Mediante a Resolución da Alcaldía nº 2025-0378, do 20 de maio de 2025, aprobouse a oferta de emprego público para o ano 2025 segundo a descrición que se recolle a seguir:
|
Denominación |
Grupo |
Tipo de vínculo |
Nº de prazas |
Quenda |
|
Xefe/a de unidade da Administración xeral e apoio á secretaría |
C1 |
Funcionario de carreira. Escala de Administración xeral (administrativa) |
1 |
Libre |
|
Arquitecto/a técnico |
A2 |
Funcionario de carreira. Escala de Administración especial (técnica) |
1 |
Libre |
|
Traballador/a social |
A2 |
Funcionario de carreira. Escala de Administración especial (técnica) |
1 |
Libre |
|
Oficial de obras e servizos |
AP |
Funcionario de carreira. Escala de Administración especial (subescala S.E.) |
1 |
Libre |
|
Oficial de obras e servizos |
V |
Persoal laboral |
1 |
Libre |
A praza de persoal laboral de oficial de obras e servizos anteriormente relacionada corresponde á baixa rexistrada no ano en curso.
De conformidade co artigo 70 do TREBEP e 48.4 da Lei 2/2015, de emprego público de Galicia, o prazo máximo para a convocatoria dos correspondentes procesos selectivos será de tres anos contados desde a publicación esta oferta de emprego público no Boletín Oficial da provincia.
Contra esta resolución, que pon fin á vía administrativa, pode interpor alternativamente o recurso de reposición potestativo, no prazo dun mes contado desde o día seguinte ao da publicación, ante o mesmo órgano que emitiu o acto, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo ante o Xulgado do Contencioso-Administrativo de Vigo, no prazo de dous meses contado desde o día seguinte ao da publicación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Se opta por interpor o recurso de reposición potestativo, non poderá interpor recurso contencioso-administrativo ata que aquel sexa resolto expresamente ou se produza a súa desestimación por silencio. Todo iso sen prexuízo de que poida exercer calquera outro recurso que coide pertinente.
O texto íntegro da resolución atópase publicado e á disposición dos interesados na sede electrónica do Concello de Pazos de Borbén https://pazosdeborben.sedelectronica.gal, no Portal de transparencia, e no taboleiro de anuncios do Concello.
Pazos de Borbén, 20 de maio de 2025
Xosé Luciano Otero Camiña
Alcalde