De conformidade co previsto no artigo 8 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade da seguinte encomenda coas seguintes características:

– Acordo do 24 de febreiro de 2026 de encomenda de xestión das consellerías da Xunta de Galicia a favor da Consellería de Sanidade, para a colaboración nun programa de inspección e control da incapacidade temporal do persoal empregado público da Comunidade Autónoma de Galicia incluído no réxime do mutualismo administrativo (Muface/Mugeju).

– Actividade: para acadar unha maior eficiencia na racionalización da incapacidade temporal, desenvolverase un programa especial de inspección e control dela por parte dos servizos de Inspección de Servizos Sanitarios da Consellería de Sanidade, que implicará a colaboración necesaria entre as unidades de xestión do persoal de cada consellería e as unidades de inspección e control de saúde laboral dos departamentos territoriais da Consellería de Sanidade.

– Natureza e alcance das funcións encomendadas: ten natureza de encomenda intrasubxectiva, segundo o disposto no artigo 8 da Lei 16/2010, do 17 de decembro.

– Financiamento: a realización das actividades necesarias para a execución desta encomenda efectuase sen contraprestación.

– Prazo de vixencia: a encomenda producirá efectos a partir do mesmo día da súa sinatura e manterá a súa vixencia por 4 anos, e poderá ser prorrogada por períodos anuais mediante acordo expreso das partes. Non obstante, dará soporte ás accións que, en relación co seu obxecto, se desenvolvan desde o 1 de xaneiro de 2026.

Santiago de Compostela, 24 de febreiro de 2026

Antonio Gómez Caamaño
Conselleiro de Sanidade