De conformidade co establecido nos artigos 22.2 da Lei 3/2007, do 9 de abril, de prevención e defensa contra os incendios forestais de Galicia, e 44 da Lei 39/2015, do 1 de outubro, do procedemento administrativo común das administracións públicas, por medio deste anuncio lémbrase ás persoas propietarias da seguinte relación de parcelas a obriga legal de xestión da biomasa vexetal e retirada de especies arbóreas prohibidas, para o que poderán presentarse no concello e ter coñecemento do contido íntegro da orde de execución:

Parcelas catastrais

15052A012003190000MG

15052A012003100000ME

15052A011000460000MS

15052A011000470000MZ

Así mesmo, comunícase que transcorrido o prazo marcado e advertido o incumprimento, o Concello procederá á execución forzosa, mediante execución subsidiaria das actuacións materiais necesarias, con repercusión dos custos de xestión da biomasa e, se é o caso, comiso das especies arbóreas prohibidas retiradas nos termos do devandito artigo 22.2 da Lei 3/2007, do 9 de abril, de prevención e defensa contra os incendios forestais de Galicia.

Neste caso, o inicio das actuacións materiais necesarias por parte do Concello poderá verificarse en calquera momento transcorrido o prazo máximo outorgado, dentro dos catro anos posteriores, de manterse o incumprimento.

A ausencia de cumprimento das obrigas descritas é constitutiva de infracción administrativa, polo que dará lugar ao inicio do correspondente expediente sancionador, en que se poderán adoptar medidas de carácter provisional consistentes en traballos preventivos de xestión da biomasa e retirada de especies arbóreas co obxecto de evitar os incendios forestais e comiso das indicadas especies.

Mugardos, 5 de novembro de 2025

O alcalde
P.D. (Delegación R.A. núm. 2023-0615, do 26.6.2023)
Jorge Manuel Kunt Peiteado
Concelleiro delegado de Obras, Servizos, Medio Ambiente e TICs