Expediente: IN407A 2026/024-1.

Solicitante/promotor: UFD Distribución Electricidad, S.A.

Denominación: LAT 66 kV Barbanza-Tambre II CIR-1 e CIR-2.

Termos municipais: Porto do Son e Boiro.

1. Características técnicas.

– Construción dunha liña subterránea dobre circuíto de 66 kV e o seu entroncamento coa liña aérea existente. A liña constará dun primeiro treito subterráneo de 0,45 km, con orixe na SE Barbanza ata o apoio BAR TA2 C1/C2 [1N] de transición aero-subterránea (PAS). Nese punto proxéctase o novo apoio PAS, situado a 120 m do apoio existente PDS [75] / BOI [75].

– A liña subterránea executarase en canalización formigonada baixo tubo desde a SE Barbanza ata o novo apoio por instalar BAR TA2 C1/C2 [1N]. O circuíto C1 instalarase con condutor Cable RHZ1-20L(S)36/66 kV 1×630 kAL+H165. O circuíto C2 instalarase con condutor Cable RHZ1-20L(S)36/66 kV 1×1200 kAL+H165.

– O novo apoio PAS BAR TA2 C1/C2 [1N] instalarase baixo o trazado na liña existente en dobre circuíto LAT 66 kV Tambre II / Porto do Son / Boiro, a 120,84 metros do apoio C1 TA2 PDS [75]/C2 TA2 BOI [75].

2. Lexislación de aplicación.

– Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

– Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

– Lei 24/2013, do 26 de decembro, do sector eléctrico (BOE núm. 310, do 27 de decembro).

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

– Lei 9/2021, de 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro).

– Resolución do 19 de febreiro de 2014 pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo).

– Lei do 16 de decembro de 1954, sobre expropiación forzosa (BOE núm. 351, do 17 de decembro).

– Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).

A relación concreta e individualizada dos bens e dereitos afectados que se considera de necesaria expropiación figura no anexo que se xunta con este acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

A documentación estará á disposición das persoas interesadas nas dependencias da Sección de Enerxía do Departamento Territorial da Consellería de Economía e Industria da Coruña (rúa Vicente Ferrer, núm. 2-2º andar, 15071 A Coruña), das 9.00 ás 14.00 horas, de luns a venres, así como no taboleiro de anuncios do Concello. Ademais, poderá consultarse no Portal de transparencia e goberno aberto desta consellería:

https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte

Isto faise público para o coñecemento xeral e particular das persoas propietarias dos predios que figuran na relación anexa a este acordo, así como das persoas titulares de dereitos reais ou intereses económicos sobre os bens afectados que fosen omitidos. Poderán examinar a documentación técnica e, de ser o caso, achegar as alegacións ou observacións que consideren axeitadas, no prazo de 30 días contados a partir do día seguinte ao da última publicación deste acordo.

A Coruña, 27 de febreiro de 2026

Isidoro Martínez Arca
Director territorial da Coruña

ANEXO I

Relación de bens e dereitos afectados. Termo municipal de Boiro

Núm. parcela	Lugar Referencia catastral	Cultivo	Titular	Afección de solo en pleno dominio		Afección de solo por servidume de paso de enerxía eléctrica
				Apoio núm.	m²	ml aér.	ml sot.	m² aér.	m² sot.
1	Monte Devesa 15011A08100431	Matogueira	MVMC Barbanza, Xaramelo e Granxa do Navio, A Figueira, Balteiro, Graña, Noceda e Sabuceda Consellería do Medio Rural (Servizo de Montes)	1N1	23,0		36,0		112,0

Abreviacións:

ml aér.: lonxitude da servidume aérea en metros lineais.

ml sot.: lonxitude da servidume soterrada en metros lineais.

m² aér.: superficie de servidume aérea en m².

m² sot.: superficie de servidume soterrada.

ANEXO II

Relación de bens e dereitos afectados. Termo municipal de Porto do Son

Núm. parcela	Lugar Referencia catastral	Cultivo	Titular	Afección de solo en pleno dominio		Afección de solo por servidume de paso de enerxía eléctrica
				Apoio nº	m²	ml aé,r	ml sot.	m² aér.	m² sot.
6	Xamiñon 15072A04800232	Matogueira	Hrdos. de María Beceiro Sobrado				31,0		91,0
4	Varios 15072A04860001	Matogueira	Comunidade de montes de Nebra Consellería do Medio Rural (Servizo de Montes)				128,0		383,0

Abreviacións:

ml aér.: lonxitude da servidume aérea en metros lineais.

ml sot.: lonxitude da servidume soterrada en metros lineais.

m² aér: superficie de servidume aérea en m².

m² sot: superficie de servidume soterrada.