DOG 215 do 6/11/2025 - RESOLUCIÓN do 13 de outubro de 2025, do Departamento Territorial da Coruña, pola que se concede a autorización administrativa previa e de construción e a declaración de utilidade pública, en concreto, dunha instalación de distribución eléctrica no concello de Narón (expediente IN407A 2025/008-1).

VI. Anuncios

a) Administración autonómica

Consellería de Economía e Industria

RESOLUCIÓN do 13 de outubro de 2025, do Departamento Territorial da Coruña, pola que se concede a autorización administrativa previa e de construción e a declaración de utilidade pública, en concreto, dunha instalación de distribución eléctrica no concello de Narón (expediente IN407A 2025/008-1).

Expediente: IN407A 2025/008-1.

Promotora: UFD Distribución Electricidad, S.A.

Proxecto: LMT, CTC e RBT Faísca.

Concello: Narón.

Feitos:

1. O día 17.1.2025, a empresa promotora solicitou a autorización administrativa previa, a autorización administrativa de construción e a declaración de utilidade pública da instalación de distribución eléctrica mencionada, co obxecto de substituír un CT existente por se atopar en avanzado estado de deterioración.

Ao abeiro dos artigos 123 e 143 do Real decreto 1955/2000, presentan o proxecto, que inclúe os planos e o orzamento, e que comprende os seguintes documentos:

1º. Proxecto de execución denominado LMT, CTC e RBT Faísca (Narón), asinado por David Núñez Fernández, enxeñeiro industrial, núm. de colexiado 1534 de Galicia, o 13.1.2025.

2º. Contestación ao requirimento, asinado por David Núñez Fernández, enxeñeiro industrial especialidade Electricidade, núm. de colexiado 1534 de Galicia, o 9.7.2025.

3º. Relación de bens e dereitos afectados de necesaria ocupación para a construción da instalación proxectada.

2. O proxecto someteuse ao trámite de información pública mediante un acordo publicado nos seguintes medios:

• Portal de transparencia e G+oberno aberto da Consellería de Economía e Industria.

• DOG: 18.7.2025.

• BOP: 24.7.2025.

• Xornal La Voz de Galicia: 8.7.2025 (Ed. Ferrol).

• Taboleiro de anuncios do Concello: segundo o certificado municipal do 3.9.2025.

3. Durante o período en que o proxecto se someteu ao trámite de información pública non se presentou ningunha alegación, reclamación nin suxestión relacionada coa documentación obxecto de publicación.

4. Consonte o artigo 127 do Real decreto 1955/2000, do 1 de decembro, solicitouse o informe preceptivo ás distintas entidades afectadas: Concello de Narón e Deputación Provincial da Coruña. No día desta resolución, non consta no expediente resposta ás solicitudes de informes.

5. O día 8.10.2025 emitiuse o informe técnico.

Consideracións legais e técnicas:

1. O director territorial é competente para resolver este expediente, ao abeiro do disposto no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro), e no Decreto 140/2024, do 20 de maio, polo que se establece a estrutura orgánica da Consellería de Economía e Industria (DOG núm. 101, do 27 de maio).

2. Lexislación de aplicación

• Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

• Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

• Lei 24/2013, do 26 de decembro, do sector eléctrico (BOE núm. 310, do 27 de decembro).

• Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

• Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalación eléctricas de alta tensión e as súas instrucións técnicas complementarias ITC-LAT 01 a 09 (BOE núm. 68, do 19 de marzo).

• Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23 (BOE núm. 139, do 9 de xuño).

• Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE núm. 246, do 14 de outubro).

• Lei do 16 de decembro de 1954, sobre expropiación forzosa (BOE núm. 351, do 17 de decembro).

• Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).

3. Características técnicas:

As instalacións obxecto deste expediente están situadas na avenida Souto Vizoso núm. 191D, no concello de Narón, e as súas características técnicas son as seguintes:

• Centro de transformación compacto manobra exterior 2L+1P, cunha potencia de 400 kVA e unha relación de transformación 15.000/400 V, en substitución do actual CT Faísca -15 CP74 da mesma potencia, que se desmantela.

• Liña eléctrica de media tensión aérea de dobre circuíto, a 15 kV, cunha lonxitude de 0,051 km, condutor LA-110 mm2, con orixe no apoio existente núm. D9 da LMTA DC CRN705-CRN709 e final no novo apoio proxectado núm. D10, que se instalará na actual localización do CT Faísca.

• Tramo soterrado de liña da CRN709, a 15 kV, cunha lonxitude de 0,082 km, condutor RHZ1-2OL 12/20 kV 3×240 mm², con orixe no PAS que se instalará no apoio proxectado núm. D10 e final nos empalmes que se realizarán na LMTS existente, despois de facer entrada e saída no CT proxectado.

• Tramo soterrado de liña da CRN705, a 15 kV, cunha lonxitude de 0,023 km, condutor RHZ1-2OL 12/20 kV 3×240 mm², con orixe no PAS que se instalará no apoio proxectado núm. D10 e final nos empalmes que se realizarán na LMTS existente.

4. Do visto na visita realizada o 3.10.2025 non se atopa ningunha limitación das indicadas no artigo 161.1 do Real decreto 1955/2000 para impor servidumes de paso.

5. No expediente consta un informe favorable dos servizos técnicos deste departamento territorial.

Consonte con todo o sinalado,

RESOLVO:

A) Conceder a autorización administrativa previa, a autorización administrativa de construción e a declaración de utilidade pública da dita instalación de distribución eléctrica.

A declaración de utilidade pública leva implícita a necesidade de ocupación dos bens e de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

B) As instalacións deberán obter a autorización de explotación antes do 1 de xaneiro de 2026, segundo o indicado no artigo 13.9.a) do Regulamento (UE) nº 2024/573 do Parlamento Europeo e do Consello, do 7 de febreiro de 2024, agás que se xustifique algunha das excepcións indicadas no dito artigo 13.

C) Para a posta en funcionamento da instalación autorizada, deberá achegar ante este departamento territorial unha solicitude coa cal xuntará a seguinte documentación:

• As declaracións de conformidade relativas ao material ou equipamento e as certificacións ou homologacións, se procede.

• Un certificado do/da director/a da montaxe en que se garantirá o cumprimento das especificacións do proxecto e das prescricións complementarias, se as houber, así como das regulamentacións e normas axeitadas para a montaxe da instalación e posta a punto.

• Planimetría as built da instalación eléctrica en formato shape.

D) Esta autorización outórgase sen prexuízo doutras que sexan de aplicación segundo a lexislación vixente, en especial no relativo á ordenación do territorio e ao ambiente.

O incumprimento das condicións e dos requisitos establecidos nesta resolución ou a variación substancial dos presupostos que determinaron o seu outorgamento poderán dar lugar á súa revogación, logo de audiencia da persoa interesada, segundo o establecido no artigo 53.10 da Lei 24/2013, do 26 de decembro, do sector eléctrico.

Contra esta resolución, que non é definitiva en vía administrativa, poderá interporse recurso de alzada perante a conselleira de Economía e Industria, no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da dita Lei 39/2015, sen prexuízo de que as persoas interesadas poidan interpor calquera outro recurso que consideren axeitado.

Mediante este documento notifícaselles ás persoas interesadas esta resolución, segundo o exixido no artigo 40.1 da Lei 39/2015.

A Coruña, 13 de outubro de 2025

Isidoro Martínez Arca
Director territorial da Coruña

ANEXO

Relación de bens e dereitos afectados. Concello de Narón. LMT, CTC e RBT Faísca

Núm. parcela

Lugar e referencia catastral

Cultivo

Propietario/a

Afección de solo en pleno dominio

Afección de solo por servidume de paso de enerxía eléctrica

Apoio núm.

ml aér.

ml sot.

m2 aér.

m2 sot.

Avda. Souto Vizoso

Ref. catastral: 6167281NJ6166N0000IJ

Prado

María Luisa Seselle Girgado

Tomás Rodríguez Palomares

CTC

17,0

Abreviacións:

ml aér.: lonxitude da servidume aérea en metros lineais.

m2 aér.: superficie de servidume aérea en m2.

ml sot.: lonxitude da servidume soterrada en metros lineais.

m2 sot.: superficie de servidume soterrada.