Na sesión que tivo lugar o día 17 de decembro de 2025, polo Xurado Provincial de Clasificación de Montes Veciñais en Man Común da Coruña, figura o seguinte acordo:

Antecedentes de feito:

Primeiro. Con data do 29.6.2020 a Comunidade de Montes en Man Común de Camboño no concello de Lousame-Noia presentou unha solicitude de clasificación do monte San Luis, Armada e Buxaín, e achegou a documentación necesaria.

Segundo. O monte cuxa clasificación se pretende localízase na parroquia de Camboño no termo municipal de Lousame (A Coruña). De acordo co levantamento topográfico realizado, ten unha superficie total de 262.248,00 metros cadrados (26,23 has) e atópase perfectamente delimitado polos seus ventos norte, sur e oeste estando diferenciado das propiedades privadas lindeiras en todo o seu perímetro exterior por medio dun muro antigo de pedra.

Os límites do monte están descritos como segue:

• Norte: MVMC de San Lois, Solar, Caballoso, Fieiro, Pedrices e Costado propiedade da CMVMC de Miñortos.

• Leste: dúas parcelas do MVMC de Barbanza de Argalo e outros, propiedade da CMVMC de Barbanza de Argalo e outros, predios particulares (9) e pista forestal.

• Sur: muros e predios particulares (4).

• Oeste: predios de veciños/as de Lousame (61).

Aparece un único enclavado, que corresponde á referencia catastral 15043A14000422, cunha superficie total de: 4.125 m2. Este enclavado tamén está rodeado por muro no seu lindeiro co monte veciñal.

A superficie do monte afecta as seguintes referencias catastrais:

Parcela	Coord. X	Coord. Y	Área (m2)	Ref. Cat.	Superficie ocupada (m2)
00474	507178,41	4734290,27	576	15043A14000474	253
00342	507374,12	4733953,17	1.947	15043A13900342	1.500
00733	507424,57	4733952,02	1.860	15043A13900733	147
00734	507434,12	4733932,52	704	15043A13900734	61
00736	507370,60	4734270,81	931	15043A13900736	419
00735	507438,71	4733915,32	1.609	15043A13900735	138
00840	507369,86	4734246,10	844	15043A13900840	394
00842	507365,73	4734197,17	1.027	15043A13900842	159
00066	507521,25	4733694,15	4.368	15043A13800066	112
00344	507429,54	4733924,88	868	15043A13900344	78
00347	507453,23	4733906,14	2.114	15043A13900347	359
00348	507464,90	4733894,60	870	15043A13900348	137
00351	507495,99	4733832,17	3.554	15043A13900351	194
00297	507301,92	4733993,03	113	15043A13900297	113
00300	507287,78	4733990,14	79	15043A13900300	79
00303	507246,90	4734024,15	823	15043A13900303	13
00307	507270,18	4733963,01	5.086	15043A13900307	2.643
00301	507261,81	4733985,52	224	15043A13900301	139
00067	507546,41	4733740,63	4.741	15043A13800067	561
00068	507543,83	4733786,25	2.036	15043A13800068	217
00241	507374,22	4734218,88	923	15043A13900241	412
00460	507182,83	4734380,09	1.272	15043A14000460	746
00461	507179,35	4734345,30	1.933	15043A14000461	877
09002	507485,22	4734112,05	628	15043A13909002	419
00298	507272,77	4734037,58	1.402	15043A13900298	81
00343	507418,84	4733937,49	1.644	15043A13900343	156
00350	507491,21	4733879,45	2.516	15043A13900350	749
00299	507262,76	4734027,08	998	15043A13900299	40
00424	507531,14	4734126,64	8.073	15043A13900424	1.610
00421	507357,40	4734403,49	79.427	15043A13900421	76.709
00169	507570,62	4733793,71	1.100	15043A13800169	144
00295	507295,96	4734039,77	1.494	15043A13900295	185
00456	507130,64	4734603,65	41.687	15043A14000456	40.747
00457	507117,80	4734395,65	2.842	15043A14000457	135
00421	506951,01	4734709,32	11.603	15043A14000421	6.073
00069	507569,57	4733807,56	1.070	15043A13800069	142
00070	507559,20	4733830,51	1.597	15043A13800070	1.483
00071	507610,27	4733711,09	4.964	15043A13800071	4.786
00473	507182,32	4734312,56	2.155	15043A14000473	861
00475	507238,87	4734288,65	4.377	15043A14000475	4.019
00341	507485,48	4734002,04	17.664	15043A13900341	17.525
60010	507149,64	4734811,26	53.362	15058A04260010	45.154
60006	507052,74	4735029,15	17.934	15058A04260006	917
00863	507410,62	4734574,42	28.514	15058A05100863	14.436
02815	507214,71	4734866,20	12.925	15058A04202815	6.581
02734	507250,07	4734884,24	1.928	15058A04202734	189
02735	507284,29	4734814,26	5.746	15058A04202735	867
00830	507604,43	4733999,06	29.155	15058A05100830	19.307
00111	507652,67	4733780,42	4.470	15058A05400111	2.159
00024	507713,53	4733654,88	813	15058A05400024	8
00016	507741,82	4733769,05	10.919	15058A05400016	53
00022	507717,01	4733667,27	975	15058A05400022	134
00023	507715,33	4733660,87	829	15058A05400023	60
00020	507724,06	4733702,15	9.784	15058A05400020	1.239

Terceiro. En relación á xustificación do uso comunal consta no expediente documentación histórica que o avala.

Cuarto. Dado que a documentación e a planimetría son suficientes para identificar o monte, o Xurado, na reunión que tivo lugar o día 20 de xuño de 2024, acorda iniciar o expediente de clasificación, asignándolle o número de expediente 431.

Quinto. Con data do 20 de setembro de 2024, o Servizo de Montes emitiu o seu informe para a clasificación do monte como veciñal en man común en que se comproba que no lindeiro norte existe unha pequena superposición gráfica co monte veciñal en man común de San Lois, Solar, Caballoso, Fieiro, Pedrices e Costado do concello de Porto do Son. Esta é unha variación pequena (0,37 has) que require axustar axeitadamente o lindeiro entre ambos os montes.

Así mesmo, no lindeiro leste existe unha superposición na representación gráfica con parcelas do monte veciñal en man común Barbanza de Argalo, Coto de Figueira, Pedra da Mata, Cruz de Armada e Pedra Redonda do concello de Noia, derivada da distinta interpretación dos lindeiros administrativos entre concellos do Instituto Xeográfico ao longo do tempo.

Sexto. No trámite de instrución do expediente realizáronse os trámites oportunos sen que consten alegacións ao respecto da clasificación do monte.

Con data do 11.12.2025 emitiuse proposta de resolución favorable por parte do instrutor do expediente.

Fundamentos de dereito.

Primeiro. O Xurado Provincial de Montes Veciñais en Man Común da Coruña ten competencia para coñecer deste expediente en virtude do disposto nos artigos 9 e 10 da Lei 13/1989, do 10 de outubro, de montes veciñais en man común.

Segundo. De conformidade co contido do artigo 11 da Lei 13/1989, do 10 de outubro, e o artigo 19 do seu regulamento aprobado polo Decreto 260/1992, do 4 de setembro, a Comunidade do Monte Veciñal en Man Común de Camboño é parte lexítima para solicitar a iniciación deste expediente de clasificación.

Terceiro. Para a súa clasificación como veciñal en man común, o monte debe reunir as seguintes características:

a) Pertenza a agrupacións de veciños na súa calidade de grupos sociais, non como entidades administrativas.

b) Que se veña aproveitando consuetudinariamente en réxime de comunidade, sen asignación de cotas polos membros da agrupación na súa condición de veciños comuneiros.

c) Que os veciños comuneiros residan habitualmente con casa aberta dentro da área xeográfica sobre a que se asenta o grupo social que tradicionalmente aproveitou o monte (artigos 1,2 e 3 da Lei 13/1989, do 10 de outubro, e artigos 1, 2 e 3 do seu regulamento).

É pois un elemento determinante para a clasificación dun monte como veciñal en man común que o Xurado teña elementos probatorios suficientes no expediente para determinar se o monte que se pretende clasificar é aproveitado en común, sen cotas, polos/as veciños/as que o solicitan, e que estes o realicen pola súa condición de veciños e veciñas comuneiros integrantes do grupo social, non como entidades administrativas, e isto á marxe das cuestións relativas á titularidade dominical e demais dereitos reais que se puidesen formular no procedemento que deberán de dirimirse ante a xurisdición ordinaria segundo o disposto no artigo 10.2 da Lei estatal 55/1980, do 11 de novembro, de montes veciñais en man común.

Cuarto. No expediente consta documentación histórica e administrativa que acredita a existencia do monte así como a titularidade e o seu uso por parte do común dos/das veciños/as e xustifica a súa clasificación como monte veciñal en man común.

En consecuencia co que antecede, unha vez examinada a Lei 13/1989, do 10 de outubro, de montes veciñais en man común; o seu regulamento, aprobado polo Decreto 260/1992, do 4 de setembro; o Decreto 223/2022, do 22 de decembro, que establece a estrutura orgánica da Consellería do Medio Rural, e a demais normativa legal e regulamentaria, o Xurado Provincial, na súa sesión do 17 de decembro de 2025, por unanimidade dos seus membros,

ACORDOU:

1º. Clasificar como monte veciñal en man común o monte San Lois Armada e Buxaín de 25,85 has, para a ampliación do MVMC Barbanza de Camboño no concello de Lousame, cos lindeiros, a superficie, as características e a planimetría descritas e que constan no expediente, ao reunir o devandito monte as características sinaladas no fundamento de dereito terceiro, ao resultar acreditado que o devandito monte está aproveitado polos veciños e polas veciñas das parroquias solicitantes como grupo social e en réxime de comunidade de tipo xermánico.

2º. Ordenar a rectificación da cartografía rexistrada pola Administración para os efectos de eliminar o aparente solapamento no lindeiro leste do monte agora clasificado co monte veciñal en man común de Barbanza de Argalo, Coto de Figueira, Pedra da Mata, Cruz de Armada e Pedra Redonda no concello de Noia.

Contra esta resolución, que pon fin á vía administrativa, poderase interpoñer recurso de reposición, con carácter potestativo ante o Xurado Provincial de Clasificación de Montes Veciñais en Man Común da Coruña no prazo dun mes, ou ben interpoñer directamente recurso contencioso-administrativo ante o Xulgado do Contencioso-Administrativo da Coruña no prazo de dous meses, contados desde o día seguinte ao desta notificación, de conformidade co previsto nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.

Transcorrido o prazo de interposición dos recursos anteditos, esta resolución será firme para todos os efectos regulamentarios.

A Coruña, 21 de xaneiro de 2026

María Nieves Mancebo Santamaría
Presidenta do Xurado Provincial de Clasificación
de Montes Veciñais en Man Común da Coruña

ANEXO