Mediante Orde do 17 de xullo de 2025 (DOG núm. 143, do 29 de xullo), a Consellería de Presidencia, Xustiza e Deportes convocou unha liña de subvencións para o ano 2025, que establecía as bases reguladoras para a adxudicación de equipamento de emerxencia, en réxime de concorrencia competitiva, aos concellos de menos de 50.000 habitantes, mancomunidades ou agrupación de concellos galegos, cofinanciado polo Fondo Europeo de Desenvolvemento Rexional.

Vista a proposta da comisión avaliadora, con data do 3 de outubro de 2025, por proposta de resolución do director xeral de Emerxencias e Interior, do 8 de outubro de 2025, e en aplicación dos artigos 9, 10 e 11 da referida orde,

RESOLVO:

Primeiro. Adxudicar aos concellos, mancomunidades ou agrupación de concellos galegos que se relacionan no anexo I o equipamento de emerxencia que se indica no dito anexo I, de acordo coa puntuación total obtida polos solicitantes.

Este equipamento está sendo adquirido co programa Feder Galicia 2021-2027, obxectivo político 2, prioridade P2A. Transición Verde, obxectivo específico RSO2.4: «favorecer a adaptación ao cambio climático e a prevención do risco de catástrofes, así como a resiliencia, tendo en conta os enfoques baseados nos ecosistemas».

Segundo. Establecer unha lista de reserva conformada por todos os solicitantes admitidos co fin de redistribuír o equipamento non adxudicado por renuncia dalgún beneficiario ou pola posible nova adquisición de máis equipamento. Esta redistribución será, se é o caso, elevada posteriormente ao órgano competente para resolver.

Na repartición deste material terase en conta a puntuación total acadada por cada entidade e a non obtención de equipamento da mesma especie na primeira adxudicación, en todo caso, esta segunda asignación non afectará a distribución inicial do equipamento entre as entidades solicitantes.

Terceiro. De conformidade co disposto no artigo 12.e) da Orde do 17 de xullo de 2025 pola que se establecen as bases reguladoras e a convocatoria de subvencións para o ano 2025 para a adxudicación de equipamentos de emerxencias, en réxime de concorrencia competitiva, a concellos de menos de 50.000 habitantes, mancomunidades ou agrupacións de concellos galegos, cofinanciado polo Fondo Europeo de Desenvolvemento Rexional, no marco do programa Feder Galicia 2021-2027, o/a alcalde/sa do concello, presidente/a da mancomunidade ou representante da agrupación de concellos, ao cal se lle conceda o equipamento solicitado, disporá dun prazo de dez días hábiles, contados a partir da recepción da comunicación individual da resolución favorable, para a súa aceptación ou renuncia.

Transcorrido este prazo sen que se producise manifestación expresa, entenderase tacitamente aceptada.

Unha vez manifestada por parte da entidade beneficiaria a aceptación da subvención en especie concedida nesta resolución, asinarase a acta de cesión do equipamento concedido.

O prazo estimado para a sinatura da acta de cesión do equipamento, será de tres meses contados desde a data de recepción daquel.

Non obstante, este prazo podería verse incrementado en función dos prazos de entrega do equipamento previstos nos correspondentes contratos, derivados do procedemento para a contratación da subministración de equipamento para as emerxencias destinado aos concellos de menos de 50.000 habitantes que teñan agrupación de voluntarios de protección civil, expediente de contratación número AXGE.25.FEDER.01 (número de referencia contable 2023 00001) procedemento ordinario, por importe de 348.800 euros (IVE incluído).

No caso de que a subministración do expediente de contratación AXGE.25.FEDER.01 (número de referencia contable 2023 00001) non chegase a ser entregado total ou parcialmente, o órgano adxudicante poderá ditar unha nova resolución e indicar que o equipamento que non sería adxudicado. Neste caso de que as entidades locais afectadas perderán o dereito recoñecido nesta resolución.

Cuarto. Contra esta resolución, que esgota a vía administrativa, poderase interpoñer recurso de reposición ante este mesmo órgano, no prazo dun mes, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación desta resolución.

Santiago de Compostela, 15 de outubro de 2025

O conselleiro de Presidencia, Xustiza e Deportes
P.D. (Artigo 3.5 da Orde do 12.6.2024, DOG núm. 117, do 18 de xuño)
Santiago Villanueva Álvarez
Director xeral de Emerxencias e Interior

ANEXO I

Liña 1. Kits de material loxístico de seguridade viaria.

Entidade local
Cerceda
Culleredo
Fene
Mazaricos
Muros
Negreira
Oleiros
Outes
Ponteceso
Santa Comba
Valdoviño
Zas
Guitiriz
Meira
Ourol
Pol
Portomarín
Quiroga
Ribas de Sil
Carballeda de Avia
Chandrexa de Queixa
Gudiña (A)
Montederramo
Nogueira de Ramuín
Pereiro de Aguiar (O)
Riós
Rúa (A)
Sarreaus
Caldas de Reis
Catoira
Moraña
Portas
Salceda de Caselas
Tomiño
Tui

Liña 2. Kits de ferramentas eléctricas para a atención ás emerxencias

Entidade local
Carral
Cedeira
Cee
Corcubión
Coristanco
Dumbría
Fisterra
Ordes-Frades
Oroso
Porto do Son
Lourenzá
Mondoñedo
Vicedo (O)
Vilalba
Viveiro
Barco de Valdeorras (O)
Blancos (Os)
Toén
Carballiño (O)
Ribadavia
Viana do Bolo
Mezquita (A)
Parada de Sil
Maside
Bolo (O)
Xunqueira de Ambía
Cambados
Cerdedo-Cotobade
Cuntis
Ribadumia
Vila de Cruces
Vilaboa

Liña 3. Tendas de campaña para emerxencias.

Entidade local

Vedra

Pontenova (A)

Triacastela

Valadouro (O)

Baltar

Bola (A)

Entrimo

Esgos

Irixo (O)

Petín