No Diario Oficial de Galicia número 47, do 10 de marzo de 2025, publícase a Orde do 25 de febreiro de 2025 pola que se establecen as bases que rexerán a concesión de subvencións a entidades sen ánimo de lucro para programas de deseño e implementación de itinerarios personalizados e accións específicas que favorezan a inserción sociolaboral de mulleres en situación de violencia de xénero na Comunidade Autónoma de Galicia, e se procede á súa convocatoria para o ano 2025 no marco do Pacto de Estado contra a violencia de xénero (código de procedemento SI451A).

Para a concesión destas axudas destinanse 700.000,00 euros imputables á aplicación orzamentaria 08.06.313D.481.2 (código de proxecto 2018 00112).

A dita partida orzamentaria finánciase con fondos finalistas do Estado, que os orzamentos xerais do Estado destinan ao desenvolvemento ou ampliación das medidas recollidas no Pacto de Estado contra a violencia de xénero.

Durante a fase de instrución das solicitudes recibidas na Dirección Xeral de Loita contra a Violencia de Xénero, e unha vez feitas as emendas e comprobado o cumprimento dos requisitos establecidos, estas foron remitidas á Comisión de Valoración, órgano regulado no artigo 16 da convocatoria.

O órgano instrutor, tras a baremación e á vista do informe realizado pola Comisión de Valoración, formulou a proposta de resolución que, como establece o artigo 16.4, elevou ao órgano competente, a Dirección Xeral de Loita contra a Violencia de Xénero, que en virtude da competencia delegada na disposición adicional primeira para resolver os procedementos de concesión, emite a correspondente Resolución do 12 de xuño de 2025.

Segundo o regulado no artigo 20, por tratarse dun procedemento de concorrencia competitiva, de conformidade co establecido no artigo 45 da Lei 39/2015, do 1 de outubro, do procedemento administrativo común das administracións públicas, a resolución destas subvencións serán obxecto de publicación no Diario Oficial de Galicia, a cal producirá os mesmos efectos da notificación.

Polo exposto,

RESOLVO:

1. Ordenar a publicación no Diario Oficial de Galicia do contido íntegro da Resolución do 12 de xuño de 2025, ditada ao abeiro da Orde do 25 de febreiro de 2025 pola que se establecen as bases que rexerán a concesión de subvencións a entidades sen ánimo de lucro para programas de deseño e implementación de itinerarios personalizados e accións específicas que favorezan a inserción sociolaboral de mulleres en situación de violencia de xénero na Comunidade Autónoma de Galicia, e se procede á súa convocatoria para o ano 2025 no marco do Pacto de Estado contra a violencia de xénero (código de procedemento SI451A), e que se xunta a esta resolución no anexo.

2. Comunicar que a Resolución do 12 de xuño de 2025 pon fin á vía administrativa e que contra ela poderá interpoñerse o recurso potestativo de reposición, ante o mesmo órgano que ditou a resolución, no prazo dun mes contado a partir do día seguinte ao da súa publicación no Diario Oficial de Galicia, ou directamente o recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa publicación no Diario Oficial de Galicia.

O recurso contencioso-administrativo non se poderá interpoñer ata que sexa resolto expresamente ou se produza a desestimación presunta do recurso de reposición interposto.

Santiago de Compostela, 13 de xuño de 2025

Roberto Barba Alvedro
Director xeral de Loita Contra a Violencia de Xénero

ANEXO

Resolución do 12 de xuño de 2025, que pon fin ao procedemento de concesión das subvencións convocadas mediante a Orde do 25 de febreiro de 2025 pola que se establecen as bases que rexerán a concesión de subvencións a entidades sen ánimo de lucro para programas de deseño e implementación de itinerarios personalizados e accións específicas que favorezan a inserción sociolaboral de mulleres en situación de violencia de xénero na Comunidade Autónoma de Galicia, e se procede á súa convocatoria para o ano 2025 no marco do Pacto de Estado contra a violencia de xénero (código de procedemento SI451A)

Antecedentes:

Primeiro. Con data do 10 de marzo de 2025 publícase no Diario Oficial de Galicia a Orde do 25 de febreiro de 2025 pola que se establecen as bases que rexerán a concesión de subvencións a entidades sen ánimo de lucro para programas de deseño e implementación de itinerarios personalizados e accións específicas que favorezan a inserción sociolaboral de mulleres en situación de violencia de xénero na Comunidade Autónoma de Galicia, e se procede á súa convocatoria para o ano 2025 no marco do Pacto de Estado contra a violencia de xénero (código de procedemento SI451A).

