Examinado o expediente iniciado por solicitude de Naturgy Renovables, S.L., en relación coa declaración de utilidade pública do parque eólico Monte Redondo Repotenciación, constan os seguintes

Antecedentes de feito.

Primeiro. Con data do 14.2.2020, o promotor Naturgy Wind, S.L.U., presentou solicitude de autorización administrativa da modificación das instalacións de produción de enerxía eléctrica e as súas infraestruturas de evacuación do proxecto denominado parque eólico Monte Redondo ao abeiro da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, consistente en forma xeral na retirada das actuais infraestruturas (cunha potencia total de 49,50 MW repartida en 66 aeroxeradores de 750 kW de potencia unitaria) e a instalación de novas máquinas e infraestruturas de conexión entre elas, reducíndose o número de aeroxeradores a 12 unidades, aumentando a dimensión e a potencia unitaria de cada un e modificando a actual subestación transformadora, mantendo a mesma potencia total instalada. O 11.12.2020, a Dirección Xeral de Planificación Enerxética e Recursos Naturais notificoulle ao promotor o cumprimento de requisitos da súa solicitude de modificación substancial.

Segundo. O 17.6.2021, o Consello da Xunta de Galicia acordou declarar iniciativa empresarial prioritaria o parque eólico Monte Redondo (expediente IN408A/2020/029), promovido por Naturgy Renovables, S.L.U., e pola Resolución do 27 de xullo de 2021, da Dirección Xeral de Planificación Enerxética e Recursos Naturais declarouse a tramitación de urxencia dos procedementos administrativos correspondentes ao parque eólico Monte Redondo (nº expediente IN408A/2020/029, promovido por Naturgy Renovables, S.L.U., o que supón a redución á metade dos prazos establecidos para o procedemento ordinario, salvo os relativos á presentación de solicitudes e recursos.

Terceiro. Mediante o Acordo do 16 de agosto de 2021, da Xefatura Territorial da Coruña, se sométense a información pública a solicitude de autorización administrativa previa, a declaración de utilidade pública, en concreto, a necesidade de urxente ocupación que iso implica, a autorización administrativa de construción, o estudo de impacto ambiental (EIA) e o proxecto de interese autonómico (PIA) do proxecto do parque eólico Monte Redondo, no concello de Vimianzo (A Coruña) (expediente IN408A 2020/29).

O dito acordo publicouse no Diario Oficial de Galicia e no xornal La Voz de Galicia do 26.8.2021. Así mesmo, permaneceu exposto ao público no taboleiro de anuncios do concello afectado (Vimianzo), e nas dependencias da Xefatura Territorial da Coruña, que emitiron o correspondente certificado de exposición pública. Así mesmo, a dita resolución estivo exposta no portal web da Consellería de Economía, Empresa e Innovación (actualmente, Consellería de Medio Ambiente e Cambio climático)

Cuarto. Vista a Sentenza núm. 18/2022, do Tribunal Superior de Xustiza de Galicia, e aínda que esta non adquiriu firmeza e está sendo obxecto de impugnación e discusión en vía de casación pola Xunta de Galicia, con base no principio de seguridade xurídica e por un criterio de precaución, someteuse de novo a información pública por un prazo de trinta (30) días a solicitude de autorización administrativa previa, a declaración de utilidade pública, en concreto, a necesidade de urxente ocupación que iso implica, a autorización administrativa de construción, o estudo de impacto ambiental (EIA) e o proxecto de interese autonómico (PIA) do proxecto do parque eólico Monte Redondo, no concello de Vimianzo (A Coruña) (expediente IN408A 2020/29), da Xefatura Territorial da Coruña.

A dita resolución publicouse no Diario Oficial de Galicia e no xornal La Voz de Galicia o 28.3.2022. Así mesmo, permaneceu exposto ao público no taboleiro de anuncios do concello afectado (Vimianzo), e nas dependencias da Xefatura Territorial da Coruña, que emitiron os correspondentes certificados de exposición pública. Así mesmo, a dita resolución estivo exposta no portal web da Consellería de Economía, Empresa e Innovación.

Durante o trámite de información pública, así como durante a tramitación do expediente presentáronse alegacións, as cales foron remitidas e contestadas polo promotor.

Quinto. Mediante a Resolución do 22.3.2024, da Dirección Xeral de Planificación Enerxética e Recursos Naturais, outorgáronse a autorización de desmantelamento das instalacións actuais do parque eólico Monte Redondo, a autorización administrativa previa e autorización administrativa de construción ás instalacións relativas ao proxecto do parque eólico Monte Redondo, sito no concello de Vimianzo (A Coruña) e promovido por Naturgy Renovables, S.L.U. (IN408A/2020/029).

Sexto. O 2.9.2024, a Xefatura Territorial da Coruña emitiu informe onde indica que o parque eólico Monte Redondo repotenciación non afecta ningún dereito mineiro vixente na provincia da Coruña e que non procede, polo tanto, en termos da vixente normativa en materia de minas, trámite de compatibilidade ningún.

Sétimo. O 4.9.2024, a Dirección Xeral de Planificación e Ordenación Forestal remite o certificado de aproveitamentos de masas forestais emitido polo Servizo de Montes da Consellería do Medio Rural da Coruña o 30.8.2024.

Neste certificado indican «segundo os datos que constan nas bases de datos da Dirección Xeral de Planificación e Ordenación Forestal a devandita infraestrutura eléctrica pode afectar os montes veciñais en man común de (1) Carantoña e Tras do Ceán (CMVMC de Carantoña), (2) Montecelos, (3) Coto da Gándara, (4) Brives, (5) Curutas, Corneda, Labarqueiras, Fiais, Pion da Roca (CMVMC de Valiña), (6) Fontes Dulces, Relleiras de Labarqueiras, Fiais e Devesa de Corneda (CMVMC de A Toxa), (7) Relleira de Sobreiros e Costa das Pasantes, Prado das Porfías, Costa de Cova Ladróns, Relleira de Corneda e Campo de Monteira de Riba (CMVMC de As Pasantes), (8) Ogas e (9) Cures e Mouzo; así como o monte Carantoña pertencente ao Catálogo de montes de utilidade pública (nº 384)».

Oitavo. O 28.10.2024, a Dirección Xeral de Enerxías Renovables e Cambio Climático efectuou o trámite de audiencia previsto no artigo 45.3 da Lei 8/2009, do 22 de decembro, cos titulares dos montes veciñais en man común afectados (A Gándara, Brives, Valiña, Cures-Mouzo, Montecelo, Ogas, Pasantes, A Toxa e Carantoña), e concédeselles un prazo de quince días para presentar as alegacións que considerasen oportunas. Durante o trámite de audiencia presentáronse alegacións que foron remitidas e contestadas polo promotor.

Noveno. O 20.12.2024, o promotor solicitou o recoñecemento como non substancial dunha modificación do proxecto do parque eólico.

Décimo. O 16.1.2025, a promotora achegou unha relación de bens e dereitos afectados (RBDA) actualizada para os efectos de continuar coa tramitación da declaración de utilidade pública, en concreto, do parque eólico Monte Redondo. Nesta documentación introducíronse cambios na relación de bens e dereitos afectados sometida inicialmente a información pública (DOG núm. 60, do 28.3.2022), relativos á titularidade e/ou ás afeccións sobre algunhas das parcelas.

En consecuencia, o 7.2.2025, a Dirección Xeral de Enerxías Renovables e Cambio Climático notifica aos titulares das novas parcelas afectadas as que fai referencia o antecedente de feito anterior. Rematado o prazo do trámite de audiencia non se presentaron alegacións por parte dos interesados.

Mediante o Anuncio do 15.4.2025, da Dirección Xeral de Enerxías Renovables e Cambio Climático, notifícase a unha persoa interesada as modificacións na relación de bens e dereitos afectados dá declaración de utilidade pública do parque eólico Monte Redondo repotenciación (expediente IN408A 2020/029), de conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, por non ser posibleefectuar a notificación prevista na citada norma. Esta notificación publicouse no DOG núm. 83, do 2.5.2005, e no TEU núm. 112, do 9.5.2025, sen que se presentara ningunha alegación.

Décimo primeiro. Mediante a Resolución do 18 de febreiro de 2025, da Dirección Xeral de Enerxías Renovables e Cambio Climático, recoñécese como non substancial unha modificación do parque eólico Monte Redondo repotenciación, situado no concello de Vimianzo (A Coruña) e promovido por Naturgy Renovables, S.L.U. (IN408A/2020/029).

Décimo segundo. O 3.3.2025, Dirección Xeral de Planificación e Ordenación Forestal remite o certificado actualizado, sobre a existencia de autorizacións ou título habilitante de aproveitamentos, concorrentes no espazo territorial proxectado na modificación non substancial do parque eólico Monte Redondo, no concello de Vimianzo (A Coruña), emitido polo Servizo de Montes de A Coruña o 28.2.2025.

Décimo terceiro. O 12.3.2025 a promotora, en resposta ao certificado de aproveitamentos forestais indicado no antecedente de feito anterior presenta os contratos ratificados e asinados polos representantes habilitados de cada unha das 9 comunidades veciñais de montes de man común (A Gándara, Brives, Valiña, Cures-Mouzo, Montecelo, Ogas, Pasantes, A Toxa e Carantoña).

Décimo cuarto. Con data do 12.3.2025, a Dirección Xeral de Enerxías Renovables e Cambio Climático solicitou á Dirección Xeral de Ordenación Forestal informe en relación coa compatibilidade ou incompatibilidade dos aproveitamentos forestais afectados polo parque eólico Monte Redondo repotenciación na provincia da Coruña, e remite para os efectos do informe os contratos da promotora coas comunidades veciñais de montes de man común.

Décimo quinto. O 28.3.2025, a Dirección Xeral de Enerxías Renovables e Cambio Climático recibiu do Servizo de Propiedade Forestal informe do Servizo de Montes da Xefatura Territorial da Coruña do 27.3.2025 en relación co artigo 45.4 da Lei 8/2009, do 22 de decembro, se emite informe favorable sobre a compatibilidade dos aproveitamentos forestais do proxecto do parque eólico Monte Redondo repotenciación, condicionada a que previamente ao inicio das actuacións sobre o terreo se cumpra o establecido no artigo 43 do Regulamento de montes veciñais respecto os acordos referidos a actos de disposición e no artigo 55 do devandito regulamento sobre o rexistro dos actos de disposición, así como ao disposto na Orde do 8 de xuño de 2017 pola que se establecen as bases reguladoras das axudas para a creación de superficies forestais, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural de Galicia 2014-2020, que se convocan para o ano 2017.

Décimo sexto. O 11.4.2025, a Dirección Xeral de Enerxías Renovables e Cambio Climático recibiu do Servizo de Enerxía e Minas da Xefatura Territorial da Coruña informe do 10.4.2025 en relación ao artigo 161.1 do Real decreto 1955/2000, do 1 de decembro, en que conclúe indicando: «non se atoparon limitacións ás constitucións de servidumes a que se fai referencia no artigo 161 do Real decreto 1955/2000».

Décimo sétimo. O 22.4.2025, Naturgy Renovables, S.L., comunica que non desexan continuar co trámite de utilidade pública sobre a superficie afectada nas parcelas pertencentes as comunidades de montes afectadas ao existir os correspondentes acordos amigables con cada unha delas. Xunto con este escrito presentan os correspondentes acordos asinados con cada unha das anteditas comunidades de montes. Esta resposta remitiuse así mesmo polo promotor á Dirección Xeral de Planificación e Ordenación Forestal o 11.4.2025.

Décimo oitavo. O 5.6.2025, a promotora achegou unha relación de bens e dereitos afectados (RBDA) actualizada para os efectos de continuar coa tramitación da declaración de utilidade pública, en concreto, do parque eólico Monte Redondo. Nesta documentación presentan unha actualización sobre as parcelas coas que acadou acordo, as parcelas desafectadas e as parcelas que finalmente son obxecto de continuar co trámite declaración de ultilidade pública.

Aos antecedentes de feito descritos sonlle de aplicación os seguintes

Fundamentos de dereito.

Primeiro. A Dirección Xeral de Enerxías Renovables e Cambio Climático é competente para resolver este procedemento con fundamento no Decreto 49/2024, do 22 de abril, polo que se fixa a estrutura orgánica das consellerías da Xunta de Galicia, no Decreto 137/2024, do 20 de maio, polo que se establece a estrutura orgánica da Consellería de Medio Ambiente e Cambio Climático, e na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental.

Segundo. No expediente instruído para o efecto cumpríronse os trámites de procedemento establecidos na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental; no que proceda, na Lei 39/2015, do 1 de outubro, do procedemento administrativo común das administracións públicas; e demais normas vixentes de aplicación.

Terceiro. De acordo co artigo 55.1 da Lei 24/2013, do 26 de decembro, do sector eléctrico a solicitude da declaración de utilidade pública en concreto deberá incluír unha relación concreta e individualizada dos bens e dereitos que o solicitante considere de necesaria expropiación. No mesmo sentido, o artigo 44.3 da Lei 8/2009, do 22 de decembro, exixe que a solicitude de declaración de utilidade pública en concreto inclúa unha relación concreta e individualizada dos bens e dereitos «sobre os que non se obtivo un acordo cos seus titulares e sobre os que se considera necesaria a expropiación».

Cuarto. De acordo co artigo 56.1 da Lei 24/2013, do 26 de decembro, do sector eléctrico, e o artigo 44 da Lei 8/2009, do 22 de decembro, a declaración de utilidade pública leva implícita en todo caso a necesidade de ocupación dos bens ou de adquisición dos dereitos afectados, implicando a urxente ocupación para os efectos do artigo 52 da Lei de 16 de decembro de 1954 sobre expropiación forzosa.

Quinto. En relación coas alegacións presentadas durante a tramitación do expediente de declaración de utilidade pública, visto o seu contido e as respostas efectuadas pola promotora, cómpre manifestar o seguinte:

• No caso de alegacións relativas á titularidade e características dos bens e dereitos afectados, tomouse razón de todas as manifestacións e documentos presentados polas persoas interesadas, para os efectos previstos no artigo 52, número 3, da Lei de expropiación forzosa.

Sexto. No que respecta á compatibilidade do parque eólico cos montes afectados, e de acordo co establecido no artigo 45.4 da Lei 8/2009, do 22 de decembro, coas CMVMC da Gándara, Brives, Valiña, Cures-Mouzo, Montecelo, Ogas, Pasantes, A Toxa e Carantoña, o 28.3.2025, a Dirección Xeral de Planificación e Ordenación Forestal remítelle á Dirección Xeral de Planificación Enerxética e Recursos Naturais en data o informe do Servizo de Montes do Departamento Territorial da Coruña do 27.3.2025 que se transcribe a seguir.

No informe do Departamento Territorial da Coruña indican:

«Deberanse tramitar os correspondentes actos de disposición conforme o previsto na Lei 13/1989, do 10 de outubro, de montes veciñais en man común, e máis concretamente no título II do Decreto 260/1992, do 4 de setembro, polo que se aproba o Regulamento para a execución da Lei 13/1989, de 10 de outubro, de montes veciñais en man común. En particular:

– O artigo 43 do Regulamento de montes veciñais, número 1 «A aprobación, reforma ou revogación dos estatutos, así como os acordos referidos a actos de disposición, correspóndenlle á asemblea xeral, requirindo a convocatoria expresa e o voto favorable da maioría dos presentes que represente polo menos ao 50 % do censo de comuneiros en primeira convocatoria e ó 30 % na segunda».

«Así, atendendo a todo o anteriormente exposto e en cumprimento do artigo 45.4 da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, emítese informe favorable sobre a compatibilidade do proxecto co aproveitamento forestal condicionada a que previamente ao inicio das actuacións sobre o terreo se cumpra o establecido no artigo 43 do Regulamento de Montes Veciñais respecto os acordos referidos a actos de disposición e no artigo 55 do devandito regulamento sobre o rexistro dos actos de disposición, así como ao disposto na Orde do 8 de xuño de 2017 pola que se establecen as bases reguladoras das axudas para a creación de superficies forestais, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural de Galicia 2014-2020, que se convocan para o ano 2017».

Sétimo. O artigo 151 do Real decreto 1555/200, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica indica: «En calquera momento, o solicitante da declaración de utilidade pública poderá convir libremente cos titulares dos necesarios bens e dereitos a adquisición por mutuo acordo deles. Este acordo, no momento de declararse a utilidade pública da instalación, adquirirá a natureza e efectos previstos no artigo 24 da Lei de expropiación forzosa, causando, por tanto, a correspondente conclusión do expediente expropiatorio. Nestes supostos, o beneficiario da declaración de utilidade pública poderá, se é o caso, solicitar da autoridade competente a aplicación do mecanismo establecido no artigo 59 do Regulamento de expropiación forzosa».

Con data do 22.4.2025, Naturgy Renovables, S.L., comunica que non desexa continuar co trámite de utilidade pública sobre a superficie afectada nas parcelas pertencentes as comunidades de montes afectadas ao ter acordos con todas elas, segundo o indicado no antecedente de feito décimo sétimo.

Tendo en conta o previsto no artigo 44.3 da Lei 8/2009, do 22 de decembro, e especificamente no artigo 151 do Real decreto 1955/2000, do 1 de decembro, xa citados, e constatada a existencia dos acordos con todas comunidades de montes afectadas, procede aceptar a renuncia presentada voluntariamente por Naturgy Renovables, S.L., e, en consecuencia, non declarar a compatibilidade do parque eólico cos montes veciñais en man común afectados. A aceptación desta renuncia voluntaria do promotor non implica en ningún caso unha comprobación da legalidade dos acordos ao ser responsabilidade exclusiva do promotor o cumprimento dos requisitos legais aplicables a eles mesmos e, en particular, os requisitos exixibles aos actos de disposición que afecten os montes veciñais indicados no informe do Servizo de Montes do Departamento Territorial da Coruña do 27.3.2025 remitido o 28.3.2025 pola Dirección Xeral de Planificación e Ordenación Forestal, que consta no fundamento quinto, e que foi remitido a Naturgy Renovables, S.L., o 2.4.2025.

De acordo con todo o que antecede,

RESOLVO:

Primeiro. Declarar a utilidade pública, en concreto, das instalacións do proxecto do parque eólico Monte Redondo repotenciación, segundo o previsto nos artigos 54 e 56 da Lei 24/2013, do 26 de decembro, do sector eléctrico, o que leva implícita a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación forzosa do 16 de decembro de 1954 (BOE nº 351, do 17 de decembro) en relación coas parcelas recollidas no anexo I desta resolución.

Segundo. Esta resolución publicarase no Diario Oficial de Galicia de acordo co establecido no artigo 148 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

Contra esta resolución, que non pon fin á vía administrativa, poderase interpoñer recurso de alzada ante a Conselleira de Medio Ambiente e Cambio Climático, no prazo dun mes contado a partir do día seguinte ao da súa notificación, de conformidade cos artigos 121 e 122, da Lei 39/2015, do 1 de outubro, do procedemento administrativo común das administracións públicas.

Santiago de Compostela, 25 de xuño de 2025

Paula Uría Traba
Directora xeral de Enerxías Renovables e Cambio Climático

ANEXO I

Relación de bens e dereitos afectados parque eólico Monte Redondo repotenciación

Proxecto modificación non substancial
Parcela						Afeccións m2
Nº	Datos catastrais			Lugar	Cultivo	Apelidos e nome	Pleno dominio			Servi. de paso		Ocup. Temp.
	Concello	Pol.	Parc.				CIM.	Plat.	Vieiro	Gabia	Servi. Voo
22	Vimianzo	32	1	Monte Santa	Matogueira	De la Fuente Rodríguez Juan Manuel	-			1271
27	Vimianzo	30	750	Prado Carrofeito	Piñeiro	Pérez Lemus Margarita	-			1096	36
28	Vimianzo	30	749	Prado Carrofeito	Matogueira	Pérez Lemus José	-			271	21
29	Vimianzo	30	748	Prado Carrofeito	Matogueira	Mouzo Albores José Manuel e outros	-			887	54	1578
30	Vimianzo	30	747	Prado Carrofeito	Matogueira	Mouzo Albores José Manuel e outros	-			380	23	3185
31	Vimianzo	30	746	Prado Carrofeito	Matogueira	Mouzo Albores José Manuel e outros	-	240	741	78	5	1738
34	Vimianzo	30	730	Carro Feito de Arriba	Matogueira	Descoñecido (Fiscalía Provincial da Coruña)	-					11
35	Vimianzo	30	745	Estivada Pereira de	Matogueira	Alvite Mouzo Manuel Rpte: Irmina Alvite Pérez	-		398			110
36	Vimianzo	30	744	Estivada Pereira de	Matogueira	Muebles González Cundíns, S.L.	-		2343
37	Vimianzo	30	743	Estivada Pereira de	Matogueira	Gómez Olveira Dolores	-		21
48	Vimianzo	15	258	Gándaras de Calo	Piñeiro	Martínez Mouzo Ricardo	-			168
58	Vimianzo	15	256	Cotillón	Eucaliptal	Blanco López Delfina	-			95	42
61	Vimianzo	15	253	Cotillón	Eucaliptal	Ageitos Mouzo José Hdros de	-			15
66	Vimianzo	15	4	Cova dos Ladróns	Piñeiro	Descoñecido (Fiscalía Provincial da Coruña)Martínez Santos Manuel Amador	-			102	13
67	Vimianzo	15	270	Cova dos Ladróns	Piñeiro	Santos Alves Carlinda	-			3
68	Vimianzo	15	269	Cova dos Ladróns	Piñeiro	Gándara Santos Marcos	-			11
69	Vimianzo	15	268	Cova dos Ladróns	Piñeiro	Miñones Antelo Manuel	-			26
70	Vimianzo	15	267	Cova dos Ladróns	Piñeiro	Santos Alves Carlinda	-			41
71	Vimianzo	15	266	Cova dos Ladróns	Piñeiro	Miñones Antelo Manuel	-			50
72	Vimianzo	15	265	Cova dos Ladróns	Piñeiro	Gándara Santos Marcos	-			49
73	Vimianzo	15	264	Cova dos Ladróns	Piñeiro	Santos Alves Generosa	-			42
74	Vimianzo	15	263	Cova dos Ladróns	Piñeiro	Santos Alves Julio	-			41
75	Vimianzo	15	262	Cova dos Ladróns	Piñeiro	Santos Alves Carlinda	-			104
80	Vimianzo	16	208	Cova dos Ladróns	Eucaliptal	Vázquez Mouzo José	-			48
81	Vimianzo	16	237	Cova dos Ladróns	Eucaliptal	Vázquez Mouzo Cándido	-			65
82	Vimianzo	16	207	Cova dos Ladróns	Eucaliptal	Pérez Trillo Esperanza	-			90
83	Vimianzo	16	181	Cornedaa	Matogueira	Lavandeira Gándara Filomena	-			638
84	Vimianzo	16	182	Cornedaa	Matogueira	Lavandeira Anido Dosinda	-			524
86	Vimianzo	16	180	Cornedaa	Matogueira	Toja Lavandeira Amparo	-			87	16
88	Vimianzo	16	184	Cornedaa	Matogueira	García González Carmen	-			195	48
94	Vimianzo	16	177	Cornedaa	Matogueira	Pérez García María	-			532	88
103	Vimianzo	16	144	Penedos	Piñeiro	Lema Oreiro Manuel	-
108	Vimianzo	16	203	Cruz de San Vello	Piñeiro	Insua Lema Vicente	-			3
113	Vimianzo	16	213	Peón da Roca	Matogueira	Carril Pedreira Delfín Rpte: Mª Flora Carril Valiña	-				71
114	Vimianzo	16	210	Peón da Roca	Matogueira	Olveira Pedreira Elena	-				3
115	Vimianzo	16	214	Peón da Roca	Matogueira	Díaz Castiñeira José	-				14
118	Vimianzo	15	67	Lavarqueiras	Eucaliptal	Castiñeira Oreiro Francisco	-					714
125	Vimianzo	16	197	Cruz de San Vello	Matogueira	Lema Oreiro Consuelo	-			34
126	Vimianzo	16	188	Cruz de San Vello	Matogueira	Rodríguez Lema Manuel	-			161
129	Vimianzo	16	164	Fiais	Matogueira	Valiña Lavandeira Filomena	-			109
130	Vimianzo	16	163	Fiais	Matogueira	Valña Lavandeira Consuelo	-			108
131	Vimianzo	16	162	Fiais	Matogueira	Valiña Lavandeira Antonio	-			83
132	Vimianzo	16	161	Fiais	Matogueira	Valiña Santos Antonio	-			19
134	Vimianzo	16	159	Fiais	Matogueira	Insua Lema Vicente	-			25
146	Vimianzo	16	127	Borrallas	Piñeiro	Suárez González Manuel	-
155	Vimianzo	17	342	Monte Mayor	Matogueira	Mourelle Ordóñez Juan	-					1
156	Vimianzo	17	341	Monte Mayor	Matogueira	Posé Bermúdez Manuel	-					16
157	Vimianzo	17	340	Monte Mayor	Matogueira	Pose Bermúdez José	-					4
159	Vimianzo	17	338	Monte Mayor	Matogueira	Vecino Valiña Manuel	-				7
160	Vimianzo	17	337	Monte Mayor	Matogueira	Cundíns Vilar Vicente	-				15
161	Vimianzo	17	336	Monte Mayor	Matogueira	Miñones Lema Aurea	-				11
162	Vimianzo	17	335	Monte Mayor	Matogueira	Bermúdez Torrado Ovidio Hdros Rpte: Marta Bermúdez Ferreiro	-				9
163	Vimianzo	17	334	Monte Mayor	Matogueira	Vilar Lema Carmen Dolores	-				10
164	Vimianzo	17	333	Monte Mayor	Matogueira	Grillo Andújar José	-				9
165	Vimianzo	17	332	Monte Mayor	Matogueira	Tirllo Ogando M Consuelo	-				8
166	Vimianzo	17	331	Monte Mayor	Matogueira	Soto Fernández José	-				5
167	Vimianzo	17	330	Monte Mayor	Matogueira	Rodríguez Lema Manuel	-				5
168	Vimianzo	17	329	Monte Mayor	Matogueira	Lavandeira Pérez José	-				5
169	Vimianzo	17	328	Monte Mayor	Matogueira	Monterroso Pereiro Irene Carmen	-				5
170	Vimianzo	17	327	Monte Mayor	Matogueira	Pose Vázquez Purificación	-				5
171	Vimianzo	17	326	Monte Mayor	Matogueira	Soto Fernández José	-				5
172	Vimianzo	17	325	Monte Mayor	Matogueira	Costa Rey María	-				4
173	Vimianzo	17	324	Monte Mayor	Matogueira	Ferreiro Ramos Consuelo Rpte: Ovidio Amado Ferreiro	-				5
174	Vimianzo	17	323	Monte Mayor	Matogueira	Mouzo Torrado Dolores	-				5
175	Vimianzo	17	322	Monte Mayor	Matogueira	Miñones Lema Aurea	-				6
176	Vimianzo	17	321	Monte Mayor	Matogueira	Pose Feal Juan	-				6
177	Vimianzo	17	320	Monte Mayor	Matogueira	Soto Fernández José	-				6
178	Vimianzo	17	319	Monte Mayor	Matogueira	Costa Castiñeira Juan José	-				5
179	Vimianzo	17	318	Monte Mayor	Matogueira	Vecino Valiña Manuel	-				6
180	Vimianzo	17	317	Monte Mayor	Matogueira	Soto Fernández José	-				10
181	Vimianzo	17	316	Monte Mayor	Matogueira	Cundíns Bello José	-				9
182	Vimianzo	17	315	Monte Mayor	Matogueira	Ferreiro Ramos Consuelo Rpte: Ovidio Amado Ferreiro	-				97
183	Vimianzo	17	292	Portela Borrallas	Matogueira	Miñones Lema Francisco y otros	-				171
184	Vimianzo	16	14	Borrallas	Piñeiro	Vázquez Santos Carmen Esperanza	-
191	Vimianzo	16	1	Fieiteira	Matogueira	Carril Pedreira Delfín Rpte: Mª Flora Carril Valiña	-		2237	374	350	939
195	Vimianzo	17	236	Peon	Matogueira	Mouzo Vaiña M Gloria	-					5
196	Vimianzo	17	237	Peon	Matogueira	Villar Bermúdez Cándido e outros	-					898
197	Vimianzo	17	238	Peon	Matogueira	Rial Andrade M Rosalía	-					1022

Afeccións parque eólico en metros cadrados (m2):

• Superficie de pleno dominio:

– Cimentación (Cim.): cimentación do aeroxerador.

– Plataforma (Plat.): plataforma de montaxe do aeroxerador.

– Torre (Torre.): torre meteorolóxica.

• Servidume de paso:

– Vieiro: dereito de paso polas vías en que circularán os transportes para a construción, vixilancia, conservación e reparación das instalacións do parque eólico.

– Gabia: servidume de paso da liña eléctrica soterrada.

• Servidume de voo das pas dos aeroxeradores (Voo aero).

• Outras afeccións:

– Ocupación temporal (Ocup. temp.): ocupación de terreos durante o período de duración das obras. Serve temporalmente como provisión de materiais, montaxe de guindastres, provisión de pas e outros compoñentes dos aeroxeradores, etc.