O Pleno do Concello da Guarda, en sesión extraordinaria do 28 de abril de 2025, adoptou o seguinte acordo:

Aprobado inicialmente o Plan especial de infraestruturas e dotacións deportivas na Sangriña mediante a Resolución da Alcaldía, do 19 de maio de 2022, mediante a Resolución da Alcaldía 2024/441, do 25 de marzo, adoptouse o seguinte acordo:

«Primeiro. Aprobar provisionalmente o Plan especial de infraestruturas e dotacións deportivas na Sangriña (documento PEID SANG setembro 2023).

Segundo. Someter o Plan especial de infraestruturas e dotacións deportivas na Sangriña, co expediente completo debidamente dilixenciado, ao órgano autonómico competente en materia de urbanismo para o seu informe preceptivo, que deberá ser emitido no prazo de dous meses, contados desde a entrada do expediente completo no rexistro da consellería. Transcorrido este prazo sen que se comunique o informe solicitado, poderá continuarse a tramitación do plan».

Foi sometido a informe previo, preceptivo e vinculante, da Dirección Xeral de Urbanismo da Xunta de Galicia, que emitiu o informe en sentido favorable condicionado ao cumprimento das condicións que se facían constar nel.

Foi emitido informe polo arquitecto municipal en sentido favorable á aprobación definitiva, o 27 de xaneiro de 2025, pola Asesoría Xurídica, o 11 de marzo de 2025, e pola secretaria municipal, o 13 de marzo de 2025.

Examinada a documentación que a acompaña e de conformidade co artigo 75.1 da Lei 2/2016, do 10 de febreiro, do solo de Galicia, así como co artigo 186.1 do Regulamento da Lei 2/2016, do 10 de febreiro, do solo de Galicia, aprobado polo Decreto 143/2016, do 22 de setembro, e co artigo 21.1.j) da Lei 7/1985, do 2 de abril, de bases do réxime Local, propoño á adopción do seguinte acordo:

«Primeiro. Aprobar definitivamente o Plan especial de infraestruturas e dotacións deportivas na Sangriña (documento PEID SANG setembro 2023).

Segundo. Publicar o acordo de aprobación definitiva do Plan especial de infraestruturas e dotacións deportivas na Sangriña, no prazo dun mes desde a súa adopción, no Diario Oficial de Galicia. Xunto coa publicación deste acordo publicarase a indicación das medidas adoptadas para o seguimento dos efectos no medio da aplicación do plan e a referencia ao enderezo electrónico en que figurará o contido íntegro do plan á disposición do público. Así mesmo, estará á disposición na sede electrónica deste concello (http://aguarda.sedelectronica.gal).

Terceiro. Proceder á inscrición do instrumento no Rexistro de Plan Urbanístico de Galicia, e simultaneamente notificar individualmente a aprobación definitiva do Plan especial a todas as persoas titulares catastrais dos terreos afectados».

A Guarda, 15 de xullo de 2025

Roberto José Álvarez Carrero
Alcalde