O Xurado Provincial de Clasificación de Montes Veciñais en Man Común de Pontevedra resolveu na súa reunión do 26.3.2025 aprobar o deslindamento parcial entre as comunidades de montes veciñais en man común (en diante, CMVMC) da Canicouva (Pontevedra) e Raña e A Aluncia (Ponte Caldelas), con base nos seguintes feitos e consideracións técnicas.

Antecedentes e consideracións técnicas:

Primeiro. O 30.9.2022 o presidente da CMVMC da Canicouva presenta solicitude de deslindamento entre a CMVMC da Canicouva (Pontevedra) e a CMVMC de Raña e A Aluncia (Ponte Caldelas).

Os montes veciñais en man común (en diante, MVMC) afectados por este deslindamento son:

– MVMC de Baltar (ID: 3055) da CMVMC de Raña e A Aluncia.

– MVMC de Pedra Miranda e Saramagoso (ID: 2950) da CMVMC da Canicouva.

Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):

– Acta do apeo do deslindamento do 21.9.2022.

– Acta de conciliación núm. 13/2023 entre as comunidades no Xulgado de Paz de Ponte Caldelas do 31.3.2023.

– Certificado do 10.4.2024 da secretaria da CMVMC da Canicouva coa conformidade do presidente da aprobación en asemblea xeral do 20.8.2022.

– Certificado do 10.4.2024 da secretaria da CMVMC de Raña e A Aluncia coa conformidade do presidente da aprobación en asemblea xeral do 28.1.2023.

– Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829, asinada o 13.7.2023 pola enxeñeira técnica forestal colexiada núm. 740 do COETF de Galicia. A emenda posterior produce a modificación desta.

– Informes de validación gráfica catastral con CSV: VY3J61TQKEF2VVFS (inclúe os deslindamentos DC22109 e DC22110) e 41Q4CBBSM3EPN317 (inclúe os deslindamentos DC22109, DC22110, DC22115, DC22108, DC22085, DC22086).

Terceiro. A liña de deslindamento proposta ten unha lonxitude de 717 metros e está composta polos seguintes puntos:

Punto P01: X: 533.559,61 Y: 4.693.059,63

Punto P02: X: 533.636,52 Y: 4.692.918,21

Punto P03: X: 533.781,43 Y: 4.692.610,72

Punto P04: X: 533.906,10 Y: 4.692.422,89

No traballo de gabinete establécense catro puntos de deslindamento secundarios (A, B, C, D) para respectar a dominio público hidráulico.

Punto A: X: 533.665,54 Y: 4.692.856,63

Punto B: X: 533.667,77 Y: 4.692.851,90

Punto C: X: 533.897,48 Y: 4.692.435,87

Punto D: X: 533.899,82 Y: 4.692.432,36

Polo que, no tramo entre os puntos A e B e no tramo entre os punto C e D respéctase o dominio público hidráulico (o deslindamento realizarase coa Administración competente).

Revisada a cartografía das resolucións de clasificación de ambos os MVMC detéctase que existe linde entre ambos pola existencia do deslindamento xudicial entre a CMVMC da Canicouva e Ponte Sampaio, que ten o número de expediente PO-DESX-01/14.

O deslindamento entre ambos os montes veciñais está formado por tres tramos:

Tramo 1: desde o punto P01 ao punto A.

Tramo 2: desde o punto B ao punto C.

Tramo 3: desde o punto D ao punto P04.

O punto P01 é coincidente co punto P03 do expediente DC22110 (deslindamento entre a CMVMC da Canicouva e a CMVMC de Reigosa), polo que, no dito punto converxen a CMVMC da Canicouva, a CMVMC de Reigosa e a CMVMC de Raña e A Aluncia.

A liña do deslindamento respecta o deslindamento entre a CMVMC de Reigosa e a CMVMC de Raña e A Aluncia, que ten o número de expediente PO-DESC02/2019.

A liña do deslindamento non é exactamente coincidente coa liña do Instituto Xeográfico Nacional entre os concellos de Pontevedra e Ponte Caldelas.

A liña do deslindamento produce modificacións na cartografía dos esbozos de clasificación das seguintes comunidades:

– CMVMC da Canicouva: presenta un axuste para modificar o esbozo desde o punto P01 que coincide co deslindamento DC22110 e desde o P04 co DESX-01/14.

– CMVMC de Raña e A Aluncia: presenta un axuste para modificar o esbozo desde o punto P01 que coincide co expediente PO-DESC02/2019, e un axuste desde o P04 para pechar a liña de deslindamento coa cartografía existente.

O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.

Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.

Á vista do exposto, este xurado

RESOLVE:

Aprobar o deslindamento parcial entre a CMVMC da Canicouva (Pontevedra) e a CMVMC de Raña e A Aluncia (Ponte Caldelas), nos termos antes indicados.

Contra esta resolución, que pon fin á vía administrativa, poderase interpoñer recurso de reposición ante o Xurado Provincial de Clasificación de Montes Veciñais en Man Común de Pontevedra no prazo dun mes, de acordo co disposto nos artigos 123 e 124 LPAC, ou ben interpoñer directamente recurso contencioso-administrativo ante o xulgado do contencioso-administrativo no prazo de dous meses, de acordo cos artigos 8 e 46 da LXCA.

Pontevedra, 23 de maio de 2025

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra