O tribunal designado para cualificar as probas dirixidas á obtención e renovación do certificado de conselleiro de seguridade para o transporte de mercadorías perigosas por estrada e por ferrocarril, convocadas mediante a Resolución do 10 de xullo de 2025, da Dirección Xeral de Mobilidade (DOG núm. 139, do 22 de xullo), acordou, de conformidade co disposto na base novena da mencionada resolución:
Primeiro. As probas correspondentes á renovación do certificado de conselleiro de seguridade para o transporte de mercadorías perigosas por estrada e por ferrocarril terán lugar na Escola Galega de Administración Pública (EGAP), rúa de Madrid, 2-4, As Fontiñas, Santiago de Compostela.
Os ditos exercicios realizaranse o vindeiro día 21 de outubro de 2025, nos horarios e aulas que a seguir se sinalan:
|
Probas renovación do certificado |
|||
|
Clase |
Renovación |
Aula |
Horario |
|
ADR todas |
Renovación |
Aula 11 |
9.00-10.00 |
|
Clase 1 |
Renovación |
Aula 11 |
10.00-11.00 |
|
Clase 2 |
Renovación |
Aula 7 |
11.00-12.00 |
|
Clase 3 e máis |
Renovación |
Aula 2 |
15.00-16.00 |
|
Materias líquidas |
Renovación |
Aula 2 |
17.00-18.00 |
|
Clase 7 |
Renovación |
Aula 11 |
9.00-10.00 |
|
RID todas |
Renovación |
Aula 7 |
13.00-14.00 |
Segundo. Para os efectos de proceder á realización dos correspondentes chamamentos, os aspirantes deberán presentarse ás probas 15 minutos antes do comezo de cada exercicio.
Terceiro. As persoas interesadas serán convocadas para cada exercicio en chamamento único e resultará excluída da súa realización quen non compareza.
Cuarto. Os aspirantes excluídos por non comparecer no momento do chamamento non terán dereito a que se lles devolvan os importes aboados en concepto de dereitos de exame.
Quinto. Os aspirantes terán que se presentar ás probas provistos do orixinal do seu documento nacional de identidade ou documento fidedigno acreditativo da súa identidade, a xuízo do tribunal. En caso contrario, non se permitirá o acceso ao recinto onde se realicen os exercicios. Tales aspirantes excluídos non terán dereito a que se lles devolvan os importes aboados en concepto de dereitos de exame. Recoméndase, igualmente, que concorran provistos dunha copia da solicitude de admisión e do impreso xustificativo do pagamento das taxas.
Prégase que os aspirantes comparezan ao exame provistos de bolígrafo azul ou negro.
Santiago de Compostela, 17 de setembro de 2025
Marta Vázquez Sanjurjo
Presidenta do tribunal