Segundo. Esta orde ten por obxecto aprobar as bases reguladoras e convocar para o ano 2025, subvencións a entidades sen ánimo de lucro para programas de deseño e implementación de itinerarios personalizados e accións específicas que favorezan a inserción sociolaboral dirixidos a mulleres en situación de violencia de xénero na Comunidade Autónoma de Galicia, no marco do Pacto de Estado contra a violencia de xénero, coa finalidade de apoialas na súa integración ou reintegración no mercado laboral, como elemento clave para unha recuperación integral.

Terceiro. De acordo co establecido no artigo 1.2 das bases reguladoras, o procedemento para a concesión das subvencións recollidas na Orde do 25 de febreiro de 2025 tramitarase en réxime de concorrencia competitiva, de acordo co sinalado no artigo 19.1 da Lei 9/2007, do 13 de xuño, de subvencións de Galicia.

Cuarto. De acordo co establecido no artigo 16.4 da Orde do 25 de febreiro de 2025, unha vez avaliados os expedientes segundo os criterios de valoración establecidos nas bases reguladoras, a Comisión de Valoración emitirá un informe segundo o cal o órgano instrutor formulará a proposta de resolución ao órgano competente para resolver a concesión ou a denegación da axuda solicitada, propoñendo a concesión da subvención segundo a orde de puntuación e polo importe da axuda que corresponda ata esgotar o crédito.

No caso de existiren solicitudes susceptibles de axuda pero que non se inclúen na proposta anterior por terse esgotado o crédito dispoñible, quedarán en reserva para seren atendidas no suposto de que quedase crédito libre por producirse algunha renuncia, ou por modificación nos programas inicialmente subvencionados, ou ben por incremento do crédito orzamentario destinado a esta subvención, de acordo co establecido no artigo 30.2 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia. Para estes efectos, poderán realizarse sucesivas propostas de resolución conforme o sinalado nesta base.

Así mesmo, no caso de quedar crédito libre de adxudicar a contía que corresponda a cada unha das entidades que resulten beneficiarias da subvención, e sempre que non exista lista de agarda, poderá repartirse entre elas a partes iguais de xeito que se manteña a proporcionalidade derivada da aplicación dos criterios de baremación, e sen que en ningún caso se poida superar a contía solicitada.

Quinto. De acordo co establecido no artigo 18.1 das bases reguladoras, a concesión das subvencións obxecto da Orde do 25 de febreiro de 2025 será resolta pola persoa titular da Dirección Xeral de Loita contra a Violencia de Xénero, que resolverá por delegación da persoa titular da Consellería de Política Social e Igualdade, por proposta do órgano instrutor e unha vez fiscalizada a proposta pola Intervención Delegada.

Sexto. Segundo o artigo 20.1 das bases reguladoras, por tratarse dun procedemento de concorrencia competitiva e de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, a resolución destas subvencións serán obxecto de publicación no Diario Oficial de Galicia, a cal producirá os mesmos efectos da notificación. Nesta publicación especificarase a data da convocatoria, a entidade beneficiaria, a cantidade concedida e a finalidade da subvención outorgada, así como as solicitudes desestimadas, con expresión sucinta dos motivos da desestimación.

Por todo o anterior, tras o informe de baremación e a proposta emitida polo órgano instrutor, unha vez fiscalizado o gasto de conformidade pola Intervención Delegada, o director xeral de Loita contra a Violencia de Xénero, en virtude da competencia delegada na disposición adicional primeira para resolver os procedementos de concesión,

RESOLVE:

Primeiro. Conceder as axudas a entidades sen ánimo de lucro para programas de deseño e implementación de itinerarios personalizados e accións específicas que favorezan a inserción sociolaboral dirixidos a mulleres en situación de violencia de xénero na Comunidade Autónoma de Galicia, no marco do Pacto de Estado contra a violencia de xénero, coa finalidade de apoialas na súa integración ou reintegración no mercado laboral, como elemento clave para unha recuperación integral (procedemento SI451A), que se relacionan no anexo I, como consecuencia da aplicación dos criterios de valoración establecidos no artigo 17 da convocatoria, pola contía que se reflicte no anexo, por un importe total de 648.341,61 euros con cargo á aplicación orzamentaria 08.06.313D.481.2, proxecto 2018.00112.

Segundo. Denegar as solicitudes que se relacionan no anexo II, con indicación da causa específica, por non cumpriren algún dos requisitos establecidos no artigo 4 das bases reguladoras destas axudas.

Terceiro. Informar as entidades beneficiarias que figuran no anexo I desta resolución do seguinte:

a) Estas axudas fináncianse con fondos finalistas do Estado, que os orzamentos xerais do Estado destinan ao desenvolvemento ou ampliación das medidas recollidas no Pacto de Estado contra a violencia de xénero.

b) De acordo co establecido no artigo 3 das bases reguladoras, as subvencións para as actuacións recollidas nesta convocatoria son incompatibles con calquera outra axuda pública, ou incentivo á contratación, para a mesma finalidade.

c) As entidades beneficiarias deberán cumprir as obrigas e requisitos exixidos na Orde do 25 de febreiro de 2025 e, de xeito particular, deben cumprir os seguintes requisitos:

a. Estar inscritas na área de igualdade do Rexistro Único de Entidades Prestadoras de Servizos Sociais, regulado polo Decreto 254/2011, do 23 de decembro, polo que se regula o réxime de rexistro, autorización, acreditación e a inspección dos servizos sociais en Galicia.

b. Carecer de ánimo de lucro.

c. Ter o seu domicilio social en Galicia ou delegación na Comunidade Autónoma.

d. Non atoparse en ningunha das situacións establecidas no artigo 10 da Lei 9/2007, do 13 de xuño, de subvencións de Galicia. A acreditación de non estaren incursas nas ditas circunstancias realizarase mediante declaración responsable da persoa representante da entidade.

e. Cumprir os requisitos e condicións establecidos na normativa xeral de subvencións.

Todos os requisitos exixidos deberán cumprirse na data en que remate o prazo de presentación de solicitudes e manterse durante todo o período de execución dos programas subvencionados.

d) No artigo 26 das bases reguladoras establécense os criterios de gradación dos posibles incumprimentos que determinan, se é o caso, a perda do dereito ao cobramento da subvención, a minoración da cantidade concedida ou, de ser o caso, o reintegro total ou parcial da axuda percibida.

e) Unha vez notificada a resolución de concesión da subvención, a entidade beneficiaria deberá comunicar no prazo de dez días hábiles a súa aceptación, comprometéndose a executar o programa ou actuación subvencionado no prazo e condicións establecidos na convocatoria. No caso de non comunicar o dito aspecto no prazo indicado entenderase tacitamente aceptada.

f) De acordo co establecido no artigo 25 das bases reguladoras, realizarase un primeiro pagamento do 80 % da contía da subvención concedida, en concepto de pagamento anticipado, que se fará efectivo unha vez realizada a notificación da subvención. O 20 % restante, ou a parte proporcional que corresponda, librarase logo da xustificación polas entidades beneficiarias do cumprimento da finalidade para a cal se concedeu a subvención e demais condicións exixidas na Orde do 25 de febreiro de 2025.

g) O período de referencia para a imputación dos gastos relativos ás axudas será do 1 de abril de 2025 ao 30 de novembro de 2025.

h) A xustificación presentarase con data límite o 5 de decembro de 2025.

A falta de presentación da xustificación no prazo establecido comportará a perda do dereito ao cobramento total ou parcial da subvención, a exixencia do reintegro e demais responsabilidades establecidas na Lei de subvencións de Galicia, segundo o disposto no artigo 45.2 do Decreto 11/2009, do 8 de xaneiro.

i) A documentación para a xustificación destas axudas é a que se indica no artigo 24.3 da convocatoria.

Cuarto. Notificarlles ás persoas interesadas esta resolución, de acordo co disposto na Lei 39/2015, do 1 de outubro, do procedemento administrativo común das administracións públicas.

Esta resolución esgota a vía administrativa e contra ela poderá interpoñerse recurso potestativo de reposición ante a Dirección Xeral de Loita contra a Violencia de Xénero, no prazo dun mes contado desde o día seguinte ao da súa publicación, de acordo co disposto nos artigos 123 e 124 da Lei 39/2015, do 1 de outubro, ou directamente recurso contencioso-administrativo ante o Tribunal Superior de Xustiza de Galicia, no prazo de dous meses contado desde o día seguinte ao da súa publicación, de conformidade co establecido na Lei 29/1998, do 13 de xullo, reguladora da xurisdición contencioso-administrativa.

Non se poderá interpor o recurso contencioso-administrativo ata que sexa resolto expresamente ou se produza a desestimación presunta do recurso de reposición interposto.

Santiago de Compostela, 13 de xuño de 2025. A conselleira de Política Social e Igualdade. P.D. (Disposición adicional primeira da Orde do 25.2.2025; DOG núm. 47, do 10 de marzo). Roberto Barba Alvedro, director xeral de Loita contra a Violencia de Xénero

ANEXO I

Concesións

Procedemento SI451A-Programas de deseño e implementación de itinerarios personalizados e accións específicas que favorezan a inserción sociolaboral de mulleres en situación de violencia de xénero na Comunidade Autónoma de Galicia.

Expediente	Entidade solicitante	NIF	Programa	Data inicio do programa	Data fin do programa	Horas dos itinerarios	Importe dos itinerarios	Mulleres a atender	Mulleres a inserir	Mulleres a facer prácticas	Compromisos de contratación	Puntuación total	Importe concesión
SI451A-2025/00000003-00	Fundación Cip	G15849318	Promuvix 8	1.4.2025	30.11.2025	1.970,00	50.904,80 €	35	8	22	2	91	79.876,20 €
SI451A-2025/00000002-00	Ecos do Sur	G15354483	Programa Salvia VIII - Programa de inserción sociolaboral	1.4.2025	30.11.2025	1.147,00	29.638,48 €	26	5	11	2	91	68.303,80 €
SI451A-2025/00000005-00	Fundación Impulsa para el Desarrollo del Empleo y la Integración Social	G27866763	Impulsa mujer 5	1.4.2025	30.11.2025	2.142,65	55.366,08 €	38	8	23	2	87	79.999,90 €
SI451A-2025/00000006-00	Fundación Nortempo	G70009949	Integra-t-2025	1.4.2025	30.11.2025	2.052,00	53.023,68 €	36	8	22	2	83	79.981,68 €
SI451A-2025/00000013-00	Fundación Amigos de Galicia	G15859911	Un camiño novo	1.4.2025	30.11.2025	1.145,00	36.563,60 €	25	6	16	2	83	51.586,40 €
SI451A-2025/00000004-00	Asociación Amicos	G15747678	Servizo de intermediación laboral para mulleres maltratadas	1.4.2025	30.11.2025	1.147,00	29.638,48 €	20	5	13	2	82	39.386,60 €
SI451A-2025/00000011-00	Asociación de Empresarios de Mos	G36223543	Insere activa 9	1.4.2025	30.11.2025	2.100,00	54.264,00 €	37	8	23	0	78	79.861,50 €
SI451A-2025/00000009-00	Cimo Entidade Prestadora de Servicios	G32010449	Anduriña	1.4.2025	30.11.2025	385,00	9.948,40 €	7	2	5	1	78	14.556,80 €
SI451A-2025/00000007-00	Axel- Asociación de Xóvenes Emprendedores Lucenses	G27305218	Mercvriax	1.4.2025	30.11.2025	1.147,00	29.638,48 €	20	5	13	2	76	48.786,28 €
SI451A-2025/00000010-00	Asociación Iris Social	G16824088	Proyecto Lilith 2025	1.4.2025	30.11.2025	2.119,00	54.754,96 €	37	8	23	2	76	78.898,36 €
SI451A-2025/00000014-00	Fundación Solidaridad Amaranta	G84913946	Itinerarios personalizados de inserción sociolaboral de mulleres en situación de violencia de xénero	1.4.2025	30.11.2025	688,20	17.783,09 €	12	3	5	1	65	27.104,09 €

ANEXO II

Solicitudes denegadas

Procedemento SI451A. Programas de deseño e implementación de itinerarios personalizados e accións específicas que favorezan a inserción sociolaboral de mulleres en situación de violencia de xénero na Comunidade Autónoma de Galicia

Expediente	Entidade solicitante	NIF	Programa	Causa de exclusión
SI451A-2025/00000001-00	Asociación Provincial de Empresarios de la Construcción de Ourense	G32015828	Vivir sen medo	Non estar inscritas na área de igualdade do Rexistro Único de Entidades Prestadoras de Servizos Sociais, regulado polo Decreto 254/2011, do 23 de decembro, polo que se regula o réxime de rexistro, autorización, acreditación e a inspección dos servizos sociais en Galicia.
SI451A-2025/00000008-00	Asociación Canal Senior	G87899324	Voces silenciadas Galicia: Red empleo inserción sociolaboral de mujeres mayores víctimas de violencia de género	Non estar inscritas na área de igualdade do Rexistro Único de Entidades Prestadoras de Servizos Sociais, regulado polo Decreto 254/2011, do 23 de decembro, polo que se regula o réxime de rexistro, autorización, acreditación e a inspección dos servizos sociais en Galicia.
SI451A-2025/00000012-00	Asociación Antonio Noche	G15210388	Avanza AN	Non acreditar estar ao día no pagamento de obrigas tributarias coa AEAT (artigo 13.1.c) na data en que remata o prazo de presentación de solicitudes (10 de abril de 2025), de acordo co artigo 4.2 da convocatoria.
SI451A-2025/00000015-00	Asociación de Empresas e Profesionais do Transporte de Galicia Sinerxías	G10645075	Emprega Sinerxías	Non estar inscritas na área de igualdade do Rexistro Único de Entidades Prestadoras de Servizos Sociais, regulado polo Decreto 254/2011, do 23 de decembro, polo que se regula o réxime de rexistro, autorización, acreditación e a inspección dos servizos sociais en Galicia.