co punto 8 do expediente DC22085 (deslindamento entre a CMVMC de Bértola e a CMVMC de Canicouva). Neste punto converxen a CMVMC Canicouva, a CMVMC de Tomeza e a CMVMC de Bértola.
A liña do deslindamento produce modificacións na cartografía dos esbozos de clasificación das seguintes comunidades:
– CMVMC de Canicouva: presenta un axuste desde o punto P03 coincidente co deslindamento DC22115 e un axuste desde o punto P06 coincidente co expediente DC22085.
– CMVMC de Tomeza: presenta un axuste desde o punto P.03 para pechar a liña do deslindamento co resto da cartografía existente e un axuste desde o punto P.06 coincidente co deslindamento DC22086.
O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.
Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
Á vista do exposto, este xurado
RESOLVE:
Aprobar o deslindamento parcial entre as CMVMC de Canicouva e Tomeza, ambas no concello de Pontevedra, nos termos antes indicados.
Contra esta resolución, que pon fin á vía administrativa, poderase interpoñer recurso de reposición ante o Xurado Provincial de Clasificación de Montes Veciñais en Man Común de Pontevedra no prazo dun mes de acordo co disposto nos artigos 123 e 124 da LPAC; ou ben interpoñer directamente recurso contencioso-administrativo ante o xulgado do contencioso-administrativo no prazo de dous meses de acordo cos artigos 8 e 46 da LXCA.
Pontevedra, 23 de maio de 2025
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra