O Xurado Provincial de Clasificación de Montes Veciñais en Man Común de Pontevedra resolveu, na súa reunión do 23.7.2025, aprobar o deslindamento parcial entre as comunidades de montes veciñais en man común (CMVMC) de Soutomaior (Soutomaior) e Silvoso (Ponte Caldelas), con base nos seguintes feitos e consideracións técnicas.
Antecedentes e consideracións técnicas:
Primeiro. O 28.9.2022 o presidente da CMVMC de Soutomaior presenta unha solicitude de deslindamento entre a CMVMC de Soutomaior (Soutomaior) e a CMVMC de Silvoso (Ponte Caldelas).
Os montes veciñais en man común (en diante, MVMC) afectados por este deslindamento son:
– MVMC de Silvoso (ID: 3150) da CMVMC de Soutomaior.
– MVMC de Silvoso (ID: 3054) da CMVMC de Silvoso.
Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):
– Acta do apeo do deslindamento do 17.8.2022.
– Acta de conciliación número 006/2023 entre ambas comunidades no Xulgado de Paz de Ponte Caldelas do 21.2.2023.
– Certificado do 27.9.2022 do secretario da CMVMC de Soutomaior, coa conformidade do presidente, da aprobación en Asemblea Xeral do 11.12.2021.
– Certificado do 23.1.2023 da secretaria da CMVMC de Silvoso, coa conformidade do presidente, da aprobación en Asemblea Xeral do 22.1.2023.
– Memoria descritiva co plano de deslindamento e cartografía en formato dixital no datum ETRS89/UTM zona 29N EPSG: 25829. Asinado o 28.11.2022 pola enxeñeira técnica forestal colexiada número 740 do COETF de Galicia.
– Informes de validación gráfica catastral con CSV: MRCY9N08FZAC16DC e CSV: YP0SY0HHMAC9H51N.
Segundo. A liña de deslindamento proposta ten unha lonxitude de 945 metros, e está composta polos seguintes puntos:
|
Punto |
X |
Y |
|
P01 |
536.922,78 |
4.688.640,69 |
|
P02 |
536.936,10 |
4.688.564,60 |
|
P03 |
536.985,81 |
4.688.184,88 |
|
P04 |
537.096,32 |
4.687.953,88 |
|
P05 |
537.150,41 |
4.687.865,01 |
|
P06 |
537.215,44 |
4.687.759,46 |
O deslindamento entre ambos os montes veciñais forma un tramo único.
Revisada a cartografía das resolucións de clasificación de ambos MVMC, confírmase que existe colindancia entre ambos e considérase que non afecta terceiros propietarios.
A liña do deslindamento respecta a liña de concellos do Instituto Xeográfico Nacional entre os concellos de Soutomaior e Ponte Caldelas.
A liña do deslindamento produce modificacións na cartografía dos esbozos de clasificación:
– CMVMC de Soutomaior: presenta un axuste co resto do esbozo.
– CMVMC de Silvoso: presenta un axuste co resto do esbozo.
O Servizo de Montes considera que a solicitude se axusta ao establecido no artigo 53 da LMG, polo que propón que o Xurado do deslindamento a aprobe segundo a liña presentada.
Terceiro. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
Á vista do exposto, este xurado
RESOLVE:
Aprobar o deslindamento parcial entre as CMVMC de Soutomaior (Soutomaior) e Silvoso (Ponte Caldelas), nos termos antes indicados.
Contra esta resolución, que pon fin á vía administrativa, poderase interpoñer recurso de reposición ante o Xurado Provincial de Clasificación de Montes Veciñais en Man Común de Pontevedra no prazo dun mes de acordo co disposto nos artigos 123 e 124 da LPAC; ou ben interpoñer directamente recurso contencioso-administrativo ante o xulgado do contencioso-administrativo no prazo de dous meses de acordo cos artigos 8 e 46 da LXCA.
Pontevedra, 3 de setembro de 2025
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra