O Xurado Provincial de Clasificación de Montes Veciñais en Man Común de Pontevedra resolveu, na súa reunión do 24.2.2026, aprobar o deslindamento parcial entre as comunidades de montes veciñais en man común (CMVMC) de Couso e Guláns (Ponteareas), con base nos seguintes feitos e consideracións técnicas.

Antecedentes e consideracións técnicas:

Primeiro. O 5.3.2025, a representación da CMVMC de Couso presentou a solicitude de deslindamento entre a CMVMC de Couso e a CMVMC de Guláns, ambas no concello de Ponteareas.

Os montes veciñais en man común (en diante MVMC) afectados por este deslindamento son:

– MVMC de Couso (ID monte: 3029) da CMVMC de Couso.

– MVMC de Guláns (ID monte: 3006) da CMVMC de Guláns.

Consta no expediente a seguinte documentación do deslindamento, consonte o artigo 53 da Lei 7/2012, do 28 de xuño, de montes de Galicia (LMG):

– Acta do apeo do deslindamento do 21.9.2024.

– Acta de conciliación do Xulgado de 1ª Instancia e Instrución núm. 2 de Ponteareas do 4.2.2025.

– Certificado do secretario da CMVMC de Couso, coa conformidade do presidente do 28.12.2024, da aprobación polo 63 % dos comuneiros na asemblea extraordinaria do 6.10.2024.

– Certificado da secretaria da CMVMC de Guláns, coa conformidade do presidente de 20.1.2025, da aprobación polo 38 % na Asemblea x. ordinaria do 3.11.2024.

– Memoria descritiva, asinada o 5.3.2025 pola enxeñeira técnico forestal colexiada núm. 1227 do COETF de Galicia, co plano de deslindamento e a cartografía en formato dixital no Datum ETRS89/UTM zona 29N.

– Informes de validación gráfica catastral parcial con CSV: 5KHK8002HD6RWK0D e N6JH09ZNY4NADEZ4.

Segundo. Os puntos levantados no campo de acordo coas dúas comunidades e que se corresponden con puntos identificados con fitos ou marcas no terreo son os seguintes:

Punto	Nome	UTMX	UTMY
0	C-G1	535.895,44	4.667.795,68
1	C-G2	535.882,52	4.667.725,24
2	C-G3	535.872,14	4.667.650,33
3	C-G4	535.851,32	4.667.472,87
4	C-G5	535.859,27	4.667.423,84
5	C-G6	535.881,64	4.667.295,77
6	C-G7	535.857,57	4.667.232,62
7	C-G8	535.843,76	4.667.195,69
8	C-G9	535.826,10	4.667.152,22
9	C-G10	535.795,87	4.667.062,18
10	C-G11	535.788,63	4.667.041,66
11	C-G12	535.784,52	4.666.929,57
12	C-G13	535.954,28	4.666.010,20
13	C-G14	535.978,29	4.665.886,82

No traballo de gabinete establécense puntos de deslindamento secundarios para respectar o dominio público da pista municipal entre o punto 10 (CG11) e o punto 11 (CG12). Estes puntos son:

Nome	UTMX	UTMY
AUX1	535.788,36	4.667.034,36
AUX2	535.787,86	4.667.020,80

Terceiro. A liña de deslindamento proposta ten unha lonxitude de 1.000,56 metros (1 km) e está composta por dous tramos:

– Tramo 1, de 874, 86 m: en liña recta dende o punto 0 (C-G1) ata o punto 11 (CG12), interrompéndose 13,57 m na liña que une os puntos 10 (CG11) ao punto 11 (CG-12) polo dominio público da pista municipal (AUX1-AUX2).

– Tramo 2, de 125,70 m: en liña recta desde o punto 12 (CG13) ata o punto 13 (CG14).

Que corresponde cos seguintes puntos en coordenadas ETRS89 (zona29N):

Tramo	Punto	Nome	UTMX	UTMY
1	0	C-G1	535.895,44	4.667.795,68
	1	C-G2	535.882,52	4.667.725,24
	2	C-G3	535.872,14	4.667.650,33
	3	C-G4	535.851,32	4.667.472,87
	4	C-G5	535.859,27	4.667.423,84
	5	C-G6	535.881,64	4.667.295,77
	6	C-G7	535.857,57	4.667.232,62
	7	C-G8	535.843,76	4.667.195,69
	8	C-G9	535.826,10	4.667.152,22
	9	C-G10	535.795,87	4.667.062,18
	10	C-G11	535.788,63	4.667.041,66
		AUX1	535.788,36	4.667.034,36
		AUX2	535.787,86	4.667.020,80
	11	C-G12	535.784,52	4.666.929,57
2	12	C-G13	535.954,28	4.666.010,20
	13	C-G14	535.978,29	4.665.886,82

Neste deslindamento corríxese a avinza 2_2012, xa modificada polo expediente DC23004. Cámbiase o punto XCO-1 con coordenadas (X: 535.896,72 – Y: 4.667.792,09), polo punto 0(C-G1) coordenadas (X: 535.895,44 – Y: 4.667.795,68).

Por tanto, que a liña da avinza 2_2012 neste tramo vén dada pola unión en liña recta dos puntos XCO-2 e C-G1 de coordenadas:

– XCO-2: X: 535.896,15; Y: 4.667.852,36.

– C-G1 (0): X: 535.895,44; Y: 4.667.795,68.

Xustifícase esta mellora da avinza 2_2012, mediante o certificado de aprobación na asemblea e a acta complementaria do apeo, asinada polo presidente da CMVMC de Xinzo, en que a comunidade de Xinzo recoñece o punto C-G1 (0) como de confluencia das comunidades de Couso, Guláns e Xinzo.

Revisada a cartografía das resolucións de clasificación de ambos os MVMC, detéctase que existe lindancia entre ambos, excepto no tramo do punto 8 ao 11 onde a lindancia se xustifica por catastro. O deslindamento non afecta terceiros propietarios.

A liña de deslindamento produce modificacións na cartografía dos esbozos de clasificación das comunidades implicadas (Couso e Guláns) e mellora dos esbozos das comunidades lindeiras (Picoña e Xinzo), polo que presenta os seguintes axustes:

– Axuste do esbozo da CMVMC de Guláns, modificado polo Servizo de Montes para recoller o deslindamento DC22038 (Guláns-Cristiñade).

– Axuste da revisión do esbozo da CMVMC de Couso (RE22035).

– Axuste da revisión do esbozo da CMVMC de Picoña (RE22061).

– Axuste da revisión do esbozo da CMVMC de Xinzo (RE22032) por mellora da avinza 2_2012.

O Servizo de Montes considera que a solicitude se axusta ao establecido no artigo 53 da LMG, polo que propón que o Xurado aprobe o deslindamento segundo a liña presentada.

Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.

Á vista do exposto, este Xurado

RESOLVE:

Aprobar o deslindamento parcial entre as CMVMC de Couso e Guláns, ambas no concello de Ponteareas, nos termos antes indicados.

Contra esta resolución, que pon fin á vía administrativa, poderase interpoñer recurso de reposición perante o Xurado Provincial de Clasificación de MVMC de Pontevedra no prazo dun mes, de acordo co disposto nos artigos 123 e 124 LPAC, ou ben interpoñer directamente recurso contencioso-administrativo perante o Xulgado do Contencioso-Administrativo no prazo de dous meses, de acordo cos artigos 8 e 46 da LXCA.

Pontevedra, 18 de marzo de 2026

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra